စမတ်ဖုန်းတစ်လုံး၏လစဉ်ဒေတာအသုံးပြုမှုမှာ 17 GB အထိဖြစ်လာနိုင်ဟု ဆို

အရှေ့တောင်အာရှနှင့် ကျွန်းစုနိုင်ငံများရှိ စမတ်ဖုန်းများ၏ လစဉ်ဒေတာအသုံးပြုမှုပမာဏမှာ 3.6 GB မှ 17 GB အထိဖြစ်လာနိုင်ပြီး ၂၉ ရာခိုင်နှုန်းနီးပါးမြင့်တက်လာမည်ဖြစ်ကြောင်း Ericsson Mobility Report June 2019 ထုတ်ပြန်ချက်အရ သိရသည်။ 4G LTE ကွန်ရက်ကို ၂၀၂၄ ခုနှစ်၊ နှစ်ကုန်ပိုင်းအထိ ဆက်လက်ဖြန့်ကျက်သွားမည်ဖြစ်ပြီး အခပေးအသုံးပြုမှု စုစုပေါင်း၏ ၆၃ ရာခိုင်နှုန်းက ဆက်လက်သုံးစွဲကြမည်ဖြစ်ကြောင်း သိရသည်။



ယခုကဲ့သို့ ဒေတာအသုံးပြုမှုပမာဏ မြင့်တက်လာရသည့် အကြောင်းအရင်းများတွင် 4G LTE ကွန်ရက်အား အခပေးအသုံးပြုသူတိုးပွားလာခြင်းနှင့် လူငယ်များ၏ ဗီဒီယိုကြည့်ရှုမှုအလေ့အထ ပြောင်းလဲလာခြင်းတို့လည်း ပါဝင်ကာ အထက်ပါဒေသများ၏ မိုဘိုင်းလ်ဒေတာအသုံးပြုမှု စုစုပေါင်းမှာ ၂၀၁၈ခုနှစ်တွင် 2.3 EB ရှိရာမှ ၂၀၂၄ ခုနှစ်တွင် 16EB အထိ ၇ ဆ နီးပါး မြင့်တက်လာမည်ဟုလည်း အစီရင်ခံစာတွင် ခန့်မှန်းထားသည်။

စမတ်ဖုန်းဖြင့်သုံးစွဲသူဦးရေစုစုပေါင်းမှာ ၂၀၂၄ ခုနှစ်တွင် ဒေသတွင်း၌ ၁ ဘီလျံကျော်သို့ ရောက်ရှိမည်ဖြစ်ပြီး တစ်နှစ်တာအတွင်းစုစုပေါင်းတိုးတက်မှုနှုန်း (CAGR) အရ ၈ ရာခိုင်နှုန်းအထိ ရှိလာမည်ဖြစ်ကာ မိုဘိုင်းလ်ဖုန်း သုံးစွဲသူစုစုပေါင်းမှာလည်း ၂၀၁၈ ခုနှစ်တွင် သန်း ၈၀၀ ၊ တစ်နှစ်တာအတွင်း စုစုပေါင်းတိုးတက်မှုနှုန်း (CAGR) အရ ၇ ရာခိုင်နှုန်းသို့ ရောက်ရှိနေရာမှ ၂၀၂၄ ခုနှစ်တွင် ၁.၂ ဘီလျံသို့ ရောက်ရှိလာမည်ဖြစ်ကြောင်း သိရသည်။

“ 5G ကွန်ရက်သုံးစွဲသူတွေ များပြားလာနိုင်မယ့်အချိန်မျိုးမှာတောင် 4G LTE ကွန်ရက်အနေနဲ့လည်း အဲဒီဒေသတွေမှာ လူသုံးများတဲ့နည်းပညာတစ်ခုအဖြစ် ၂၀၂၄ ခုနှစ်အကျော်အထိ ရပ်တည်နေဦးမှာပါ။ ဒေတာအသုံးပြုမှုသိသိသာသာမြင့်တက်လာတဲ့နေရာမှာတော့ မိုဘိုင်းလ်ပေါ်ကနေ ဗီဒီယိုကြည့်ရှုမှုက အဓိကဦးဆောင်လာမှာဖြစ်သလို သုံးစွဲသူတွေကလဲ ဗီဒီယိုတွေကို အင်တာနက်ပေါ်ကနေ တိုက်ရိုက်ကြည့်ရှုတာ၊ မျှဝေတာ စတာတွေကို ပိုမို အသုံးပြုလာမှာဖြစ်ပါ တယ်။ ဗီဒီယိုတွေအနေနဲ့ကလည်း အွန်လိုင်းပေါ်က အကြောင်းအရာတိုင်းမှာ ဆက်လက်ပြီး ပိုမိုကပ်ပါလာနေဦးမှာ ဖြစ်ပါတယ်။ ဒါတင်မကသေးပါဘူး။ စမတ်ဖုန်းသုံးစွဲသူတွေရဲ့ စစ်တမ်းအရ ကမ္ဘာ့အနှံ့အပြားက သုံးစွဲသူတွေက 5G ကိုသာ သုံးခွင့်ရလာမယ်ဆိုရင် ဒီကွန်ရက်က ရုပ်လုံးကြွပြီး ကိုယ်တိုင်ပါဝင်နိုင်မယ့်ပုံစံမျိုးတွေနဲ့ အက်ပလီကေးရှင်းတွေကို အသုံးပြုနိုင်လိမ့်မယ်လို့လဲ မျှော်လင့်ထားတာကို တွေ့ရပါတယ်”ဟု Head of Ericsson Myanmar ဖြစ်သူ Eric Timmer ကပြောသည်။

