တစ်ပတ်အတွင်း စတော့ရှယ်ယာဈေးနှုန်း ကျပ် ၃ ဘီလျံကျော်ကျဆင်း

စတော့ရှယ်ယာဈေးကွက်၌ ဇွန်လတတိယအပတ်အတွင်းရှယ်ယာလက်မှတ်ရောင်းရငွေတန်ဖိုးသည် ယခင်အပတ်ရောင်းရငွေထက် ကျပ် ၃ ဘီလျံကျော်ကျဆင်းသွားကြောင်း ရန်ကုန်စတော့အိပ်ချိန်းမှ သိရသည်။
ရန်ကုန်စတော့အိပ်ချိန်းတွင် စာရင်းဝင်ထားသည့် ကုမ္ပဏီ ၅ ခုမှ ဇွန်လ ၁၀ ရက်မှ ၁၄ ရက်အတွင်း ရှယ်ယာလက်မှတ်ရောင်းချရသည့်တန်ဖိုးမှာကျပ် ၃ ဒဿမ ၄ ဘီလျံနီးပါးရရှိခဲ့ပြီးဇွန်လ ၁၇ ရက်မှ ၂၁ ရက် အထိ အရောင်းအဝယ်ဖြစ်သော စုစုပေါင်းတန်ဖိုးမှာကျပ်သန်း ၃၇၃ ရရှိခဲ့ပြီးယခင် အပတ်ထက်ကျပ် ၃ ဘီလျံကျော်ကျဆင်းခဲ့ခြင်းဖြစ်ကြောင်း ရန်ကုန်စတော့အိပ်ချိန်းမှ သိရသည်။



ထို့အပြင် အရောင်းအဝယ်ဖြစ်သည့် ရှယ်ယာအစောင်ရေမှာဇွန်လ ၁၀ ရက်မှ ၁၄ ရက်အတွင်း ၄၅၆,၈၁၉ စောင်ရှိပြီးဇွန်လ ၁၇ ရက်မှ ၂၁ ရက်အထိမှာ ၆၃,၅၈၅ စောင်ရှိကာယခင်အပတ်ထက် အစောင်ရေ ၃၉၃,၂၃၄ စောင်အထိ အရောင်းအဝယ်ကျဆင်းခဲ့ကြောင်းသိရသည်။

သို့ရာတွင် ယခုဇွန်လ ၂၄ ရက်၌ စတော့ရှယ်ယာဈေးနှုန်းများမှာ FMI ကုမ္ပဏီတွင် ကျပ် ၁၂,၀၀၀၊ သီလဝါ အထူးစီးပွားရေးဇုန်အများပိုင်ကုမ္ပဏီတွင် (MTSH) ကျပ် ၃၄၅၀၊ မြန်မာနိုင်ငံသားများဘဏ်တွင် ကျပ် ၇၉၀၀၊ ပထမပုဂ္ဂလိကဘဏ်တွင်ကျပ် ၂၄၅၀၀ နှင့် TMH တယ်လီကွန်းကုမ္ပဏီတွင် ကျပ် ၃၀၀၀ စသည်ဖြင့် ဈေးပေါက်နေကြောင်း ရန်ကုန်စတော့အိပ်ချိန်းမှ သိရသည်။

ရန်ကုန်စတော့အိပ်ချိန်းစတင်တည်ထောင်စဉ်မှ လက်ရှိကာလအထိ ၃ နှစ်ကျော်အတွင်း စာရင်းဝင်ကုမ္ပဏီ ၅ ခုမှ ရှယ်ယာအရေအတွက် ၁၀ ဒဿမ ၅၁ သန်းကျော်ရောင်းချထားပြီး တန်ဖိုးကျပ် ၁၂၄ ဒဿမ ၀၇ ဘီလျံကျော်ရရှိထားကြောင်း ရန်ကုန်စတော့အိပ်ချိန်းမှ သိရသည်။