ထိုင်းနိုင်ငံ၊ ဘန်ကောက်မြို့ရှိ Space Pub ကို ရဲတပ်ဖွဲ့က နံနက် (၃)နာရီဝန်းကျင်တွင် ဝင်စစ်ရာ လူပေါင်း (၁၂၀)မှာ မူးယစ်ဆေးသုံးထားသည်ကို တွေ့ရသဖြင့် ဆိုင်ဖွင့်ခွင့်ကို (၅)နှစ်ပိတ်သိမ်းလိုက်ကြောင်း သိရသည်။ မြို့တော်ရဲတပ်ဖွဲ့၊ မူးယစ်နှိမ်နှင်းရေးတပ်ဖွဲ့တို့ ပူးပေါင်းပါဝင်သည့်အဖွဲ့ဖြင့် ၂၀၁၉ ခုနှစ် မေလ (၂၉)ရက်နေ့ နံနက်အစောပိုင်းက ဝင်စစ်ရာတွင်တွေ့ရသည့် လူပေါင်း (၂၀၀)ဝန်းကျင်တွင် ကျောင်းဝတ်စုံဝတ်ထားသူအများစု ပါဝင်နေခြင်းဖြစ်ကြောင်း သိရသည်။စစ်ဆေးမှုအတွင်း အက်တစီ၊ ကတ်တမင်းအထုပ်ငယ်နှင့် e-cigarette များကိုလည်း တွေ့ရှိရပြီး လွန်ခဲ့သည့်နှစ်လခန့်ကတည်းက ဖွင့်လှစ်ထားသည့် အဆိုပါဆိုင်တွင် မူးယစ်ဆေးရောင်းဝယ်မှုများရှိကြောင်း သတင်းအရ ဝင်ရောက်ဖမ်းဆီးခြင်းဖြစ်သည်ဟု သိရသည်။
အဆိုပါဆိုင်တွင်တွေ့ရသည့် လူ(၂၀၀)ကို ဆီးစစ်ဆေးသည့်အနက် အမျိုးသား (၇၀)နှင့် အမျိုးသမီး (၅၀)မှာ မူးယစ်ဆေးသုံးထားသည်ကို စစ်ဆေးတွေ့ရှိရခြင်းဖြစ်ကြောင်း သိရသည်။
လက်ရှိတွင် အဆိုပါဆိုင်ကို တရားမဝင်ဖွင့်လှစ်လုပ်ကိုင်မှု၊ သတ်မှတ်ချိန်ထက် ကျော်လွန်ဖွင့်လှစ်မှုနှင့် တရားမဝင် အရက်ရောင်းချမှုတို့ဖြင့် ဆိုင်မန်နေဂျာကို ကနဦးအမှုဖွင့်ထားကြောင်း သိရသည်။
No comments:
Post a Comment