"မလေးရှားမှာ ကားတိုက်မှုအတွင်း မိသားစုနှစ်ခုမှ ကလေးသုံးဦးအပါအဝင် လူခြောက်ဦးသေဆုံး"

ကားတစ်စီးရဲ ယာဉ်မောင်းဖြစ်သူ အိပ်ငိုက်သွားပြီးနောက် ၎င်းရဲ့ကားက ဆန့်ကျင်ဘက်ယာဉ်ကြောကို ရောက်ရှိသွားခဲ့ရာမှ ကားနှစ်စီးတိုက်မိခဲ့ကြကြောင်း ရဲတပ်ဖွဲ့က ယုံကြည်ထားပါတယ်။ မလေးရှားနိုင်ငံ အဝေးပြေးလမ်းမပေါ်မှာ ဖြစ်ပွားခဲ့တဲ့ ကားနှစ်စီးတိုက်မိခဲ့မှုအတွင်း မိသားစုနှစ်ခုမှ ကလေးငယ်သုံးဦး အပါအဝင် လူခြောက်ဦး သေဆုံးခဲ့ပြီး အခြား လူငါးဦး ဒဏ်ရာအပြင်းအထန်ရခဲ့ပါတယ်။



မေ ၄ ရက် ဒေသစံတော်ချိန် မနက် ၂ နာရီ ၄၅ မိနစ်အချိန်က Raub မြို့နယ်နမိတ်အတွင်း ကွာလာလမ်ပူ-ကိုတာဘာရူး (Kuala Lumpur-Kota Bharu) အဝေးပြေးလမ်းပေါ်မှာ ကားတိုက်မှုဖြစ်ပွားခဲ့တယ်လို့ သိရပါတယ်။ ယခု မတော်တဆမှုဟာ ကားတစ်စီးရဲ့ ယာဉ်မောင်းဖြစ်သူ အသက် ၃၈ နှစ်အရွယ် Nasrul Fakhri Mansor အိပ်ငိုက်သွားပြီး ၎င်းရဲ့ကားက ဆန့်ကျင်ဘက်ယာဉ်ကြောကို ရောက်ရှိသွားခဲ့ရာမှ ကားနှစ်စီးတိုက်မိခဲ့ကြကြောင်း ရဲတပ်ဖွဲ့က ယုံကြည်ထားပါတယ်။

အိပ်ငိုက်သွားတဲ့ ယာဉ်မောင်းရဲ့ကားက ဆန့်ကျင်ဘက်ယာဉ်ကြောမှ အသက် ၄၄ နှစ်အရွယ် Mohd Syaril Sulaiman မောင်းနှင်လာတဲ့ကားနဲ့ ဝင်တိုက်ခဲ့မိတယ်လို့ Raub ရဲတပ်ဖွဲ့အကြီးအကဲ Wan Mohd Zahari Wan Busu က ပြောပါတယ်။

ကားမောင်းနေစဉ် အိပ်ငိုက်သွားခဲ့တဲ့ Nasrul ဟာ ၎င်းရဲ့ဇနီး အသက် ၃၇ နှစ်အရွယ် Hartini Mokhtar၊ ၎င်းတို့ရဲ့ ကလေးနှစ်ဦးဖြစ်တဲ့ အသက် ၄ နှစ်အရွယ် Nur Faqihah၊ အသက် ၁ နှစ်အရွယ် Nur Fateen တို့နဲ့အတူ ကားတိုက်မှုဖြစ်တဲ့ နေရာမှာတင် သေဆုံးခဲ့ပါတယ်။ ၎င်းတို့ရဲ့ သားဖြစ်သူ အသက် ၁၀ နှစ်အရွယ် Muhammad Haziq နဲ့ အသက် ၈ နှစ်အရွယ် သမီးဖြစ်သူ Nur Fathiyah တို့ကတော့ ကားတိုက်မှုမှာ အသက်ရှင်ခဲ့ပေမဲ့ ဒဏ်ရာပြင်းထန်စွာရခဲ့ကြောင်း သိရပါတယ်။

ကားတိုက်မှုအတွင်း သေဆုံးခဲ့သူ အခြားနှစ်ဦးမှာ Mohd Syaril မောင်းနှင်တဲ့ကားမှာ လိုက်ပါလာကြတဲ့ ၎င်းရဲ့ဇနီး အသက် ၃၄ နှစ်အရွယ် Hasliza Arini Muhamad နဲ့ ၎င်းတို့ရဲ့ အသက် ၂ နှစ်အရွယ် သားဖြစ်သူ Muhammad Khalish Kautsar Mohad Syaril တို့ဖြစ်ပါတယ်။

Mohd Syaril နဲ့ ၎င်းရဲ့ အသက် ၇ နှစ်အရွယ် Khaliesah Khairina နဲ့ အသက် ၅ နှစ်အရွယ် Dhia Afriena တို့ကတော့ ဒဏ်ရာပြင်းထန်စွာရခဲ့ကြတယ်လို့ Bernama သတင်းက ပြောပါတယ်။ ယခု ကားတိုက်မှုကြောင့် ဒဏ်ရာရခဲ့သူတွေကို Kuala Lipis ဆေးရုံသို့ပို့ဆောင်ခဲ့ပြီး သေဆုံးသူတွေရဲ့ ရုပ်အလောင်းတွေကိုတော့ စစ်ဆေးရန်အတွက် Raub ဆေးရုံသို့ ယူဆောင်သွားခဲ့ကြောင်း သိရပါတယ်။