မြန်မာနိုင်ငံမှ ဥရောပနိုင်ငံများသို့ မော်တော်ဆိုင်ကယ်ဖြင့်ကမ္ဘာပတ်မည့် မြန်မာနိုင်ငံသား နှစ်ဦးဖြစ်သော ကိုအောင်ကျော်ဝင်း နှင့် ကိုစိုင်းဇွန်ဖတို့သည် မေလ ၃၀ ရက်က မန္တလေးမြို့သို့ ရောက်ရှိခဲ့သည်။ အဆိုပါ နှစ်ဦးသည် မကွေးမြို့မှ မေ(၂၉)ရက် နံနံနက်ပိုင်းတွင် မန္တလေးမြို့သို့ ရောက်ရှိခဲ့ခြင်းဖြစ်သည်။ " ဆိုင်ကယ်ဝါသနာရှင်တွေပါ၊ စီးရတဲ့အတွေ့အကြုံတွေကို ပြန်ရှယ်ချင်တာပါ '' ဟု ကိုအောင်ကျော်ဝင်း ကပြောသည်။မြန်မာနိုင်ငံမှ ဥရောပသို့ ဆိုင်ကယ်ဖြင့်သွားမည့် မြန်မာနိုင်ငံ သားနှစ်ဦးသည် အဆိုပါ ခရီးစဉ်ကို မေလ(၂၆)ရက်တွင် ရန်ကုန်မြို့မှ စတင်ကာ ထွက်လာခဲ့ခြင်းဖြစ်သည်။
ရန်ကုန်၊ပြည်၊ မကွေး၊ မန္တလေး၊ တောင်ကြီး၊ ကျိုင်းတုံ၊ တာချီလိတ်မှတဆင့် ထိုင်းဘက်ကိုသွားမည်ဖြစ်ကြောင်းသိရသည်။
သူတို့နှစ်ဦးသွားမည့် ခရီးစဉ်တွင်အင်္ဂလန်အပါအဝင် နိုင်ငံပေါင်း (၃ ၀)ကို ဖြတ်သန်းရန် မိုင်ပေါင်း (၃၀၀၀၀) ကျော်မောင်းနှင်ခရီးသွားမည့် ခရီးစဉ်ဖြစ်သည်။
BMWဆိုင်ကယ်များနှင့် သွားရောက်မည်ဖြစ်ကြောင်း ခန့်မှန်းခြေအရ ခရီးသွားကြာမြင့်ချိန် (၅)လ ကြာမည်ဟု ခန့်မှန်းထားကြောင်း ၎င်းတို့ခရီးစဉ်မှာ နိုင်ငံပေါင်း(၃၀)တွင်ရှိသော လှပသည့် နေရာများကို သွားရောက်ကြမည်ဖြစ်ကြောင်း သိရသည်။
မြန်မာနိုင်ငံမှ အင်္ဂလန်နိုင်ငံသို့ သွားမယ့်ခရီးစဉ်တလျောက်တွင် ဆိုရှယ်မီဒီယာကတဆင့် အတွေ့အကြုံ များကိုဝေမျှသွားမည်ဖြစ်ပြီး ယခုခရီးစဉ်များကို Documentary ရိုက်ကူး မည်ဖြစ်ကြောင်း သိရသည်။
No comments:
Post a Comment