မကွေးတိုင်း ချောက်မြို့နယ် ဇီးပွားကျေးရွာအုပ်စု မင်းဒေါင့်ရွာမှာ မေ ၂၃ ရက်နေ ညနေ ၅ နာရီခွဲအချိန်က လေးပြင်းတိုက်ခတ်တာကြောင့် ဂွေးချိုတောင်​ပေါ်မှ ​စေတီ ထီးတော်မြေခခဲ့ပြီး ဘုန်းကြီးကျောင်းအပါအ၀င် နေအိမ်အဆောက်အဦ ၅ လုံး အမိုးလန် ပျက်စီးခဲ့တယ်​လို့ ဇီးပွားကျေးရွာအုပ်စု အုပ်ချုပ်​​ရေးမှူးက ပြောပါတယ်။ ဇီးပွားကျေးရွာအုပ်စု အုပ်ချုပ်ရေးမှူး ဦးဇော်မိုးအောင်က “မိုးသီးတွေအတူ လေပြင်းတိုက်ခတ်လာပြီး​တော့ မြန်မာသက္ကရာဇ် ၄၇၉ ခုနှစ်က တည်ထားကိုးကွယ်ခဲ့သော နှစ်ပေါင်း ၉၀၀ ကျော်ရှိတဲ့ ဂွေးချိုတောင်တည်ထားတဲ့ တောင်ထိပ်က မုဒ်ထော်စေတီတော်ရဲ့ ထီးတော် မြေခခဲ့တယ်။ ဘုန်းကြီးကျောင်းနဲ့ နေအိမ် ၄ လုံး အမိုးလန်ပျက်စီးသွားတယ်” လို့ ပြောပါတယ်။


မင်းတောင်ကျောင်းတိုက် ဘုန်းတော်ကြီးကျောင်း ကျောင်းဆောင် သွပ်မိုးလန်ပျက်စီးတာ၊ နေအိမ် ၄ လုံး သွပ်အမိုးနှစ်ဘက်လုံးပျက်စီးတာ၊ သွပ်မိုးပျက်စီးတာနဲ့ သစ်ပင်အိမ်ပေါ် ပိကျတာတွေဖြစ်ခဲ့ပြီး လူနဲ့တိရစ္ဆာန်တော့ ထိခိုက်သေဆုံးတာ မရှိဘူးလို့ ဆိုပါတယ်။

ပျက်စီးဆုံးရှုံးတဲ့ ဘုန်းတော်ကြီးကျောင်းနဲ့ နေအိမ်တို့ကို ရိက္ခာနဲ့ ကူညီ ထောက်ပံ့ငွေပေးအပ်ဖို့ စီစဉ်နေတယ်လို့ မြို့နယ်​ ဘေးအန္တရာယ် စီမံခန့်ခွဲမှုဦးစီးဌာနမှ တာဝန်ရှိသူတဦးက ​ပြောပါတယ်​။

မေ ၂၁ ရက်နေ့ကလည်း လေပြင်းတိုက်ခိုက်ခဲ့လို့ မန်ကျီးပင်ကျေးရွာမှာ နေအိမ်တလုံး အမိုးလန်ပျက်စီးတာ၊ ဇရပ်ပြိုကျတာ၊ စက်ရေးတွင်းအဆောက်အဦ အမိုးလန်ပျက်စီးတာတို့ ဖြစ်ခဲ့ပြီး အိမ်ဆောက်ပစ္စည်းဖိုး ထောက်ပံ့ငွေ ငါးသောင်းကျပ်နဲ့ ဆန်ရိက္ခာဖိုး ၁၂၆၀၀ ကျပ် ပေးအပ်ထောက်ပံ့ခဲ့​တယ်လို့ သိရပါတယ်​။