ဇွန်လ ၁၈ ရက် မနက် ၉ နာရီက စပါးအထူးအထွက်တိုးစခန်းအမှတ် ၃ တွင် စိုက်ပျိုးရေးဌာန ဦးစီးမှူးမှ ဂတိအတိုင်း ဆောင်ရွက်ခြင်းမရှိကြောင်း၊ စိုက်ပျိုးရေးအဖွဲ့အစည်းကိုလည်းမလိုလားကြောင်း ဒေသခံလယ်သမားများစုပေါင်းကာ အော်ဟစ်ဆန္ဒထုတ်ဖော်ခဲ့ကြခြင်းဖြစ်ကြောင်းသိရသည်။ နမ့်ခမ်းမြို့ လယ်သမားများအဖွဲ့အစည်း အတွင်းရေးမှူး စိုင်းအောင်မြင်က – “ကျနော်တို့ လယ်သမားများအဖွဲ့ ကနေပြီးတော့ ဒေသခံတောင်သူလယ်သမားတွေကို ပုံစံ ရ အကြောင်း ရှင်းလင်းပြောပြမလို့ ချိန်းထားတယ် ။ အဲဒီအတွက် ဒီ စခန်း ၃ ကိုအသုံးပြုခွင့်အတွက်လည်း ကျနော်တို့ စိုက်ပျိုးရေးဌာနမှာ စိုက်ပျိုးရေးဦးစီးမှူး ဦးအောင်စိုးဦးနဲ့သွားတွေ့ဆုံ ပြီးသား။သူတောင်ပြောသေး တယ်မနေ့က ။ အဲဒီစခန်း ၃ မှာ မလှဲမကျင်းရတော့ ပေပွနေတာ အဲ့မှာလုပ်လို့မကောင်းပါဘူး ။စိုက်ပျိုး ရေးရုံးမှာသွားလုပ်ပါလားလို့တောင်အကြံပေးတယ်။ ကျနော်တို့က အဲ့မှာကျနော်တို့သွားပြီး သန့်ရှင်းရေး လုပ်ထားပြီးပြီလို့လည်း ဆွေးနွေးထားကြပြီးသား။ ဒီနေ့အစည်းအဝေးချိန်ရောက်မှ သူတို့ဘက်က သော့လာ မဖွင့် ပေးဘူး။ အသုံးပြုခွင့်လည်းမပေးဘူးလို့ အချိန်ကပ်မှ လာပြောတယ်။ ကျနော်တို့ကိုသုံးခွင့်မပေးရင် ဆန္ဒထုတ်ဖော်ရလိမ့်မယ် ဆိုတော့သူက ထုတ်ဖော်လည်းသူ့အပိုင်းမဟုတ်ဘူးတဲ့ ဆန္ဒပြလည်းသူ မတတ်နိုင်ဘူး သော့မဖွင့်ပေးနိုင်ဘူး ဆိုလို့ကျနော်တို့ ဒီမှာ ချိန်းထားတဲ့ရွာသားတွေနဲ့ ၀ိုင်းပြီးအော်ဟစ်ဆန္ဒထုတ်ဖော်ရတာဖြစ်တယ် ” – ဟု သျှမ်းသံတော်ဆင့်အားရှင်းပြသည်။
နမ့်ခမ်းမြို့တွင် ဒေသခံများလယ်ယာမြေများအား – ခြံမြေများ ပုံစံ ရ ရရှိရေးဆွေးနွေးရန်၊ ပြီးခဲ့သည့်မတ်လ ၅ ရက်နေ့ ၂၀၁၉ က သျှမ်းပြည်နယ်ဝန်ကြီးချုပ်နမ့်ခမ်းမြို့သို့ရောက်ရှိကာ ဒေသခံလယ်သမားများအား ပုံစံ ရ ပြုလုပ်ပေးရန်မှာထားကြောင်းများကိုပြန်လည်ရှင်းလင်းပြောပြရန်အတွက် – နမ့်ခမ်းမြို့နယ် တောင်သူလယ်သမားများအဖွဲ့က ခေါ်ယူဖိတ်ထားခြင်းဖြစ်ကြောင်း ထို့အတွက်ကြောင့်လူထု အင်အား ၂၀၀ ခန့် စခန်း ၃ သို့ရောက်ရှိနေချိန်ဖြစ်ကြောင်း သိရသည်။
