ရွှေဘို အကျဉ်းထောင်တွင်းမှ ဖုန်းဖြင့် Live လွှင့်ခဲ့သူနှင့် ယင်းဖုန်းရောင်းချခဲ့သည့် အကျဉ်းထောင်ဝန်ထမ်းကို အရေးယူထားကြောင်း စစ်ကိုင်းတိုင်းနယ်လုံဝန်ကြီး ဗိုလ်မှူးကြီး သန်းထွန်းအောင်က ပြောသည်။ ‘’ဒီနေ့ပဲ အရေးယူလိုက်ပါတယ် “ ဟု ၄င်းက ပြောသည်။ ထို့အပြင် ထောင်တွင်း ဖုန်းရောင်းချမှုများနှင့် ဆက်စပ်နေသော ကိစ္စရပ်များကိုပါ စုံစမ်းမှုများ ပြုလုပ်နေကြောင်း ရွှေဘို ထောင်ပိုင်ကြီးကလည်း ပြောသည်။မေ ၈ ရက်နေ့ ညပိုင်းက ရွှေဘိုအကျဉ်းထောင်တွင် ထောင်ဆူပူမှု ဖြစ်ခဲ့မှုကြောင့် အာဏာပိုင်များက ဖြိုခွင်းရာတွင် လူ လေးဦး သေဆုံးခဲ့ကာ ဒဏ်ရာ ရသူအချို့ ရှိခဲ့သလို ထောင်ဆူပူမှုကြောင့် ရဲတပ်ဖွဲ့အပြင် တပ်မတော်မှ ပူးပေါင်းကာ ဖြေရှင်းဆောင်ရွက်ခဲ့ရကြောင်းလည်း သိရသည်။
ရွှေဘို အကျဉ်းထောင်မှ အကျဉ်းသားတစ်ဦး ထောင်ထဲမှနေ၍ Live လွှင့်သည့် ကိစ္စအား အရေးကြီးမေးခွန်း အနေဖြင့် သက်ဆိုင်ရာကို လွှတ်တော်မှ တစ်ဆင့် မေးရန် လွှတ်တော်ကိုယ်စားလှယ် တစ်ဦးက ပြင်ဆင်လျက်ရှိကြောင်းလည်း သိရသည်။
No comments:
Post a Comment