နိုင်ငံဝန်ထမ်း နည်းဥပဒေတွေအရ ပြီးခဲ့တဲ့ ၂၀၁၈ ဧပြီလကနေ ၂၀၁၉ မတ်လကုန်အထိ ရာထူးက ထုတ်ပယ်ခံရတဲ့ ဝန်ထမ်း ၁၆၃၈ ဦးနဲ့ ဝန်ထမ်းအဖြစ်က အထုတ်ခံရသူ ၇၃၉ ဦးရှိတယ်လို့ ပြည်ထောင်စုရာထူးဝန်အဖွဲ့ အမြဲတမ်းအတွင်းဝန် ဦးခင်မောင်ဝင်းက ပြောပါတယ်။ ဝန်ကြီးဌာနတွေထဲမှာ ကျန်းမာရေးနဲ့ အားကစားဝန်ကြီးဌာနက ထုတ်ပယ်ခံရသူ ဝန်ထမ်း ၈၀၀ ကျော်နဲ့ အများဆုံးဖြစ်ပြီး ပြည်ထဲရေးဝန်ကြီးဌာနက ဒုတိယ၊ စိုက်ပျိုးမွေးမြူရေးနဲ့ ဆည်မြောင်းဌာနက တတိယအများဆုံးဖြစ်ပါတယ်။
ဒါ့အပြင် အဂတိလိုက်စားမှုတိုက်ဖျက်ရေးဥပဒေနဲ့ အရေးယူခဲ့ရသူတချို့ရှိနေတဲ့အပြင် ဝန်ထမ်းအငယ်တွေဟာ လစာနည်းတာ၊ ခံစားခွင့်နည်းတာအပြင် တချို့ဝေးလံတဲ့ဒေသတွေမှာ နေထိုင်စရာမရှိတဲ့ အတွက်လည်း တာဝန်ကျတဲ့နေရာကိုမသွားတော့ပဲ ဝန်ထမ်းအဖြစ်က ထွက်သွားသူတွေလည်း ရှိခဲ့ပါတယ်။
ကျန်းမာရေးနဲ့ အားကစားဝန်ကြီးဌာနအောက်မှာတော့ အရင်ခေတ်ကာလတုန်းက ဆရာဝန်တွေဟာ တာဝန်ကျတဲ့နေရာကို မသွားဘဲ နောက်ပိုင်းကျမှ နေရာပြောင်းယူတာမျိုးတွေ ရှိခဲ့ပါတယ်။
အခုလက်ရှိမှာတော့ ဆရာဝန်တွေဟာ တာဝန်ကျတဲ့နေရာကို မသွားဘူးဆိုရင် ခွင့်မဲပျက်ကွက်အနေနဲ့ အရေးယူခံတာ များလာနေတယ်လို့ ကျန်းမာရေးဆရာဝန်တစ်ဦးဖြစ်တဲ့ ဒေါက်တာကျော်စွာဦးက ပြောပါတယ်။
No comments:
Post a Comment