အနောက်တောင်မုတ်သုံလေဟာ မြန်မာနိုင်ငံ တ၀န်းလုံးကို ဝင်ရောက်ခဲ့ပြီးဖြစ်တယ်လို့ မိုးလေ၀သဌာနက ကြေညာထားပြီး ရန်ကုန်တိုင်းအပါအ၀င် ပြည်နယ်တိုင်း ၆ခုမှာ မိုးကြီးမယ်လို့ ခန့်မှန်းထုတ်ပြန်ထားပါတယ်။ ဇွန် ၁၁ရက် မွန်းလွဲ ၂နာရီအချိန် ထုတ်ပြန်ချက်ထဲမှာ ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နေရာကွက်ပြီး မိုးကြီး နိုင်တယ်လို့ ခန့်မှန်းထားပါတယ်။
မုတ်သုန်လေ တနိုင်ငံလုံးဝင်ရောက်အပြီးမှာ မွန်ပြည်နယ်မှာ ဒေသအလိုက် မိုးကြီးခဲ့ပြီး မှတ်သားဖွယ်ရာ မိုးရေချိန်တွေက ဘီးလင်းမြို့မှာ (၃.၅၄)လက်မ၊ မော်လမြိုင်မြို့မှာ (၃.၃၉) လက်မ၊ ရေးမြို့မှာ (၂.၉၅) လက်မ၊ ထ၊ သထုံမြို့မှာ (၂.၆၈)လက်မ၊ ပေါင်မြို့မှာ (၂.၆၀) လက်မ အသီးသီး ရွာသွန်းခဲ့ပါတယ်။
ဒါ့အပြင် တနင်္သာရီတိုင်းနဲ့ ကရင်ပြည်နယ်တို့မှာလည်း မိုးများခဲ့ပြီး ထားဝယ်မြို့မှာ (၂.၈၇) လက်မ၊ ဘားအံမြို့မှာ (၂.၅၅)လက်မ၊ ကမမောင်းမြို့မှာ (၂.၃၅)လက်မ၊ မြိတ်မြို့မှာ (၂.၂၄) လက်မ အသီးသီးရွာသွန်းခဲ့ပါတယ်။
မိုးလေ၀သပညာရှင် ဒေါက်တာ ဦးထွန်းလွင်ကလည်း မိုးလယ်ကာလမှာ ရေကြီးမှုတွေကို ဂရုစိုက်ဖို့ နှိုးဆော်အသိပေးထားပါတယ်။
မိုးလယ်ကာလဖြစ်တဲ့ ဇူလိုင်လနဲ့ သြဂုတ်လ၊ မိုးနှောင်းကာလဖြစ်တဲ့ စက်တင်ဘာလ တို့မှာ မုတ်သုံမိုးနဲ့အတူ မြန်မာနိုင်ငံမြောက်ပိုင်းဒေသတွေမှာ မိုးကောင်းနိုင်တဲ့အတွက် ဧရာဝတီမြစ်နဲ့ ချင်းတွင်းမြစ်သာမက တခြားမြစ်တွေပါ ရေကြီးမှုအန္တရာယ် ကြုံတွေ့ရနိုင်ပါတယ်လို့ ဒေါက်တာ ဦးထွန်းလွင်က သတိပေးထားပါတယ်။
No comments:
Post a Comment