မြေသိမ်းခံလယ်သမားများအတွက် နိုင်ငံတော်အကြီးအကဲများက ပြန်ကြည့်နေပြီဆိုသော်လည်း အောက်ခြေကတော့ အလုပ်မလုပ်သေးကြောင်း သာသနာရေးဝန်ကြီးဟောင်းဦးဆန်းဆင့်မှ ပြောဆိုလိုက်သည်။ ပဲခူးတိုင်းဒေသကြီး တောင်ငူခရိုင် ဆွာမြို့၌ ပြုလုပ်သည့် မန်မာနိုင်ငံလုံးဆိုင်ရာ ပြည်ထောင်စုတိုင်းရင်းသား တောင်သူလယ်သမားသမဂ္ဂ၏ သတင်းစာရှင်းလင်းပွဲတွင် သမဂ္ဂနာယကကြီးအနေဖြင့် နှုတ်ခွန်းဆက်စကားပြောကြားရာတွင် ထည့်သွင်းပြောဆိုခဲ့ခြင်းဖြစ်သည်။င်္ံ'ခင်ဗျားတို့နဲ့လက်တွဲပြီး အစိုးရကိုကူညီမယ်လို့ ဒေါက်တာအောင်သူကိုပြောခဲ့ပါတယ်။ သူတို့တာဝန်ဝန်ရှိသူတွေကလည်း အမှုတွေကို ဥပဒေနဲ့အညီအမြန်ဆုံးရှင်းလင်းပေးရန် ညွှန်ကြားထားတယ်လို့ပြောပါတယ်။ ဒါကိုကြည့်ရင် နိုင်ငံတော်အကြီးအကဲတွေကတော့ လယ်သမားတွေဘက်ပြန်ကြည့်နေပါပြီ။ ဒါပေမယ့် အောက်ခြေကတော့ အလုပ်မလုပ်သေးပါဘူး' ဟု ဦးဆန်းဆင့်က ပြောဆိုသည်။
သတင်းစာရှင်းလင်းပွဲကို ဧရာဝတီတိုင်း၊ ရန်ကုန်တိုင်း၊ ပဲခူးတိုင်းတို့မှ လယ်မြေသိမ်းခံထားရသည့် လယ်သမား ၂၀၀ ဦးခန့် တက်ရောက်ခဲ့ကြပြီး၎င်းတို့ရင်ဆိုင်နေရသည့် အမှုများအား တင်ပြခဲ့ကြကြောင်း သိရသည်။
No comments:
Post a Comment