‘‘ဘာလို့ဆုံးဖြတ်ချက်ချလဲဆိုတော့ အဓိက ဘီး(နောက်ဘီး)ကျလို့ ဆင်းတာပါ။ မကျရင် ကျွန်တော်တို့ဧရာဝတီမြစ်ထဲမှာ သွားဆင်းရလိမ့်မယ်’’ လေယာဉ်မှူးကြီး ဦးမြတ်မိုးအောင်နှင့်တွေ့ဆုံခြင်း

မြန်မာအမျိုးသား လေကြောင်း လိုင်းပိုင် လေယာဉ်အမှတ် XY- AGQ, Embraer 190 AR သည် မေလ ၁၂ ရက် နံနက် ၈ နာရီ ၁၇ မိနစ်၌ မန္တလေးလေဆိပ်သို့ ဆင်း သက်ရန် ကြိုးစားစဉ် လေယာဉ် ရှေ့ဘီးချမရသည့် အရေးပေါ်အ ခြေအနေကို ကြုံတွေ့ခဲ့ရသည်။ အဆိုပါလေယာဉ်ကို ဦးဆောင်ပျံ သန်းလာသူမှာ လေယာဉ်မှူးကြီး ဦးမြတ်မိုးအောင်ဖြစ်သည်။ လေ ယာဉ်ပေါ်တွင် ခရီးသည် ၈၂ ဦးနှင့် လေယာဉ်အမှုထမ်းခုနစ်ဦး စုစုပေါင်း ၈၉ ဦး လိုက်ပါခဲ့သည်။ လေယာဉ်ရှေ့ဘီးချမရသဖြင့် လေယာဉ်ဆီကုန်ရန် ၄၂ မိနစ်ကြာ ကောင်းကင်တွင်ပတ်၍ ပျံသန်းခဲ့သည်။
ထို့နောက် လေယာဉ်ရှေ့ ဘီးမကျဘဲ အမြင့်ပေ ၄,၈၀၀ ခန့်၌ အင်ဂျင်စက်ရပ်၍ ဦးစိုက်အနေ အထားဖြင့် မန္တလေးလေဆိပ်သို့ နံနက် ၉ နာရီကျော်တွင် အဆိုပါလေယာဉ် အောင်မြင်စွာ ဆင်းသက်နိုင်ခဲ့သည်။ အရေးပေါ်အ ခြေအနေတွင် ခရီးသည်များ ဘေးကင်းစွာဖြင့် မြေပြင်သို့ အောင်မြင်စွာ ဆင်းသက်နိုင်အောင် စွမ်းဆောင်ပေးခဲ့သည့်  လေယာဉ်မှူးကြီး ဦးမြတ်မိုးအောင်ကို ဆက်သွယ်၍ 7Day Daily သတင်းစာက မေးမြန်းခဲ့သည်များထဲမှ ကောက် နုတ်ဖော်ပြအပ်ပါသည်။



