ကံစမ်းမဲပေါက်သည်ဟု ပြောဆိုပြီး ရွှေထည်ပစ္စည်းအတုများ လာပို့၍ ငွေကြေးတောင်းခံသူအား အရေးယူဆောင်ရွက်လျက် ရှိကြောင်း မြန်မာနိုင်ငံ ရဲတပ်ဖွဲ့၏ သတင်းထုတ်ပြန်ချက်အရ သိရသည်။ ဖြစ်စဉ်မှာ ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ (၁၀၇)ရပ်ကွက်နေ ဦးဝင်းမောင် (၅၉)နှစ်သည် ဇွန် ၁၄ ရက်နေ့ နံနက် ၈ နာရီအချိန်တွင် နေအိမ်၌ရှိနေစဉ် သားဖြစ်သူ အောင်ကိုကိုမောင် (၃၀)နှစ်မှာ ရွှေ (၁၀)ကျပ်သား ကံစမ်းမဲပေါက်သဖြင့် လူတစ်ဉီးမှ လာပို့မည် ဖြစ်ကြောင်း၊ ဝန်ဆောင်ခစရိတ် (၉၈,၀၀၀)ကျပ်နှင့် ပစ္စည်းပို့ခ (၂,၀၀၀)ကျပ် စုစုပေါင်း (၁၀၀,၀၀၀)ကျပ် ပေးရမည် ဖြစ်ကြောင်း ပြောပြသဖြင့် မသင်္ကာ၍ရပ်ကွက်အုပ်ချုပ်ရေးမှူးနှင့် ရဲတပ်ဖွဲ့သို့ ကြိုတင်အကြောင်းကြားထားခဲ့ကြောင်း၊ ဇွန် ၁၇ ရက်နေ့ မွန်းလွဲ ၃ နာရီအချိန် လူငယ်တစ်ဦးမှ နေအိမ်သို့ ပစ္စည်းထုပ်လာပို့ကာ ငွေ(၁၀၀,၀၀၀)ကျပ် တောင်းခံသဖြင့် ပေးအပ်လိုက်ပြီး ၎င်းလူငယ်အား ရပ်ကွက်အုပ်ချုပ်ရေးမှူးရုံးသို့ ခေါ်ဆောင်၍ အုပ်ချုပ်ရေးမှူး နှင့်အဖွဲ့ ရှေ့မှောက်တွင် ပစ္စည်းထုပ်ကို ဖွင့်ဖောက်စစ်ဆေးရာ ရွှေအတုများဖြင့် ပြုလုပ်ထားသော နားဆွဲတစ်ရံ၊ လက်စွပ်တစ်ကွင်း၊ ဆွဲသီးပါ ဆွဲကြိုးအသေးတစ်ကုံး၊ ဟန်းချိန်းအသေးတစ်ခု တို့အား တွေ့ရှိရပြီး ပစ္စည်းလာပို့သူမှာ တောင်ဥက္ကလာပမြို့နယ်၊ (၇)ရပ်ကွက်နေ ထက်ဝှန်းကျော် (၂၃)နှစ်ဖြစ်ကြောင်း သိရှိရသဖြင့် အရေးယူပေးပါရန် တိုင်တန်းချက်အရ ထက်ဝှန်းကျော် အား ဒဂုံတောင်မြို့မရဲစခန်း(ပ)၂၆၂၀/၂၀၁၉ ရာဇသတ်ကြီးဥပဒေပုဒ်မ ၄၂၀ ဖြင့် အမှုဖွင့်စစ်ဆေးလျက်ရှိကြောင်း သိရသည်။
No comments:
Post a Comment