အင်းစိန်မြို့နယ်တွင် အမျိုးသား(၂)ဦးကို ဝိုင်းဝန်းရိုက်နှက်ခဲ့သူ များအား ဖော်ထုတ် အရေးယူထားကြောင်း ရန်ကုန်တိုင်းဒေသကြီး ရဲတပ်ဖွဲ့ထံက သိရသည်။ ဖြစ်စဉ်မှာ ရန်ကုန်တိုင်းဒေသကြီး၊ အင်းစိန်မြို့နယ်၊ ဖော့ကန် ရပ်ကွက်နေ ဦးသီဟ(၅၆)နှစ် နှင့် ဧရာဝတီတိုင်းဒေသကြီး၊ ညောင်တုန်းမြို့ နယ်နေ ကိုသက်နိုင်ထွန်း (၃၉)နှစ်တို့(၂)ဦးသည် မေလ ၂၅ ရက် ည ၈ နာရီ ၄၀ မိနစ်အချိန်ခန့်က ဖော့ကန်ကားမှတ်တိုင်အနီးရှိ ထမင်းဆိုင်တွင် ထမင်းစားပြီး ပြန်ထွက်လာစဉ် အမည်မသိ အမျိုးသား(၁၅)ဦးခန့် မှ “မင်းလား သီဟ” ဟုပြောဆို၍ ဝိုင်းဝန်း ထိုးကြိတ်ရိုက်နှက်ခဲ့သဖြင့်ဦးသီဟ နှင့် ကိုသက်နိုင်ထွန်း တွင် ဒဏ်ရာများအသီးသီးရရှိခဲ့ သောကြောင့် အင်းစိန်မြို့နယ် ပြည်သူ့ဆေးရုံတွင် အတွင်းလူနာ(မစိုးရိမ်ရ)အဖြစ် တက်ရောက် ကုသ လျက်ရှိရာ ဖြစ်စဉ်နှင့်ပတ်သက်၍ အင်းစိန်မြို့မရဲစခန်း၌ (ပ)၁၃၃၂/၂၀၁၉၊ ရာဇသတ်ကြီးပုဒ်မ ၃၂၅/ ၁၁၄ ဖြင့် အမှုဖွင့် aဆာင်ရွက်ထားရှိပြီး တရားခံများအား ဖမ်းဆီးရမိရေး စုံစမ်းဆောင်ရွက်ခဲ့ကြောင်း သိရသည်။
တရားခံများအား ဖမ်းဆီးရမိရေးအတွက် ရဲတပ်ဖွဲ့ဝင်များမှ နယ်မြေအတွင်း သတင်းရယူ စုံစမ်းခဲ့ရာ ပြစ်မှုကျူးလွန်သူများမှာ အင်းစိန်မြို့နယ်၊ ဖော့ကန်ရပ်ကွက်၊ ဗောဓိညောင်ပင်လမ်း တွင်ရှိသော အောင်မြန်မာ ဓာတ်တိုင်လုပ်ငန်းမှ အလုပ်သမား များဖြစ်သူ ရွှေပြည်သာမြို့နယ်၊ ရေကျော်အိုင်ကျေးရွာနေ ကိုပေါက်(ခ)ကျော်ဇောမင်း(၃၇)နှစ်၊ ရွှေပြည်သာမြို့နယ်နေ အောင်သီဟ (ခ)သီဟ(၂၄)နှစ်၊ ကျော်နိုင်(၃၇)နှစ်၊ အင်းစိန်မြို့နယ်၊ ဖော့ကန်ရပ်ကွက်နေ တင်မျိုးဝင်း(ခ) အာကြီး(၂၉)နှစ်၊ တညင်းကုန်းရပ်ကွက်နေ ဇော်မင်း(ခ)တော်ကီ(၃၈)နှစ် တို့ဖြစ်ကြောင်း သိရှိရ သဖြင့် မေလ ၂၇ ရက်နေ့တွင် ၎င်းတို့(၅)ဦး အား ဖမ်းဆီးစစ်ဆေးခဲ့ရာ ထမင်းဆိုင်အတွင်း ဦးသီဟ၊ ကိုသက်နိုင်ထွန်း တို့(၂)ဦးနှင့် စကားများခဲ့သည့် ကိစ္စအားမကျေနပ် သဖြင့် ဝိုင်းဝန်းထိုးကြိတ် ရိုက်နှက်ခဲ့ခြင်းဖြစ်ကြောင်း သိရှိရပြီး အမှုဖြင့် ဆက်လက်စစ်ဆေးလျက်ရှိကြောင်း သိရသည်။
No comments:
Post a Comment