ဖြစ်စဉ်အသေးစိတ် ရှင်းပြပေးပါ ခင်ဗျ။
ဖြစ်စဉ်ကတော့ ရန်ကုန်က နေ မန္တလေးလာတယ်။ ပုံမှန်အ တိုင်း ဂီယာချတာပေါ့နော်။ ချသင့်တဲ့အချိန်မှာ ချတာပေါ့။ ချတဲ့အ ချိန်မှာ ဂီယာက မကျဘူးဗျ။ ဘီး က သုံးဘီး။ အဓိက ဘီးနှစ်ခုကျ တယ်ဗျာ။ Nose Wheel (ရှေ့ ဘီး)က မကျတာ။ မကျတာက ကျွန်တော်တို့ အင်ဒီကေးရှင်းမှာ လာပေါ်တယ်။ ထားပါတော့။ ဘီး ကျတယ်ဆိုရင် အစိမ်းရောင်ပေါ် တယ်။ မကျဘူးဆိုရင် အနီရောင် ပေါ်တယ်။ ပေါ်တဲ့အပြင် မက် ဆေ့ခ်ျလေးပေးတာပေါ့။ ပုံမှန်ချတာကို မရတော့ အရေးပေါ် Pro-cedure ရှိတယ်။ ဥပမာ ထားပါတော့ဗျာ။ ဟိုက်ဒရောလစ်စနစ်မကောင်းဘူးဆိုရင် အခြားအရာနဲ့ ချလို့ရအောင် လုပ်ထားတယ်။ အီလက်ထရစ် မကောင်းဘူးဆို ရင်လည်း အခြားအရာနဲ့ချလို့ရ အောင် လုပ်ထားတယ်။ အဲဒီအတိုင်းလည်း လုပ်ပါတယ်။ အဲဒါလည်း မကျဘူး။ အဲဒါနဲ့ ကျိန်းသေအောင်ဆိုပြီး ကျွန်တော်က မန္တလေးလေဆိပ်မှာ ပေ ၁,၀၀၀ နဲ့ ဖြတ်ပျံပါတယ်။ သူတို့မြင်ရတယ်လေ။ သူတို့မှာ မှန်ဘီလူးလည်း ရှိတယ်။ ပထမတစ်ခါ ဖြတ်ပျံတော့ သူတို့တွေက ဘီးနှစ်လုံး ကျတာတွေ့တယ်။ ရှေ့က ဘီးမှာ Wheel Door (ဘီးတံခါး) လေးရှိ တယ်။ ဘီးတံခါးက မပွင့်တပွင့် ဖြစ်နေတယ်ပေါ့နော်။ ဘီးက တံခါးပွင့်ပြီးမှ ကျတာကိုး။ သူက အဲဒီလိုဖြစ်တာပါ။ ကျိန်းသေအောင် ကျွန်တော် နောက်ထပ်တစ်ပတ်ဖြတ်ပျံပါတယ်။ ဖြတ်ပျံတဲ့အချိန်မှာ သူက မကျဘူး။ အိုကေ။ ကျွန်တော်လည်း အရေးပေါ်နဲ့ချပြီးသွားပြီ။  ကျွန်တော်တို့ ဆင်းကို ဆင်းရတော့မယ်။ ဆင်းဖို့ ကျွန်တော် လေထဲမှာ ဝိုက်ပျံတာပေါ့။ မိနစ် ၂၀ လောက်ပေါ့။ ပထမတုန်းက ပေါင်ခြောက်ထောင်နီးပါး ရှိ တယ်။ (လေယာဉ်အလေးချိန်) ကျွန်တော် အခုဆင်းလာတာ ပေါင်သုံးထောင်ပဲရှိတယ်။ ပေါင်သုံးထောင်နီးပါးလောက်ကို ကျွန် တော် လေထဲမှာဖြုန်းလိုက်တယ်။ အလေးချိန် နည်းခြင်းအားဖြင့် သက်ရောက်မှုနည်းမယ်။ သက် ရောက်မှုနည်းရင် အထိအခိုက် နည်းမယ်ဗျာ။ အဲဒါပြီးတာနဲ့ ကျွန် တော် Crew (လေယာဉ်အမှုထမ်း) အကြောင်းကြားခိုင်းတယ်။ ပြီး တာနဲ့ ခရီးသည်တွေကို အကြောင်းကြားတယ်။ အကုန်လုံး Proce-dure အတိုင်း လမ်းညွှန်ချက်ကို လိုက်နာဖို့ လိုတယ်။ လေယာဉ်အမှုထမ်းတွေနဲ့လည်း ဇာတ်တိုက် ထားတယ်။ ငါပြောမှလုပ်။ ဒါတွေအကုန်လုံးကလည်း Training မှာလည်း ပါပါတယ်။ ဆင်းပါတယ်။ ပေ ၄,၈၀၀ လောက်မှာ ရပ်သွားပါ တယ်။ ကျွန်တော်က ပေ ၁၄,၀၀၀ မှာ ရှိတာပေါ့ (စက်မရပ်ခင် တည်ရှိခဲ့သည့်အမြင့်ပေ)။ အင်ဂျင်တွေ ကို စက်သတ်တယ်။ မီးသတ်ဘူး တွေ၊ ဘာတွေ ကျွန်တော်ဖောက် လိုက်ပါတယ်။ ပုံမှန်အားဖြင့် စက္ကန့် ၉၀ အတွင်းမှာပါ။ လေယာဉ်အမှုထမ်းတွေလည်း တော်ပါတယ်။ ကျွန်တော်တို့ စက္ကန့် ၅၀ လောက်အတွင်းမှာ အကုန်လုံး ပြီးပါတယ်။ ကျွန်တော့်ဘက်က လည်း အကုန်ပိတ်လိုက်ပါတယ်။