အရှေ့တောင်အာရှနှင့် ကျွန်းစုနိုင်ငံများရှိ 4G LTE ကွန်ရက် သုံးစွဲသူများမှာ ၂၀၁၈ ခုနှစ်အတွင်း ၄၀ ရာခိုင်နှုန်း အထိမြင့်တက်ခဲ့ရာမှ Ericsson Mobility Report ၏ ခန့်မှန်းချက်အရ အဆိုပါဒေသများတွင် ၂၀၂၄ခုနှစ် နှစ်ကုန်ပိုင်းတွင် မိုဘိုင်းလ်ကွန်ရက်ရယူသုံးစွဲသူဦးရေမှာ ၆၃ ရာခိုင်နှုန်းအထိ မြင့်တက်လာမည်ဖြစ်ကြောင်း သိရသည်။

ကနဦး 5G စနစ်အား အထောက်အပံ့ပေးနိုင်မည့် မိုဘိုင်းလ်နှင့်ဆက်စပ် ကိရိယာများကို အဆိုပါ ဒေသများတွင် ၂၀၁၉ ခုနှစ် ပထမနှစ်ဝက်အတွင်း စတင်ရယူသုံးစွဲနိုင်မည်ဟုလည်း ခန့်မှန်းထားကာ သုံးစွဲသူ စုစုပေါင်း၏ ၁၂ ရာခိုင်နှုန်းခန့်မှာ 5G ကွန်ရက်အသုံးပြုနိုင်မည်ဖြစ်ပြီး တစ်ကမ္ဘာလုံးအတိုင်းအတာအရ 5G ကွန်ရက်မှာ မျှော်မှန်းထားသည်ထက် ပိုမိုစောလျင်စွာအသုံးပြုသွားနိုင်မည်လည်းဖြစ်သည်ဟု ဖော်ပြထားသည်။
၂၀၁၉ ခုနှစ် ဇွန်လထုတ် Ericsson Mobility Report အရ ၂၀၁၈ ခုနှစ်၊ နိုဝင်ဘာလထုတ် Report တွင် ခန့်မှန်းခဲ့သော 5G အသုံးပြုသူ သန်းပေါင်း ၁,၅၀၀ (၁.၅ဘီလျံ)အား ၂၇ ရာခိုင်နှုန်းတိုးမြင့်ပြီး သန်းပေါင်း ၁,၉၀၀ (၁.၉ ဘီလျံ) သို့ ရောက်ရှိမည်ဟု ခန့်မှန်းထားကြောင်း သိရသည်။

Chipset နှင့် Device ထုတ်လုပ်ရောင်းချသူများ၏ အားထုတ်ဆောင်ရွက်မှုမှာလည်း 5G လက်ခံအသုံးပြုမှု အရှိန်အဟုန်မြင့်စေရန် အရေးပါသော အကြောင်းရင်းတစ်ခု ဖြစ်သည်။ ယခုနှစ်အတွင်း၌ပင် အဓိက လှိုင်းစဉ် band အားလုံးအတွက် ဦးတည်ကာ ရည်ရွယ်ထုတ်လုပ်သော စမတ်ဖုန်းများ ဈေးကွက်အတွင်းသို့ ဝင်ရောက် လာကြမည် ဖြစ်သည်။ 5G အသုံးပြုနိုင်သော ကိရိယာများကို ပိုမိုလွယ်ကူစွာရရှိလာနိုင်ပြီး 5G ကွန်ရက်များ အား ပိုမိုသုံးစွဲလာနိုင်သည်နှင့်အမျှ ၂၀၁၉ ခုနှစ် နှစ်ဆုံးပိုင်းတွင် တစ်ကမ္ဘာလုံးအတိုင်းအတာဖြင့် 5G အသုံးပြုမှုမှာ ၁၀ သန်းကျော်အထိ တိုးလာမည်ဟုလည်း မျှော်မှန်းထားသည်။

5G နည်းပညာအား လက်ခံအသုံးပြုခြင်းကို မြောက်အမေရိကတွင် ပိုမိုစောလျင်စွာ ဖြစ်လာမည်ဟု ခန့်မှန်း ထားပြီး ၂၀၂၄ ခုနှစ်တွင် အဆိုပါနယ်မြေရှိ မိုဘိုင်းလ်ကွန်ရက်စနစ် အသုံးပြုသူ အားလုံး၏ ၆၃ ရာခိုင်နှုန်းမှာ 5G ကို အသုံးပြုမည်ဟု ခန့်မှန်းထားသည်။ ဂျပန်၊ တရုတ်နှင့် ကိုရီးယားနိုင်ငံများအပြင် အခြားနိုင်ငံများ ပါဝင်နေသော အရှေ့မြောက်အာရှဒေသသည်လည်း ၄၇ ရာခိုင်နှုန်းဖြင့် တိုးတက်မှုတွင် ဒုတိယအမြန်ဆုံး ဖြစ်လာမည်ဖြစ်ပြီး ဥရောပမှာ ၄၀ ရာခိုင်နှုန်းဖြင့် တတိယဖြစ်လာမည်ဟု ခန့်မှန်းထားသည်။

