အဂတိလိုက်စားမှုတိုက်ဖျက်ရေးကိုစိတ်ဆန္ဒပြင်းပြစွာဖြင့်ဆက်လက်အရှိန်အဟုန်မြှင့်တင်ဆောင်ရွက်သွားမည်ဖြစ်ကြောင်း အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌဦးအောင်ကြည်ကယနေ့ကျင်းပသောပြည်ထောင်စုလွှတ်တော်တွင်ပြောကြားခဲ့သည်။ ဦးအောင်ကြည်က”ကျွန်တော်တို့ကတော့ငုတ်မိသဲတိုင်တက်နိုင်ဖျားရောက်ဆိုသလို ဒီတာဝန်ကိုယူထားပြီးပြီဆိုမှတော့ ဘယ်လောက်အခက်အခဲရှိရှိဖြစ်နိုင်တဲ့နည်းလမ်းအားလုံးကိုအသုံးပြုပြီး အဂတိလိုက်စားမှုတိုက်ဖျက်ရေးကို စိတ်ဆန္ဒပြင်းပြစွာဖြင့်ဆက်လက်အရှိန်အဟုန်မြှင့်တင်ဆောင်ရွက်သွားမှာပဲဖြစ်ပါကြောင်းတင်ပြလိုပါတယ်”ဟုပြောကြားခဲ့ခြင်းဖြစ်သည်။
အဂတိလိုက်စားမှုတိုက်ဖျက်ရေးကော်မရှင်၏နှစ်ပတ်လည်လုပ်ငန်းဆောင်ရွက်မှုအစီရင်ခံစာနှင့်စပ်လျဉ်း၍လွှတ်တော်ကိုယ်စားလှယ်များ၏ဆွေးနွေးချက်များအပေါ်ပြန်လည်ရှင်းလင်းဆွေးနွေးခြင်းပြုလုပ်ရာတွင်အထက်ပါအတိုင်းထည့်သွင်းပြောကြားခဲ့ခြင်းဖြစ်သည်။
ထို့ပြင်ဥပဒေအရအဂတိလိုက်စားသည့်ပြစ်မှုမြောက်ရန်မှာရာထူးတာဝန်အလွဲသုံးစားပြုခြင်းနှင့်အပေးအယူလုပ်ခြင်းဟူသည့်အကြောင်းအချက်(၂)ရပ်လုံးထင်ရှားရန်လိုပြီးအလားတူပင်ဥပဒေစည်းမျဉ်းစည်းကမ်းလုပ်ထုံးလုပ်နည်းဖောက်ဖျက်ခြင်းနှင့်ပြည်သူ့ဘဏ္ဍာရန်ပုံငွေဆုံးရှုံးခြင်းဟူသည့်အချက်များမှာလည်းထင်ရှားရန်လိုကြောင်းသူကတင်ပြခဲ့သည်။
ရာထူးတာဝန်အလွဲသုံးစားပြုလုပ်ခြင်းနှင့်ဥပဒေစည်းမျဉ်းစည်းကမ်းဖောက်ဖျက်ခြင်းတို့ကိုဖော်ထုတ်ရန်မှာအခက်အခဲမရှိသော်လည်းအပေးအယူလုပ်ခြင်းမှာကြိတ်လုပ်ကြခြင်းဖြစ်သည့်အပြင်ယခုခေတ်ငွေလွှဲပြောင်းမှုစနစ်သစ်များကြောင့်ခြေရာခံရန်အလွန်ခက်ခဲလျက်ရှိကြောင်းသိရသည်။
ထို့ပြင်အုပ်ချုပ်ရေးပိုင်းတွင်ဖြစ်စေ၊စီးပွားရေးလုပ်ငန်းပိုင်းတွင်ဖြစ်စေမိမိတို့၏လုပ်ဆောင်ချက်၊ ဆုံးဖြတ်ချက်များအတွက်တာဝန်ယူမှုမရှိကြခြင်း၊ ပူးပေါင်းဆောင်ရွက်လိုသောဆန္ဒမရှိခြင်း၊ ပွင့်လင်းမြင်သာမှုမရှိခြင်းနှင့်ရုံးလုပ်ငန်းစနစ်၊မှတ်တမ်းထိန်းသိမ်းရေးစနစ်များအပေါ်တာဝန်ခံမှုစံနှုန်းနိမ့်ကျနေခြင်းမှာလည်းကော်မရှင်၏စုံစမ်းစစ်ဆေးရေးလုပ်ငန်းများတွင်ကြီးမားသည့်အဟန့်အတားများဖြစ်နေသည်ဟုလည်းပြောကြားခဲ့သည်။
အဂတိလိုက်စားမှုတိုက်ဖျက်ရေးဆိုသည်မှာကော်မရှင်တစ်ခုတည်းကလုပ်ဆောင်၍မရဘဲမဏ္ဍိုင်ကြီး(၃)ရပ်စလုံးမှအကြီးအကဲများ၊အကြီးအမှူးများအပါအ၀င်အဖွဲ့အစည်းအသီးသီးနှင့်ပြည်သူလူထုတစ်ရပ်လုံးကပါတက်ညီလက်ညီပူးပေါင်းပါဝင်ဆောင်ရွက်မှသာအောင်မြင်နိုင်မည်ဖြစ်ကြောင်းလည်း၎င်းကတိုက်တွန်းပြောကြားခဲ့သည်။
No comments:
Post a Comment