အောင်သပြေကျေးရွာပဋိပက္ခမှ ဒေသခံ(၆)ဦးကို ပုဒ်မ(၂)ခုဖြင့် စွဲဆို

မန္တလေးတိုင်းဒေသကြီး၊ ပုသိမ်ကြီးမြို့နယ်၊ အောင်သပြေကျေးရွာပဋိပက္ခနဲ့ ပတ်သက်ပြီး ဖမ်းဆီးခံထားရတဲ့ဒေသခံ(၆)ဦးကို ဇွန်(၁၄)ရက်က ပုသိမ်ကြီးမြို့နယ်တရားရုံးမှာ ပုဒ်မ(၂)ခုနဲ့ တရားစွဲဆိုလိုက်ပါတယ်။ မူလက ပုဒ်မ ၄ခုနဲ့ တရားစွဲဆိုထားတာဖြစ်ပေမယ့် ဒီနေ့ရုံးချိန်းမှာတော့ ပုဒ်မ ၂ ခုနဲ့ တရားစွဲဆိုခဲ့တာပါ။ ဒေသခံအမျိုးသားလေးဦးကို ရာဇသတ်ကြီးပုဒ်မ ၄၃၆ (အိမ်အစရှိသည်တို့ကို ဖျက်ဆီးရန်ကြံရွယ်၍ မီးဖြင့် သို့တည်းမဟုတ်ပေါက်ကွဲတတ်သည့်အရာဖြင့် အကျိုးဖျက်ဆီးမှု)နဲ့ ရာဇသတ်ကြီးပုဒ်မ၄၄၀(သေစေမှုအတွက် သို့တည်းမဟုတ် နာကျင်စေမှုအတွက် ပြင်ဆင်ပြီးနောက်ကျူးလွန်သည့် အကျိုးဖျက်ဆီးမှု) တို့နဲ့စွဲဆိုထားတာဖြစ်ပါတယ်။ နောက်ထပ်အမျိုးသားတစ်ဦးအပါအဝင်(၃၄)ဦးကိုတော့ တရားခံပြေးအဖြစ်သတ်မှတ်လိုက်တယ်လို့ အောင်သပြေကျေးရွာနဲ့ပတ်သက်တဲ့အမှုတွေမှာ ဒေသခံတွေဘက်က လိုက်ပါဆောင်ရွက်ပေးသူ ရှေ့နေက ပြောပါတယ်။ မြင့်ကုမ္ပဏီဝန်ထမ်းဦးဟန်ဇော်လင်းက တရားလိုပြုလုပ်ကာစွဲဆိုတဲ့ဒီအမှုကို လာမယ့် ဇွန်(၂၁) ရက်မှာ စစ်ဆေးမှာဖြစ်ပါတယ်။