ယနေ့ကမ္ဘာမှာ ပလတ်စတစ်ပျံ့နှံ့ညစ်ညမ်းနေမှုပြဿနာအလွန်ဆိုးရွားနေရာ ပျမ်းမျှအားဖြင့် လူတစ်ဦးချင်း တစ်ပတ်လျှင် ပလတ်စတစ် ၅ ဂရမ်ခန့် စားမိနေကြောင်း ဇွန် ၁၄ ရက်နေ့တွင် ထုတ်ပြန်ခဲ့တဲ့ လေ့လာမှုရလဒ်တစ်ခုမှာ ဖေါ်ပြထားပါတယ်။ အဆိုပါလေ့လာမှုကို သြစတေးလျ နယူးကာဆယ်တက္ကသိုလ်က ပြုလုပ်ခဲ့ပြီး ပလတ်စတစ် ၅ ဂရမ် ဒြပ်ထုဟာ အကြွေးဝယ်ကတ်တစ်ကတ်စာ ဒြပ်ထုနဲ့ ညီမျှကြောင်း ဥပမာပေး ဖော်ပြထားပါတယ်။
ပလတ်စတစ်တွေ စားမိနေခြင်းရဲ့ အဓိကဇာစ်မြစ်ဟာ သောက်သုံးရေဖြစ်ကြောင်း သိရပြီး ထိုနည်းဖြင့် လူတစ်ဦးချင်း တစ်ပတ်လျှင် ပျမ်းမျှအားဖြင့် ပလတ်စတစ်အမှုန် ၁၇,၆၉ မှုန်ခန့် အစာအိမ်ထဲသို့ စားမိနေကြောင်း သိရပါတယ်။
ပုဇွန်၊ ခရု၊ ကမာကောင် စတဲ့ အခွံမာသတ္တဝါတွေကို စားသုံးခြင်းဟာလည်း ဒုတိယဇာစ်မြစ်ဖြစ် ကြောင်း သိရပါတယ်။ ပလတ်စတစ်တွေ စားမိထားတဲ့ ထိုသတ္တဝါတွေကို စားသုံးပါက ၄င်းတို့ရဲ့ အစာအိမ်ထဲက ပလတ်စတစ်တွေကို စားမိသကဲ့သို့ပါပဲ။
ပလတ်စတစ်ညစ်ညမ်းမှုပမာဏဟာ ကမ္ဘာ့နေရာဒေသအလိုက် ကွာခြားပေမယ့် မညစ်ညမ်းသေးတဲ့ နေရာ မကျန်တော့ကြောင်း ၄င်းလေ့လာမှုက ဖော်ပြထားပါတယ်။
အမေရိကန်မှာဆိုလျှင် ဘုံဘိုင်ရေတွေကို နမူနာယူ စစ်ဆေးကြည့်ခဲ့ရာ ၉၄.၄ ရာခိုင်နှုန်းမှာ ပလတ်စတစ်မျှင်တွေ ပါနေပြီး ပျမ်းမျှအားဖြင့် တစ်လီတာလျှင် အမျှင် ၉.၄ ခုနှုန်း ပါနေကြောင်း တွေ့ခဲ့ရပါတယ်။
No comments:
Post a Comment