‘အနန္တ’ရုပ်ရှင်ဇာတ်ကားအတွက် ညိုမင်းလွင်ရဲ့ ရင်ခုန်မှု

 မြန်မာနိုင်ငံတွင် လူသားများ၏ ပထမဆုံးကျောက်ဖြစ်ရုပ် ကြွင်းကို တွေ့ရှိသည်ဆိုသည့် သတင်းအပေါ် အခြေခံ၍ ‘အနန္တ’ရုပ်ရှင်ကို ရိုက်ကူးခြင်းဖြစ်ကြောင်း ဒါရိုက်တာညိုမင်းလွင် က ပြောသည်။ ‘‘ငယ်ငယ်က ကြည့်ဖူးတဲ့ သိပ္ပံဇာတ်ကားတွေရဲ့ ရိုက်ချက်မျိုးတွေ၊ ကင်မရာအယူအဆမျိုးတွေ၊ အဲဒါမျိုးအငွေ့အသက် တော့  ပါကောင်းပါနိုင်တယ်။ ဒါပေမဲ့ အဓိကအကျဆုံးဖြစ်တဲ့ ဇာတ်လမ်းသည် လုံးဝကော်ပီ မဟုတ်ပါဘူး။ အဲဒါကို သေသေ ချာချာ ပြောရဲပါတယ်’’ဟု ညိုမင်း လွင်က ပြောသည်။


ယင်းဇာတ်ကားကို လွန်ခဲ့ သည့် လေးနှစ်ခန့်က ရိုက်ကူးပြီး Visual Effect အတွက် ၂ နှစ်ခွဲခန့် အချိန်ပေးခဲ့ရကြောင်း ၎င်းက ဆိုသည်။ ‘‘ပုံမှန်ကားထက်တော့ သုံး ဆလောက်တော့ကုန်တယ်။ အတိအကျကို မမေးထားဘူး။ မသိချင် လို့၊ သိနေရင် ခေါင်းလေးမှာစိုးလို့။ ထုတ်လုပ်သူ စိတ်ဝင်လာမှာစိုး လို့’’ဟု ညိုမင်းလွင်က ပြော သည်။

ယင်းဇာတ်ကားကို ၎င်းတို့၏ ကိုယ်ပိုင်ထုတ်လုပ်ရေးဖြစ်သည့်  ‘ညကျောင်း’ ရုပ်ရှင်ထုတ်လုပ်ရေး က ရိုက်ကူးခြင်းဖြစ်ပြီး မြန်မာနိုင်ငံ၌ ရှိသင့်သည့် ဇာတ်ကားဖြစ် သောကြောင့် ကြိုးစားဖန်တီးခဲ့ ကြောင်း ၎င်းက ဆိုသည်။

အနန္တရုပ်ရှင်တွင် ဖြိုးငွေစိုး၊စိုင်းလွှမ်း၊ နန်းဆုဦး၊ သက်ထား ဝေဇင်တို့အပါအဝင် မျက်နှာသစ်သရုပ်ဆောင်များ ပါဝင်ရိုက်ကူး ထားပြီးယနေ့ကစ၍ ရန်ကုန်၊ မန္တလေးအပါအဝင် တစ်နိုင်ငံလုံးရုံတင်ပြသမည်ဖြစ်သည်။ ‘‘ရင်ခုန်လားမေးရင်တော့ ပရိသတ်ရဲ့မှတ်ချက် ဘယ်လိုရှိမလဲဆိုပြီး ဒါရိုက်တာအသစ်တစ် ယောက်လို ရင်ခုန်ပါတယ်’’ဟု ညိုမင်းလွင်က ယင်းဇာတ်ကားနှင့် ပတ်သက်၍ ပြောသည်။