သေဆုံးသူတွေဟာ ရန်ကုန်တိုင်းအတွင်းက ဖြစ်ပြီးတော့ အသက် ၇၅ နှစ်၊ ၂၉ နှစ် နဲ့ ၃၁ နှစ် တို့ဖြစ်တယ်လို့လည်းပြောပါတယ်။ ကျန်းမာရေး ဝန်ကြီးဌာနက ဇွန်လ ၁၉ ရက်က ရန်ကုန်မြို့မှာ ပြုလုပ်တဲ့ သတင်းစာရှင်းလင်းပွဲမှာ H1N1 ရောဂါဖြစ်ပွားမှု ဖြစ်စဉ်နဲ့ ပတ်သက်ပြီး အခုနှစ်အတွင်း ၃ ဦးသေဆုံးကြောင်း အတည်ပြု ပြောပါတယ်။ ဇွန်လအတွင်း သံသယလူနာ ၂၀ မှာ ၇ ဦးဟာ H1N1 ရောဂါပိုး တွေ့ ရပြီး အဲဒီထဲ က ၃ ဦးသေဆုံး တာဖြစ်တယ်လို့ လည်းပြောပါတယ်။
ကျန်၎ ဦး ကတော့ အင်းစိန်ဆေးရုံ၊ မြောက်ဥက္ကလာဆေးရုံ နဲ့ ရန်ကုန် ဆေးရုံ ကြီးတို့မှာ ကုသမှုတွေ ခံနေတယ်လို့ လည်း ကျန်းမာရေးဝန်ကြီးဌာနက ပြောပါတယ်။ ဇွန်လ ၁၉ ရက်နေ့ က သေဆုံးသူ အမျိုးသားနှစ်ဦးသဂြိုဟ်ခဲ့ပါတယ် ။ေ သဆုံးသူတွေဟာ နှလုံးရောဂါ၊ ကိုယ်ဝန်ဆိပ်တက်ရောဂါနဲ့ တခြားကူးစက်ရောဂါတွေလည်း ခံစားနေရတယ်လို့လည်း သတင်းစာရှင်းလင်းပွဲမှာ ပြောပါတယ်။
အစိုးရဘက်က ကြိုတင်ပြင်ဆင်မှု လုပ်ထားပြီးတော့ အခုအခြေနေဟာ အထိတ်တလန့် ဖြစ်စရာ မရှိဘူးလို့လည်း သတင်းစာရှင်းလင်းပွဲမှာ ရှင်းသွားပါတယ်။
H1N1 ကြောင့် ၃ ဦးသေဆုံးသွားသူတွေဟာကော့မှူး၊ စမ်းချောင်းနှင့် ဒဂုံဆိပ်ကမ်းတို့က ဖြစ်ပြီး ပြီးခဲ့တဲ့ ဇွန်လ၁၄ ရက် နေ့ကကော့မှူး က အမျိုးသမီးက အရင်ဆုံးသေဆုံးတာဖြစ်ကြောင်းလည်း ရန်ကုန်တိုင်းကျန်းမာရေးဦးစီးဌာန မှာ လုပ်တဲ့ ရှင်းလင်းပွဲမှာ သတင်းထောက်တွေကိုပြောပါတယ်။ ၂၀၁၇ ခုနှစ်တုန်းကတော့ ၁၂ ဦးခန့်သေဆုံးခဲ့တယ်လို့ ကျန်းမာရေး ဝန်ကြီးဌာနက တာဝန်ရှိသူတွေကပြောပါတယ်။
No comments:
Post a Comment