ဧရာဝတီမြစ်ရေသည် ယနေ့နံနက်တွင် ၁၂၂၀ စင်တီမီတာ ကျဆင်းသွားခဲ့

ဧရာဝတီမြစ်ရေသည် ယနေ့(ဇူလိုင်လ ၁၃)ရက် နံနက်(၇)နာရီ တိုင်းတာချက်အရ (၁၂၂၀)စင်တီမီတာရှိပြီး မြစ်ရေသည်နောက်ထပ်ကျဆင်းလာမည့် အနေအထားတွင်ရှိကြောင်း ကချင်ပြည်နယ် မိုးလေဝသနှင့်ဇလဗေဒ ဦးစီးအရာရှိဦးနိုင်လင်းထွေးကဆိုသည်။ "ဆက်တိုက်ကျနေမှာပါ အခုနည်းနည်းတော့ပြန်ကျနေပြီ ပထမကနံပတ် (၂ )၊နောက်ထပ်(၄)ထိကျတယ်၊အခုခြောက် စင်တီမိတာအထိကျသွားပြီ၊ပြန်ကျနေတဲ့အနေအထားရှိနေပါတယ်။''ဟု၎င်းကပြောသည်။ ဇူလိုင်၁၂ရက်နေ့ ည (၁၂) နာရီအချိန်တွင်တိုင်းတာချက်အရ ဧရာဝတီမြစ်ရေသည်စိုးရိမ်ရေအမှတ်ကျော်လွန်၍ (၁၂၂၅)စင်တီမီတာအထိမြင့်တက်လာခဲ့ကြောင်းသိရသည်။