Ericsson ၏ Executive Vice President and Head of Networks ဖြစ်သူ Fredrik Jejdling မှ “5G က တကယ်ကို အလျင်အမြန်နဲ့ တိုးတက်နေပါပြီ။ ဒါက ဝန်ဆောင်မှုကို ထောက်ပံ့ပေးသူတွေနဲ့ သုံးစွဲသူတွေရဲ့ 5G နည်းပညာအပေါ် စိတ်အားထက်သန်နေမှုတွေကို ထင်ဟပ်နေတာလည်းဖြစ်ပါတယ်။ 5G စနစ်က လူသားတွေရဲ့ ဘဝတွေ၊ စီးပွားရေးလုပ်ငန်းတွေအတွက် အင်တာနက်အခြေပြုအသုံးအဆောင်ပစ္စည်း (Internet of Things) တွေထက် ပိုတဲ့ ကောင်းကျိုးတွေကို သယ်ဆောင်သက်ရောက်စေ မှာဖြစ်သလို ဒါဟာ စတုတ္ထမြောက် စက်မှုတော်လှန်ရေးလည်းဖြစ်ပါတယ်။ နည်းပညာ၊ စည်းမျဉ်းစည်းကမ်းတွေ၊ လုံခြုံရေးနဲ့ စက်မှုနယ်ပယ်အတွင်းက မိတ်ဆွေတွေအားလုံး ကိုယ်စီကိုယ်ငှ ပါဝင်ဆောင်ရွက်ပြီး ခိုင်မာတဲ့ ဂေဟစနစ် တစ်ခုကို တည်ဆောက်နိုင်မှသာ 5G ရဲ့ ကောင်းကျိုးတွေကို ပြည့်ပြည့်ဝဝ ခံစားနိုင်မှာဖြစ်ပါတယ်” ဟု ပြော ကြားသည်။

မိုဘိုင်းလ်ဒေတာအသုံးပြုမှု စုစုပေါင်းမှာ ၂၀၁၉ ခုနှစ် ပထမသုံးလပတ်မှ စတင်ကာ တစ်ကမ္ဘာလုံး အတိုင်းအတာဖြင့် တစ်ရှိန်ထိုး မြင့်တက်လာခဲ့ပြီး တစ်နှစ်ပြီးတစ်နှစ် ၈၂ ရာခိုင်နှုန်းအထိ ဆက်လက် တိုးတက်လာနေသည်ကို တွေ့ရသည်။ ၂၀၂၄ ခုနှစ် နှစ်ကုန်ပိုင်းတွင် ထိုအသုံးပြုမှုပမာဏမှာ တစ်လလျှင် 131 ExaBytes (EB) အထိ တိုးတက်လာမည်ဟု ခန့်မှန်းထားပြီး ယင်းအချိန်တွင် မိုဘိုင်းလ်ဒေတာအသုံးပြုမှု စုစုပေါင်း၏ ၃၅ ရာခိုင်နှုန်းကို 5G ကွန်ရက်များမှ ဝန်ဆောင်မှုပေးနိုင်ရန် မျှော်မှန်းထားသည်။ ကမ္ဘာတစ်လွှားတွင် ဆယ်လူလာ IoT ဆက်သွယ်မှုပေါင်း သန်း ၁,၀၀၀ (၁ ဘီလီယံ) ရှိနေပြီး အဆိုပါပမာဏမှာ ၂၀၂၄ ခုနှစ် နှစ်ကုန်ပိုင်းတွင် သန်းပေါင်း ၄,၁၀၀ (၄.၁ ဘီလီယံ) အထိ တိုးတက်လာကာ စုစုပေါင်း၏ ၄၅ ရာခိုင်နှုန်းကို Massive IoT မှ ကိုယ်စားပြုမည်ဟု ခန့်မှန်းထားသည်။ smart metering ဖြင့် ရေ၊မီး ဝန်ဆောင်ခ နှုန်းကောက်ခံခြင်း၊ ဆေးဘက်ဆိုင်ရာတိုင်းတာမှုများအတွက် အထောက်အပံ့ ပေးနိုင်မည့် ဝတ်ဆင်နိုင်သည့် ကိရိယာများဖြင့် ကျန်းမာရေး စောင့်ရှောက်မှုနှင့် ခြေရာခံစနစ်ဆင်ဆာများ ဖြင့် ပို့ဆောင်ရေးဆိုင်ရာ ဝန်ဆောင်မှုပေးခြင်း အစရှိသည်တို့ Massive IoT များကို နယ်ပယ်အသီးသီးတွင် အသုံးပြုလျက်ရှိသည်။