အရေးပေါ်အချိန်မှာ လေယာဉ်မှူးတစ်ယောက်ရဲ့ ဆုံးဖြတ်ချက်က အရမ်းအရေးကြီးပါတယ်။ ဒီလို ရဲရင့်တဲ့ ဆုံးဖြတ်ချက်ချနိုင်ခဲ့တဲ့ အကြောင်း ပြန်မျှဝေပေးပါဦး။

အရင်တုန်းက တပ်မှာတုန်း က ဖိုက်တာ (တိုက်လေယာဉ်) မောင်းပါတယ်။ ၁၉၉၄ ကနေ မောင်းတယ်။ ၂၀၀၆ မှာ မြန်မာ အမျိုးသား လေကြောင်းလိုင်း ရောက်တယ်ပေါ့နော်။ ဒီလေ ယာဉ်ကိုလည်း ကျွန်တော်ခြောက် နှစ်လောက် မောင်းထားတယ်။ ဒီလေယာဉ်မှာလည်း ကျွန်တော် က နည်းပြဆရာပါ။ အဓိကက တော့ အတွေ့အကြုံပါပဲ။ အတွေ့အကြုံရှိလို့သာ ဒါမျိုးတွေကို မ ကြောက်မရွံ့လုပ်နိုင်တာပါ။ ကျွန် တော် လေယာဉ်မောင်းနာရီက ၁၁,၀၀၀ ရှိပါတယ်။

လေယာဉ်မှူးကြီးအနေနဲ့ ဆုံးဖြတ် ချက်ချပြီးတဲ့အချိန်မှာ ယုံကြည်မှု ဘယ်လောက်အထိရှိပါသလဲ။

ရှိပါတယ်။ သက်ရောက်မှု ကတော့ရှိမယ်။ အနည်းနဲ့အများ ပဲ။ နံပါတ်(၁) Nose ကတော့ ထိ မယ်။ အင်ဂျင်တွေ ထိမလား၊ နောက်အဓိကမီးလောင်မလား။ ဒါပါပဲ။ အရေးအကြီးဆုံး နံပါတ် (၁)က ခရီးသည်တွေ ဘေးကင်းဖို့ ပါ။ ကျန်တာတွေက နောက်မှပါ။ စက်ပစ္စည်း ဆိုတာတွေကတော့ ပျက်တတ်ပါတယ်။ လေ့ကျင့်ရေး တွေ လိုပါတယ် ။

အရင်ကကော ဒီလိုအတွေ့အကြုံ တွေရှိပါသလားခင်ဗျ။

 အရေးပေါ်ဆိုတာကတော့ အရင်တုန်းကလည်း ရှိပါတယ်။ ပိုင်းလော့နဲ့ကတော့ လင်မယား လိုပါပဲ (ရယ်လျက်)။

ရေထဲကို ဆင်းဖို့လည်း စီစဉ်လိုက်သေးတယ်လို့လည်း လေယာဉ် ပေါ်မှာ လိုက်ပါလာတဲ့လူတွေက ပြောပါတယ်။ ဒီအကြောင်းလည်း ပြောပြပေးပါဦး။

မြစ်တွေပေါ့ဗျ။ တကယ့် တကယ်တမ်းမှာ အများကြီးရှိပါ တယ်။ ကျွန်တော်တို့စဉ်းစားရတာ က။ ထားပါတော့ ကျွန်တော်သက်ရောက်မှုက သုံးဘီးလုံးမကျဘူးဆိုရင်။ နောက်က ဘီးနှစ်လုံးမကျဘူးဆိုရင်တောင် ကျွန်တော်စဉ်းစားရပါတော့မယ်။ နောက်က ဘီးကျတဲ့အတွက် ကျွန်တော့်အ တွက် သက်ရောက်မှုက ဘယ် လောက်မှ မရှိနိုင်ပါဘူး။ နောက်က ဘီးမကျဘဲ ကျွန်တော်မြေပြင် မှာ ဆင်းရင်တော့ အကုန်လုံးက သေမှာပါပဲ။ ကျွန်တော်က ဘာလို့ ဆုံးဖြတ်ချက်ချလဲဆိုတော့ အဓိက ဘီးကကျလို့ ဆင်းတာပါ။ မကျရင် ကျွန်တော်တို့ ဧရာဝတီမြစ်ထဲမှာ သွားဆင်းရလိမ့်မယ်။

