ကလေးဗန်းပြပြီးတောင်းစားတယ်ဆိုတာ အလွန်ဆိုးရွားတဲ့လုပ်ရပ်ဖြစ်တယ်လို့ သရုပ်ဆောင် ခင်လှိုင်က ပြောလာပါတယ်။ နိုင်ငံတကာမှာဆိုရင် ပိုက်ဆံတောင်းသူတွေဟာ သူတို့ရဲ့အတတ်ပညာတစ်ခုနဲ့ဖျော်ဖြေပြီး လူတွေက ချီးကျူးတဲ့အနေနဲ့ပိုက်ဆံပေးကြတာဖြစ်တယ်ဆိုပြီးနှိုင်းယှဉ်ပြောလာတာ ဖြစ်ပါတယ်။ “ ဘာမှမသိသေးတဲ့ ကလေးသူငယ်တွေကိုတောင်းစားခိုင်းတဲ့လူကြီးတွေလည်းရှိသလို လသားအရွယ် ကလေးကိုချီပြီး နေပူထဲမှာ၊ မိုးရွာထဲမှာ လိုက်တောင်းနေတဲ့သူတွေလည်းရှိတယ်။ ဒါဟာ တကယ်တော့မလုပ်သင့်တဲ့အရာပါပဲ။
လူကြီးတွေက ကလေးကိုသနားလို့ပေးလိုက်ပေမဲ့ အဲဒီလို ကလေးကိုဗန်းပြပြီးတောင်းစားနေကြတာက နိုင်ငံတကာနဲ့ယှဉ်ရင် အလွန်ဆိုးရွားတဲ့လုပ်ရပ်ပဲ ဖြစ်ပါတယ်။ နိုင်ငံတကာမှာ ပိုက်ဆံတောင်းတဲ့သူတွေက သူတို့တတ်တဲ့ပညာနဲ့တောင်းစားကြတယ်။ ဥပမာပေးရရင် ဂီတဆိုဂီတ၊ အတတ်ပညာဆိုအတတ်ပညာစသည်ဖြင့် သူတို့တတ်ကျွမ်းတဲ့ အနုပညာနဲ့ပဲဖျော်ဖြေပေးကြတယ်။အဲလိုဖျော်ဖြေတဲ့အခါကျတော့ လူတွေကလည်း သူတို့အတတ်ပညာကိုချီးကျူးတဲ့အနေနဲ့ ပိုက်ဆံပေးကြတယ်” လို့ ခင်လှိုင်က ပြောပါတယ်။
သရုပ်ဆောင် ခင်လှိုင်ဟာ ရေကုသိုလ်တော်အကျိုးတော်ဆောင်ပရဟိတအသင်းကို တည်ထောင်ထားသလို ဇ၀နဖောင်ဒေးရှင်းကိုတည်ထောင်ထားပြီး အနုပညာအလုပ်တွေကိုလည်း တစ်စိုက်မတ်မတ်လုပ်နေသူတစ်ဦး ဖြစ်ပါတယ်။
မြန်မာနိုင်ငံမှာ ကလေးသူငယ်တွေကိုအသုံးချပြီး တောင်းရမ်းနေမှုများနဲ့ပတ်သက်လို့ Facebook ပေါ်မှာလည်း ဝေဖန်မှုများ အများအပြားရှိနေပါတယ်။
No comments:
Post a Comment