ကျောက်မဲမြို့ အိုရီယမ်တယ်တိုးဂိတ်အနီးတွင် ဘိန်းဖြူနှင့် စိတ်ကြွဆေးပြားများ သယ်လာသည့် အမျိုးသား နှစ်ဦးကို ဖမ်းမိ

ဘိန်းဖြူ (၂၀)ဂရမ်နှင့်၊ စိတ်ကြွရူးသွပ်ဆေးပြား (၃၉၄)ပြား သယ်ဆောင်လာသည့် အမျိုးသားနှစ်ဦးကို ရှမ်းပြည်နယ်မြောက်ပိုင်း၊ ကျောက်မဲမြို့နယ်၊ အိုရီယမ်တယ်တိုးဂိတ်အနီးတွင် ၂၀၁၉ ခုနှစ်၊ ဇွန်လ (၁၀) ရက်နေ့ ည (၈)နာရီခွဲအချိန်က ဖမ်းမိကြောင်း သိရသည်။ ရဲတပ်ဖွဲ့နှင့်သက်သေများ ပါဝင်သည့်ပူးပေါင်းအဖွဲ့က အိုရီယမ်တယ်တိုးဂိတ်အနီးတွင် သတင်းအရ စောင့်ဆိုင်းဖမ်းဆီးရာက သီပေါဘက်မှ နောင်ချိုဘက်သို့ ဆိုင်ကယ်မောင်းနှင်လာသည့် ရဲကျော်လင်း(ခ) ဖိုးသားနှင့် ဖြိုးဝေ (ခ) အောင်ဖြိုးဝေတို့ သယ်ဆောင်လာသည့် ဘိန်းဖြူ (၁၀)ဂရမ်ပါအထုပ် (၂)ထုပ်နှင့် စိတ်ကြွဆေးပြား (၁၉၇)ပြားစီပါဝင်သည့်အထုပ် (၂)ထုပ်တို့ကို စစ်ဆေးတွေ့ရှိရခြင်းဖြစ်ကြောင်း သိရသည်။ မူးယစ်ဆေးများနှင့်အတူ ဖမ်းဆီးရမိသည့် ရဲကျော်လင်း(ခ)ဖိုးသားနှင့် ဖြိုးဝေ (ခ) အောင်ဖြိုးဝေတို့အား ကျောက်မဲမြို့မရဲစခန်းတွင် မယ (ပ) ၃၁/၂၀၁၉၊ မူး/စိတ်ပုဒ်မ ၁၉(က) ၂၀ အရ အမှုဖွင့်စစ်ဆေးနေကြောင်း သိရသည်။