အရေးပေါ်အခြေအနေကို ကြေ ညာလိုက်တဲ့အခါမှာ ခရီးသည် တွေရဲ့တုံ့ပြန်မှုက ဘယ်လိုရှိပါ လဲ။

ကောင်းပါတယ်။ လေယာဉ် အမှုထမ်းတွေလုပ်တာရော အ ဆင်ပြေတယ်။ သူတို့လည်း ကျွန် တော်တို့ လမ်းညွှန်ချက်တွေအ ကုန်လုံးကို လိုက်နာတယ်။ ထိုင် ဆိုတဲ့အချိန်မှာ အကုန်ထိုင်တယ်။  တချို့ဆိုရင် ဖိနပ်တွေ၊ ဘာတွေ ချွတ်ပြီးတော့ကို လုပ်ပါတယ်။ တော်တော်ကို Educated (ပညာ ရည်ဗဟုသုတပြည့်)ဖြစ်ပါတယ်။ အကုန်လုံးက ထိုင်နေပြီးတော့ ကျွန်တော်တို့ပြောတော့မှ ဆင်းပါ တယ်။ ပစ္စည်းတွေလည်း ဘာမှ မယူဘဲ ဒီအတိုင်းဆင်းပါတယ်။

အရေးပေါ်အခြေအနေမှာ လေ ယာဉ်ကို အောင်မြင်စွာဆင်းလိုက် နိုင်တဲ့အတွက်   ခံစားချက်လေး ပြောပြပါဦး။

ကျွန်တော်ကတော့ အရမ်း ဝမ်းသာပါတယ်။ ခရီးသည် အန္တရာယ်ကင်းဖို့က အဓိကပါပဲ။ အဓိက ကျွန်တော်တို့ပုံရိပ်ပေါ့။ MNA (Myanmar National Airlines) ဆိုတာ ပြည်တွင်းတင် မဟုတ်ဘူး။ ပြည်ပကိုပါ ထိုး ဖောက်နေတယ်။ ကျွန်တော်တို့ လုပ်ရပ်တွေကလည်း မှန်ကန်နေ ဖို့ အရေးကြီးပါတယ်။ မှန်ကန်ဖို့ ဆိုတာလည်း လေ့ကျင့်မှုတွေအ များကြီး နိုင်ငံတကာနဲ့ယှဉ်ပြီး တော့ လုပ်နေပါတယ်။

လေယာဉ်အင်ဂျင်ကို စက်ရပ်ပြီး တော့ မြေပြင်ကို ဆင်းတဲ့ စက္ကန့် ပိုင်းအချိန်လောက်က စိတ်ခံစား ချက်ကိုလည်း ပြောပြပါဦး။

ဒါက နောက်ဆုံးမှာ ဆင်းတာပေါ့။ အောင်မြင်သွားတဲ့အခါ အ ရမ်းကို အတိုင်းမသိပါပဲ။ ဘဝမှာ ဝမ်းသာတဲ့အထဲမှာတော့ ဒါက တော့ တော်တော်ကို အတိုင်းမသိ ပါပဲ။

အခုလို လေယာဉ်ဘီးမကျတာ ဟာ ဘာကြောင့်ပါလဲ။ လေယာဉ်ကြောင့်၊ ပြုပြင်ထိန်းသိမ်းမှု ကြောင့် စသည်ဖြင့် မှတ်ချက်လေး ပေးပါဦး။

