လျှပ်စစ်တစ်ယူနစ်လျှင် ကျပ် ၁၁၀ နှင့်အထက်ပေးနိုင်မည်ဆိုပါက မီးပြတ်တောက်မှုမရှိဘဲ စိတ်ကြိုက်သုံးစွဲနိုင်အောင် ဆောင်ရွက်ပေးနိုင်သည့် ကုမ္ပဏီများရှိသည်ဟု ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောသည်။ ရန်ကုန်တိုင်းအတွင်း လျှပ် စစ်မီးပြတ်တောက်ရခြင်းနှင့် ပတ် သက်ပြီး မေလ ၁၀ ရက်၌ ရန်ကုန်ရင်းနှီးမြှုပ်နှံမှုဖိုရမ်တွင် အထက် ပါအတိုင်း ဝန်ကြီးချုပ်က ပြော ကြားသည်။ ‘‘အဲဒီဈေးနှုန်းကို ပေးနိုင်မယ်ဆိုရင် မီးကို ကြိုက်သလောက် သုံးပါ၊ များများသုံးပါ တိုက်တွန်း မယ့်ကုမ္ပဏီတွေ အများကြီးရှိ တယ်၊ ပေးချင်လွန်းလို့။ မြန်မာ နိုင်ငံကို လျှပ်စစ်ကုမ္ပဏီတွေ ဘာ ကြောင့် စိတ်ဝင်စားလဲ မီးခဏ ခဏပြတ်လို့ စိတ်ဝင်စားတယ်။ မီးမှန်နေရင် ဘယ်သူမှ စိတ်မဝင် စားဘူး’’ဟု ဝန်ကြီးချုပ် ဦးဖြိုးမင်း သိန်းက ပြောသည်။
မြန်မာနိုင်ငံတွင် လျှပ်စစ်မီး ပြတ်တောက်ရခြင်းသည် လျှပ်စစ် ကဏ္ဍ ဖွံ့ဖြိုးမှုများလာ၍ လျှပ်စစ် ပိုမိုသုံးစွဲပါက ပိုမိုအရှုံးပေါ်နေ ခြင်းကြောင့်ဖြစ်သည်ဟု ရန်ကုန် တိုင်းဝန်ကြီးချုပ်က ဆိုသည်။ လျှပ်စ်စမီးကဏ္ဍတိုးတက်ရန် ထို အချက်မှ လွတ်မြောက်အောင် ဆောင်ရွက်ရမည်ဟု ဆိုသည်။
ထို့အပြင် မဟာဓာတ်အားလိုင်းများတွင် အရန်ဓာတ်အားလိုင်းများ ထားရမည်ဟုဆိုသည်။ အကယ်၍ ဓာတ်အားပြတ်တောက်ပါက အရန်ဓာတ်အားလိုင်းမှ လျှပ်စစ်မီးပေးနိုင်အောင် ဆောင်ရွက်ရမည်ဟု ဆိုသည်။
ထို့အပြင် လျှပ်စစ်ဖြန့်ဖြူးရာတွင် အချို့ဓာတ်အားလိုင်းများ သည် နှစ်ပေါင်းများစွာကြာမြင့်နေ ပြီး အဆင့်မြှင့်တင်ရန် လိုသည်ဟုဆိုသည်။ ထိုဓာတ်ကြိုးများကို အဆင့်မြှင့်တင်ရန် ကုမ္ပဏီများရှိသော်လည်း ထိုက်သင့်သည့် ဈေးနှုန်းပေးရန်လိုသည်ဟု ဝန်ကြီးချုပ်က ပြောသည်။ မြန်မာနိုင်ငံတွင် လျှပ်စစ်နှင့် ပတ်သက်၍ စိန်ခေါ်မှုတစ်ခုသည် မီတာခဈေးပေါ၍ လျှပ်စစ်ဖြင့် ချက်ပြုတ်ခြင်းဖြစ် သည်ဟု ဆိုသည်။
လက်ရှိတွင် လျှပ်စစ်မီတာခ ကို ယူနစ် ၁၀၀ အောက် ၃၅ကျပ်၊ ယူနစ် ၂၀၀ အောက်လျှင်၄၀ နှင့်အထက် ကျပ် ၅၀ ကောက်ခံနေသည်။ ထို့ကြောင့် မီတာခ ကို အစိုးရက နှစ်စဉ် တစ်နိုင်ငံလုံးအတွက် ကျပ် ဘီလီယံ ၅၀၀ ကျော် စိုက်ထုတ်နေရပြီး ရန်ကုန်တိုင်းအတွက် ကျပ် ဘီလီယံ ၃၀၀ ကျော်စိုက်ထုတ်ပေးရသည်။ ယခု ဘဏ္ဍာနှစ် တစ်နိုင်ငံလုံးအတွက် ကျပ်ဘီလီယံ ၆၀၀ ကျော် အရှုံး ပေါ်မည်ဟု လျှပ်စစ်နှင့် စွမ်းအင်ဝန်ကြီးဌာနက ခန့်မှန်းထားသည်။ လက်ရှိတွင် ဓာတ်အားမလုံ လောက်မှုကြောင့် တစ်နိုင်ငံလုံး ကို ဓာတ်အားအလှည့်ကျပေး နေပြီး တစ်နေ့လျှင် လေးနာရီမှ ခြောက်နာရီကြား လျှပ်စစ်မီးပြတ် တောက်နေသည်။
No comments:
Post a Comment