“ဦးစီးမှူးက သော့မဖွင့်ပေးဘူးဆိုတော့ ကျနော်တို့က အဲ့ဆိုရင် အစည်းအဝေးပုံစံမလုပ်တော့ဘူး။ ပြန်လည်ရှင်းလင်းရေးဘဲလုပ်တော့မယ်ဆိုလည်းမရဘူး။ ကျနော်တို့ ဆန္ဒထုတ်ဖော်ပြီးတော့ နမ့်ခမ်းမြို့နယ် တောင်သူလယ်သမားများအဖွဲ့ ဥက္ကဌ စိုင်းယီထွန်းရဲ့ တဲမှာသွားပြီးအစည်းအဝေးလုပ်တယ်လေ ။ ဒီစိုက်ပျိုးရေးဌာနက ကျနော်တို့အပေါ် လုပ်နေတဲ့ဟာနဲ့ပတ်သက်ပြီး ကြေငြာချက်ထုတ်ပြန်တယ်”- ဟု စိုင်းအောင်မြင်က ဆိုပါသည်။
ထိုကြေငြာချက်တွင် – စခန်း ၃ အား စိုက်ပျိုးရေးဌာနက ပြုပြင်သန့်ရှင်းရေးလုပ်လိုပါက လယ်သမားများအဖွဲ့က လုပ်ခွင့်ပြုမည်မဟုတ်၊ ဆန့်ကျင်ကန့်ကွက်သွားမည်။ အဆိုပါ စခန်း ၃ အား နမ့်ခမ်းတောင်သူလယ်သမားများ၏လက်ထဲပြန်ရောက်အောင်အတွက် ပြန်လည်တောင်းဆိုသွားမည်။ အဆိုပါစခန်း ၃ အား တောင်သူလယ်သမားများအတွက်ပြန်မပေးပါက ဆန္ဒထုတ်ဖော်တောင်းဆိုသွားမည် – စသည်ဖြင့်ပါရှိပါသည်။
နမ့်ခမ်းမြို့ရှိ စပါးအထူးထွက်တိုးစခန်းများသည် တောင်သူလယ်သမားများစုပေါင်းပြီး ၁၉၈၁ ခုနှစ်တွင် တည်ဆောက်ခဲ့ကြောင်းသိရသည်။
မြေနေရာကအစ အဆောက်အဦးအားလုံးကို ဓာတ်မြေသြဇာရောင်းရငွေမှ အမြတ်များဖြင်ခဲ့ကြောင်း နမ့်ခမ်းမြို့နယ်တောင်သူလယ်သမားများအဖွဲ့အစည်းဥက္ကဌကပြောသည်။
နမ့်ခမ်းတောင်သူလယ်သမားအဖွဲ့ရုံးကို ကောင်းနောင်မိုရပ်ကွက် ကျားဖြူခန်းမအနီးတွင်ရှိပြီး စပါးအထွက်တိုး စခန်း ၁ အား မန့်ခမ်းရပ်ကွက်၊ စခန်း ၂ အားဟိုကတ်ရပ်ကွက် ၊ စခန်း ၃ အား ပေါက်တိုက်ရပ်ကွက်၊ စခန်း ၄ အား မန့်နားရပ်ကွက်တို့တွင် အသီးသီးတည်ရှိကြောင်း သိရသည်။ အဆိုပါစခန်းများအား ၁၉၈၈ ခုနှစ်က အစိုးရက သိမ်းယူလိုက်ကြောင်း၊ သို့သော် ၂၀၁၆ တွင်နမ့်ခမ်းမြို့နယ်တောင်သူလယ်သမားများအဖွဲ့ ပြည်လည်မှတ်ပုံတင်နိုင်ခဲ့ပြီး အဆိုပါစခန်းများကိုပါ ပြန်လည်အသုံးပြုခွင့်ရရေး ၂၀၁၇ တွင် ပြည်ထောင်စုအစိုးရသို့ တကြိမ် စာတင်ပြတောင်းဆိုခဲ့ကြောင်း၊ စခန်းများပြန်လည်ရရှိရေး ထပ်မံစာတင်တောင်းဆိုမည်ဖြစ်ပြီး မရရှိပါက ပြည်သူများအား အကြေင်းကြားကြေငြာကာ ဆန္ဒထုတ်ဖော် တောင်းဆိုသွားမည်ဖြစ်ကြောင်း နမ့်ခမ်းမြို့နယ်တောင်သူလယ်သမားများအဖွဲ့က ပြောဆိုပါသည်။
No comments:
Post a Comment