အိုင်ဖုန်းတွေအသုံးမပြုဖို့ တရုတ်နိုင်ငံသားတွေလှုံ့ဆော်နေ

အမေရိကန်နဲ့တရုတ်နိုင်ငံတို့ ပြီးခဲ့တဲ့တစ်ပတ်မှာ စည်းကြပ်ခွန်တွေတစ်ဖက်နဲ့တစ်ဖက်အပြန်အလှန်တိုးကောက်ပြီး ကုန်သွယ်ရေးစစ်ပွဲကို အရှိန်ပြန်မြှင့်ခဲ့တဲ့အပြင် ကြာသပတေးနေ့မှာဟွာဝေးကို အမေရိကန်အစိုးရက လုပ်ငန်းကန့်သတ်ချက်တွေထားလိုက်လို့ တနင်္ဂနွေနေ့မှာ ဟွာဝေးဖုန်းတွေမှာ ဂူဂယ်အက်ပလီကေးရှင်းတွေအသုံးပြုခွင့်ကန့်သတ်မယ်လို့ ဂူဂယ်ကပြောခဲ့ပြီးတဲ့နောက် တရုတ်နိုင်ငံသားတွေက အမေရိကန်ကုမ္ပဏီ Appl e Incရဲ့အိုင်ဖုန်းတွေအသုံးမပြုဖို့ တွစ်တာလိုမျိုးတရုတ်လူမှုကွန်ရက် Weibo မှာ တိုက်တွန်းနေကြပါတယ်။



ဟွာဝေးရဲ့လုပ်ငန်းဆောင်ရွက်မှု(Function)တွေက အိုင်ဖုန်းတွေနဲ့တန်းတူရှိနေသလို သာတာတွေတောင်ရှိတယ်။ အဲဒီလောက်ကောင်းတဲ့စမတ်ဖုန်းရှိနေတာကို ငါတို့က ဘာလို့အိုင်ဖုန်းသုံးရမှာလဲလို့Weiboသုံးတဲ့တရုတ်လူမျိုးတစ်ယောက်က မှတ်ချက်ပြုခဲ့ပါတယ်။

ကုန်သွယ်ရေးစစ်ပွဲကို စောင့်ကြည့်နေရတာ ကိုယ့်ကိုယ်ကိုအပြစ်ရှိတယ်လို့ ခံစားရတယ်။ ပိုက်ဆံရှိတဲ့အချိန်ဆိုရင်တော့ ဖုန်းလဲကိုင်မယ်လို့ နောက်ထပ်တစ်ယောက်ကပြောပါတယ်။

အကောင့်တုတွေလို့ယူဆရတဲ့တွစ်တာက တရုတ်ဘာသာသုံးတဲ့အကောင့်တွေမှာလည်း အလားတူလှုံ့ဆော်မှုမျိုးတွေရှိနေပါတယ်။

အမေရိကန်ကစခဲ့တဲ့ကုန်သွယ်ရေးစစ်ပွဲမှာ တရုတ်ရဲ့ဆန္ဒကဘာလဲဆိုတာပြပြီးသားပါ။ တိုက်တော့မတိုက်ချင်ဘူး။ ကြောက်လို့မတိုက်တာတော့မဟုတ်ဘူးလို့ အကောင့်တုတွေရေးနေတဲ့တွိတွေထဲမှာပါနေပါတယ်။

၂၀၁၈ ခုနှစ်ရဲ့နောက်ဆုံး ၃ လမှာ တရုန်မှာ အိုင်ဖုန်းရောင်းအား ၂၅ ရာခိုင်နှုန်းကျဆင်းခဲ့ပြီး အလားတူကာလမှာပဲ ဟွာဝေးစမတ်ဖုန်းအရောင်း ၂၅ ရာခိုင်နှုန်းတက်လာတယ်လို့ အစီရင်ခံစာ ၂ ခုကို ကိုးကားပြီး Buzzfeedသတင်းဌာနကဖော်ပြပါတယ်။

ပုံမှန်လုပ်ဆောင်မှုတွေကိုအဆင့်မြှင့်တင်တာနဲ့ အပြင်ပန်းပြောင်းလဲမှုတွေလုပ်ခဲ့ပေမဲ့ အရမ်းကြီးသွားတဲ့ဈေးမှာ သုံးတဲ့လူတွေအနေနဲ့ သူတို့ရဲ့ဖုန်းကို အိုင်ဖုန်းပြောင်းသုံးစေချင်တဲ့အဓိကတီထွင်ဖန်တီးမှုမျိုးဘာမှမရှိခဲ့ဘူး။ တရုတ်နိုင်ငံကလူဦးရေအများကြီးနဲ့ တရုတ်ပြည်တွင်းက တီထွင်ဖန်တီးမှုအားကောင်းတဲ့အမှတ်တံဆိပ်တွေရဲ့ထိုးမှက်မှုတို့ကလည်း Appleအရောင်းဆက်တိုက်ကျတာရဲ့အကြောင်းရင်းဖြစ်ပါတယ်လို့ Appleအစီရင်ခံစာမှာပါဝင်ပါတယ်။

အထူးသဖြင့် တရုတ်နိုင်ငံမှာ စီးပွားရေးအရှိန်ကျလာတာကို ကျွန်တော်တို့ကြိုမတွက်ခဲ့ဘူးလို့ Appleအမှုဆောင်အရာရှိချုပ် တင်မ် ကွတ်ကပြောပါတယ်။