အယ်လ်ဘေးနီးယားနိုင်ငံ မြို့တော် တီရာနာမှာ မေလ ၁၁ ရက်က အစိုးရဆန့်ကျင်ရေး ဆန္ဒပြသူတွေဟာ အစိုးရအဆောက်အဦတလုံးကို ဓာတ်ဆီပုလင်းဗုံးတွေ၊ မီးရှူးမီးပန်းတွေနဲ့ ပစ်ပေါက်ခဲ့ကြပါတယ်။ ဓာတ်ငွေ့ကာ မျက်နှာဖုံးတွေ ဝတ်ထားတဲ့ ရဲတွေက အဆောက်အဦရှေ့မှာ ရပ်စောင့်နေကြတာပါ။ ကြားဖြတ်ရွေးကောက်ပွဲ ကျင်းပရေး အစိုးရက လက်ခံအောင် ဖိအားပေးဖို့ ကြိုးစားတဲ့ အနေနဲ့ အတိုက်အခံ နိုင်ငံရေးပါတီတွေကို ထောက်ခံသူတွေက ပြီးခဲ့တဲ့ ၃ လလုံးလုံး ဆန္ဒပြပွဲ ဆင်နွှဲနေခဲ့ကြတာပါ။၂၀၁၇ လွှတ်တော်ရွေးကောက်ပွဲတွေမှာ အလိမ်အညာတွေ ရှိတယ်လို့ အတိုက်အခံတွေက စွပ်စွဲရင်း ဆန္ဒပြနေကြပါတယ်။ ဒါ့အပြင် အစောပိုင်း ရွေးကောက်ပွဲအတွက် ဖိအားပေးတဲ့အနေနဲ့ လွှတ်တော်ကိုလည်း အဆက်ဖြတ်ထားခဲ့ကြပါတယ်။ ဒါပေမယ့် ဝန်ကြီးချုပ် အက်ဒီရာမာ အစိုးရကတော့ စွပ်စွဲချက်တွေကို ငြင်းဆိုထားပါတယ်။
ဥရောပသမဂ္ဂနဲ့ အမေရိကန်တို့က အစိုးရကို တရားဝင် အသိအမှတ်ပြုပြီး အတိုက်အခံတွေ လွှတ်တော်ပြန်တက်ဖို့နဲ့ ဇွန် ၃၀ မှာ ကျင်းပမယ့် ဒေသန္တရ ရွေးကောက်ပွဲကို ပါဝင်ဆင်နွှဲဖို့ တိုက်တွန်းခဲ့ပါတယ်။
စနေနေ့ ဆန္ဒပြပွဲကို အဓိကအတိုက်အခံ ဒီမိုကရက်တစ်ပါတီ ခေါင်းဆောင်က ဦးဆောင်ပါတယ်။ သူက ဝန်ကြီးချုပ်ဟာ အယ်လ်ဘေးနီးယားနိုင်ငံရဲ့ ဥရောပဆီတက်လမ်းကို ပိတ်ဆို့ထားတယ်လို့ စွပ်စွဲထားပါတယ်။
အယ်လ်ဘေးနီးယားနဲ့ မြောက်မက်ဆီဒိုးနီးယား နိုင်ငံတွေကို ဥရောပသမဂ္ဂအဖွဲ့ဝင် ဖြစ်လာစေဖို့ ညှိနှိုင်းဆွေးနွေးပွဲတွေ စတော့မလားဆိုတာ ဥရောပသမဂ္ဂအဖွဲ့ဝင် နိုင်ငံတွေက မဆုံးဖြတ်ခင် ၂ လအလိုမှာ ခုလို ဆန္ဒပြပွဲတွေ ပေါ်ပေါက်နေတာ ဖြစ်ပါတယ်။
No comments:
Post a Comment