ဒါကတော့ Mechanical ပေါ့ဗျာ။ အခုလည်း ကျွန်တော်တို့ လေယာဉ်ရွှေ့နေတယ်။ ကရိန်းလေးနဲ့ မပြီးတော့။ အဓိကက ဘာလဲဆိုတော့ သူက အပေါ်ကို တက်သွားတဲ့အချိန်မှာ (ရန်ကုန်လေဆိပ်)လိမ်ပြီးတော့ တက်သွား တယ်။ ဘီးကြီးကလေ။ အတည့် မဟုတ်ဘဲ။ ပြန်ဆင်းတဲ့အချိန်မှာ ဘီးက ကန့်လန့်ဖြစ်နေတယ်။ သူ က သွားပြီး တံခါးဝမှာ တစ်နေ တယ်။ ကျွန်တော်တို့ကလည်း Mechanical ကလည်း ပြောလို့ မရဘူး။ တစ်ခါတလေကျရင် သူ က ကန့်လန့်ဖြစ်နေတယ်ဆိုရင် System အရဆိုရင် ပေးတက်ခွင့် မပေးထားဘူး။ သဘောအားဖြင့်။ သူက တက်သွားတယ်ဆိုတော့ ကျွန်တော်တို့လည်း စဉ်းစားလို့မရ ဘူး။ အခုကြည့်လိုက်တဲ့အခါ သူ က ကန့်လန့်ဖြစ်နေတယ်။ ကန့် လန့်ဖြစ်တော့ သူက မကျတာ။ လေယာဉ်ဆိုတာကလည်း လက် မှတ်တွေရရှိပြီးမှ စီးပွားဖြစ်ပျံလို့ ရတာပါ။

လေဆိပ်က တာဝါနဲ့ဆက်သွယ်ခဲ့ တာတွေနဲ့ တခြားပြောကြားလို တာတွေများရှိရင် ပြောပေးပါဦး။

ကျွန်တော်တို့ လုပ်ရမယ်ဆို တော့ မေဒေး (အရေးပေါ်အခြေ အနေ)ခေါ်ရပါတယ်။ မေဒေးခေါ် တဲ့အချိန်မှာ သူတို့ရဲ့(တာဝါ) အ ကုန်လုံးလိုအပ်တာ ခေါ်ထားပါ တယ်။ ဆင်းတဲ့အချိန်မှာလည်း သူတို့တွေအကုန်လုံးနဲ့ အဆင်ပြေ ပါတယ်။ အရမ်းကောင်းပါတယ်။ အချိန်နဲ့တစ်ပြေးညီ အကုန်လုပ် ပါတယ်။

လေယာဉ်မှူးကြီးအနေနဲ့ လေ ယာဉ် ဘယ်လောက်ကြာ ဆက် မောင်းမလဲ။

ကျွန်တော်ကတော့ မောင်း နေမှာပဲ (ရယ်လျက်)။ မောင်းနေ မယ်ဆိုတာက ကျွန်တော်က လေယာဉ်မောင်းတဲ့ ဝါသနာကိုက ပါ တာပါ။ လေယာဉ်မမောင်းရရင် ဘာကောင်မှန်း မသိတော့ဘူး။ လေယာဉ်မောင်းနေမှ ကျွန်တော် တို့က သဘောကျတာ။

တခြား ဘာများ ဖြည့်စွက်ပြော ကြားလိုပါသလဲခင်ဗျ။

နိုင်ငံတကာနဲ့ ရင်ပေါင်တန်း လုပ်နေတဲ့ အချိန်မှာ Standard တစ်ခုကို သွားရပါတယ်။ ကျွန်တော်တို့လည်း ဖြေပါမယ်။ ဖြစ်တဲ့ ဟာလည်း ဘာကြောင့် ဖြစ်တာ လဲ၊ ဘယ်လိုဖြစ်တာလဲ။ လူကြောင့်လား၊ လမ်းကြောင့်လား၊ ရာသီဥတုကြောင့်လား၊ လေ ယာဉ်ကြောင့်လား။ ဒီပေါ်မှာ မူတည်ပြီးတော့ လုပ်နေရပါတယ်။ ကောင်းမွန်စွာ လေ့ကျင့်ရေးတွေ လုပ်နေရပါတယ်။ ကျွန်တော်တို့ရဲ့ MNA မြန်မာအမျိုးသားလေ ကြောင်းလိုင်းကိုပဲ ယုံကြည်စိတ်ချစွာနဲ့ပဲ ဆက်ပြီးတော့ စီးနင်းလိုက်ပါပါလို့ ကျွန်တော်ကတော့ ပြောချင်ပါတယ်။