ပြည်တွင်းဘဏ်များနှင့် အိမ်နီးချင်းနိုင်ငံဘဏ်များကွာခြားချက်မှာ အိုင်တီနည်းပညာအသုံးချမှုဖြစ်ကြောင်း ရွှေဘဏ်မှ လက်ထောက်အထွေထွေမန်နေဂျာဦးခင်မောင်စိုးက ပြောသည်။ ရန်ကုန်မြို့ရှိ Park Royal ဟိုတယ်တွင် ဇွန်လ ၁၁ ရက်ကကျင်းပသော ဘဏ်များအစည်းအဝေးတွင် အကုန်သိသတင်းဌာနသို့ ဖြေကြားပေးခြင်းဖြစ်သည်။
“ဗမာပြည်ကလူတွေကငွေထုတ်ကြီးတွေ သယ်သွားငွေထုတ်ကြီးတွေသယ်လာ။ အဲဒီလိုမျိုးပဲလုပ်ကြတယ်။ ဒါဘဏ်တွေမှာလည်းဒီမြင်ကွင်းမှာတွေ့နေရတာပဲ။ အဓိကက ကတ်စနစ်ကိုသွားဖို့လိုတယ်။ အဲဒီစနစ်ကို သွားလိုက်ရင် ၀န်ထမ်းတွေကို လစာပေးမယ်။ ဘဏ်ထဲကိုထည့်ပေးမယ်။ အဲဒီဘဏ်ထဲကပဲသွားမယ်။ နောက်တစ်ခါ ပစ္စည်းတစ်ခုဝယ်ရင်လည်း မိုဘိုင်းလ်ဖုန်းဆိုဖုန်း၊ သူ့ကတ်ဆိုသူ့ကတ်ပေါ့။အဲဒီကပေးချေမယ်။ ဒါဆိုသူ့ဝင်ငွေထွက်ငွေလည်းသူကြည့်လို့ရသွားမယ်။ ဒီစနစ်ကိုရပြီလားဆိုတော့ အခုချိန်အထိ ငွေထုတ်သယ်နေတုန်းပဲ။ သူများနိုင်ငံကဘဏ်တွေဆိုဒုန်းဆိုလွှဲချလိုက်တယ်။ ကတ်စနစ်နဲ့ လစာကအစ ပေးကြတယ်”ဟု ရွှေဘဏ်မှ လက်ထောက်အထွေထွေမန်နေဂျာဦးခင်မောင်စိုးက အကုန်သိသတင်းဌာနသို့ ပြောသည်။
လက်ရှိတွင် ပြည်တွင်းဘဏ်ပေါင်း ၃၁ ဘဏ်တွင် အိုင်တီနည်းပညာအသုံးချသည့်ဘဏ်ပေါင်း ၂၀ ကျော်ရှိပြီး နိုင်ငံခြားဘဏ် ၁၃ ဘဏ်ရှိကြောင်းသိရသည်။
“ရင်းနှီးမြုပ်နှံမှုအပိုင်းမှာ ကျွန်တော်တို့ မြန်မာပြည်ကဘဏ်တွေကတော်တော်လေးကိုနည်းတယ်။ နောက်ပြီး ပြည်တွင်းဘဏ်တွေပေါင်းပြီး ဘဏ်ကြီးထောင်မလား။ ဒါလည်းလုပ်တော့လုပ်နေပြီ။ နောက်ပိုင်းမှာ ဘဏ်တွေကတိုးတက်လာမှာပါ။ အခုတောင် နိုင်ငံခြားကဘဏ်တွေကိုခွင့်ပြုပေးနေပြီ” ဟု ဦးခင်မောင်စိုးက ဆက်ပြောသည်။
ဘဏ်လုပ်ငန်းများတိုးတက်ဖွံဖြိုးစေရန် ဗဟိုဘဏ်မှ လည်းလုပ်ဆောင်နေပြီး ဖြည်လျော့ပေးမှုများရှိကာ ပြည်ပဘဏ်များကိုလည်း ရင်းနှီးမြုပ်နှံမှုပေးနေပြီဖြစ်ကြောင်း စီမံကိန်းနှင့်ဘဏ္ဍာရေးဝန်ကြီးဌာနမှ သိရသည်။
No comments:
Post a Comment