အသက် ၁၉ နှစ်အရွယ်နဲ့ ဒီလစ်လောက် ခြေစွမ်းကောင်းမွန်တဲ့ ဘောလုံးသမားမျိုး မမြင်ဖူးဘူးလို့ နာမည်ကျော်အီတလီနည်းပြဟောင်း မာဆယ်လို လစ်ပီကပြောကြားလိုက်ပါတယ်။ လစ်ပီဟာ ကမ္ဘ့ဖလားရရှိထားတဲ့ နည်းပြတဦးဖြစ်သလို ဘရာစီ၊ မာလ်ဒီနီ၊ ကန်နာဗာရို တို့လို နာမည်ကျော် ခံစစ်မှူးတွေနဲ့ လက်တွဲခဲ့ဖူးပေမယ့် ဒီလစ်လို အသက် ၁၉ နှစ်တည်းနဲ့ ခြေစွမ်းအကောင်းဆုံးမှာရှိနေတဲ့ ကစားသမားမျိုးဟာ ရှားပါတယ်လို့ ပြောကြားခဲ့ပါတယ်။ဒီလစ်ဟာ အေဂျက်စ်အသင်းနဲ့အတူ ချန်ပီယံလိဂ်မှာ တောက်ပလာခဲ့တဲ့ ကြယ်ပွင့်ဖြစ်ပြီး လက်ရှိမှာတော့ ဂျူဗင်တပ်စ်အသင်းကို ပြောင်းရွှေ့ကြေး အမြောက်အမြားနဲ့ ရောက်ရှိဖို့ နီးစပ်နေပါတယ်။
လစ်ပီက ဒီလစ်ကိုခေါ်ယူမှုဟာ ဂျူဗင်တပ်စ်အတွက် အကောင်းဆုံးခေါ်ယူမှုဖြစ်လာလိမ့်မယ်လို့လည်း ဆိုပါတယ်။
ဒီလစ်ဟာ ကြံ့ခိုင်မှုအပြည့်နဲ့ ကစားသမားတဦးဖြစ်သလို ဘောလုံးနည်းစနစ်ပိုင်းကြွယ်ဝပြီး ခန္ဓာကိုယ်ဟန်ချက်ညီသလို ဂိုးတောင်သွင်းယူပေးနိုင်တယ်လို့ ချီးကျူးပြောဆိုပါတယ်။
ဒီလိုကစားသမားသာ ဂျူဗင်တပ်စ်ကို ထပ်ရောက်လာခဲ့မယ်ဆိုရင် ချန်ပီယံလိဂ်အပါအဝင် သူတို့ရဲ့ပစ်မှတ် ဆုဖလားတွေ ဆွတ်ခူးနိုင်လိမ့်မယ်လို့ ဆိုပါတယ်။
No comments:
Post a Comment