မန္တလေးမြို့ မဟာမုနိရုပ်ရှင်တော်မြတ်ဘုရားကြီးသို့ လာရောက်လည်ပတ်သည့် နိုင်ငံခြားသားတစ်ဦးလျှင် ၅၀၀၀ ကျပ်နှုန်း ဝင်ကြေးအဖြစ်ကောက်ခံမှုကို ဇူလိုင်လ ၁ ရက်နေ့က စတင်ကောက်ခံနေပြီဖြစ်ကြောင်း ဘုရားဂေါပကအဖွဲ့က သိရသည်။ ယခင်က လာရောက်လည်ပတ်သည့် နိုင်ငံခြားသားဧည့်သည်များထံမှ ဓာတ်ပုံ ၊ဗီဒီယိုရိုက်ကူးမှုအတွက် ကင်မရာခွန်အဖြစ် တစ်ထောင်ကျပ်နှုန်း ကောက်ယူရာကနေ ဝင်ကြေးကို ငါးထောင်ကျပ်နှုန်း သတ်မှတ်၍ ကောက်ယူခြင်းဖြစ်သည်။
"နိုင်ငံခြားသားဧည့်သည်တွေဆီကနေ ဝင်ကြေးကောက်တာ ဒီနေ့စကောက်တာပါ ။ အရင်က ပြောထားတဲ့အတိုင်း နှုန်းထားပဲကောက်တာပါ။" ဟု ဘုရားဂေါပက အဖွဲ့ ဥက္ကဋ္ဌ ဦးစိုးလင်း က ပြောသည် ။
ထိုသို့ကောက်ခံခြင်းသည် မန္တလေးတိုင်းဒေသကြီးအစိုးရအဖွဲ့ထံတင်ပြ၍ ကောက်ခံခြင်းဖြစ်ကြောင်း ဘုရားဂေါပကအဖွဲ့က သိရသည်။
နိုင်ငံခြားသား ဧည့်သည်များထံက ငွေကြေး ကောက်ယူမှု အဆင်ပြေစေဖို့အတွက် Information Center များထားရှိပေးထားပြီး ဘုရားကြီးတောင်ဘက်မုဒ်၊ အရှေ့ဘက်မုဒ် နှင့် မြောက်မုဒ် ခြင်းလုံးရုံးအနီးတွင် Information center များ ထားပေးထားကြောင်း သိရသည် ။
ထို့အပြင် နိုင်ငံခြား သားဧည့်သည်တွေ နားနေနိုင်ရန် နှင့် ဝန်ဆောင်မှုလုပ်ငန်းတွေကိုလည်း တိုးမြှင့်သွားမည်ဖြစ်ကြောင်း ဂေါပကအဖွဲ့က သိရသည်။
No comments:
Post a Comment