
မိုင်းအမျိုးအစား အမျိုးမျိုးနဲ့ မိုင်းရှာဖွေရှင်းလင်းခြင်း(ဆင့်ပွား) သင်တန်းကို မန္တလေးတိုင်း ရဲတပ်ဖွဲ့မှူးရုံးမှာ ၃ပတ်ကြာ သင်ကြားနေတာဖြစ်ပါတယ်။
ဒီကနေ့ မေ ၂၁ ရက် မနက်ပိုင်းက လက်တွေ့သရုပ်ပြ သင်ကြားတဲ့အချိန်မှာ သင်တန်းသားတစ်ယောက်က မိုင်းအစစ်ကို တက်နင်းမိရာကနေ ပေါက်ကွဲမှုဖြစ်တာလို့ သိရပါတယ်။
လေကျင့်ရေးမိုင်းနဲ့ မိုင်းအစစ်ကို တစ်ပါတည်းယူဆောင်လာခဲ့ရာကနေ သင်တန်းမှာလက်တွေ့လုပ်တဲ့အခါ မိုင်းအစစ်ကို မှားသုံးမိတာဖြစ်ကြောင်း၊ စုံစမ်းစစ်ဆေးမှုတွေ ဆက်လုပ်သွားမှာဖြစ်ကြောင်း တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်း က RFA ကို ပြောပါတယ်။
ဒဏ်ရာရရှိသူတွေထဲက ရဲတပ်ဖွဲ့ဝင်တစ်ယောက်ကတော့ ဘယ်ဘက်ခြေချင်းဝတ်အောက်ဘက် ကွဲအက်တဲ့ ပြင်းထန်ဒဏ်ရာရရှိခဲ့ပြီး တပ်မတော်သားနည်းပြဆရာကတော့ ဒဏ်ရာမပြင်းထန်ဘူးလို့ ဗိုလ်မှူးချုပ်ဇော်မင်းထွန်း ပြောပြချက်အရ သိရပါတယ်။
No comments:
Post a Comment