သူနာပြု ရာထူးတိုး စာမေးပွဲ စစ်ဆေးရာတွင် တရားမျှတ မှန်ကန်မှု မရှိဟုဆိုကာ ရှမ်းပြည်နယ်အရှေ့ပိုင်း၊ ကျိုင်းတုံခရိုင်၊ တာချီလိတ်ခရိုင်နှင့် မိုင်းဆတ်ခရိုင်အတွင်းရှိ ဆေးရုံများမှ ရာထူးတိုးစာမေးပွဲ ဖြေဆိုခဲ့ကြသည့် သူနာပြု ဆရာ/ဆရာမ ၄၃ ဦးက နိုင် ငံတော်၏ အတိုင်ပင်ခံပုဂ္ဂိုလ်နှင့် ကျန်း မာရေးဝန်ကြီးဌာန၊ ပြည်ထောင်စု ဝန်ကြီးထံသို့ တင်ပြ တိုင်ကြားထားကြောင်း သိရသည်။
.
ရှမ်းပြည်နယ်အရှေ့ပိုင်း ဒေသရှိ ဆေးရုံများမှ သတ်မှတ် အရည်အချင်း နှင့် ကိုက်ညီသည့် သူနာပြု ၁၄၃ ဦးသည် ၂ဝ၁၈ ခုနှစ်၊ ဇွန်လ ၂၇ ရက်က ကျိုင်းတုံမြို့ရှိ သူနာပြု သင်တန်းကျောင်းတွင် ပြုလုပ်ခဲ့သည့် ရာထူးတိုး စာမေးပွဲကို ဝင်ရောက်ဖြေဆိုရာတွင် ကျိုင်းတုံမြို့ရှိ ပြည်နယ်ကုသရေး ဦးစီးဌာန၊ ပြည်နယ် ကျန်းမာရေး စီမံခန့်ခွဲမှု ကော်မတီ၏ ၂ဝ၁၉ ခုနှစ်၊ ဧပြီလ ၁ဝ ရက်နေ့ အည်းအဝေး အမှတ်စဉ် (၄/၂ဝ၁၉) ဆုံးဖြတ်ချက်အရ ဝင်ရောက် ဖြေဆိုခဲ့သည့် သူနာပြုများ အနက်မှ ၄၅ ဦးအား ရာထူးတိုးမြှင့် ခန့်အပ်ကြောင်း ထုတ်ပြန်ကြေညာခဲ့ သည်။
.
ထိုသို့ ရာထူးတိုးမြှင့် ခန့်ထားရာတွင် မပါဝင်သည့် သူနာပြု ဆရာ/ဆရာမ ၄၃ ဦးတို့က ၂ဝ၁၉ ခုနှစ်၊ ဧပြီ လ ၁၈ ရက်တွင် နေပြည်တော်ရှိ ကု သရေး ဦးစီးဌာနမှ ညွှန်ကြားရေးမှူး ထံသို့ လိပ်မူ၍ ရာထူးတိုးမြှင့်ခန့်ထား ခြင်း ခံရသည့် သူနာပြု ၄၅ ဦးအား နိုင်ငံ့ဝန်ထမ်း ဥပဒေ ပုဒ်မ ၂၆ ပါ ပြဌာန်းချက်များနှင့်အညီ ထပ်မံစိစစ် ရွေးချယ်ပေးစေလိုကြောင်း ရေးသား တင်ပြခဲ့သည်ဟု သိရသည်။
.
ယင်းကဲ့သို့ တင်ပြခဲ့သော်လည်း တစ်စုံတစ်ရာ အကြောင်းမထူးသဖြင့် သူနာပြုဆရာ/ ဆရာမ ၄၃ ဦးတို့မှ နိုင်ငံတော်၏ အတိုင်ပင်ခံပုဂ္ဂိုလ် ဒေါ် အောင်ဆန်းစုကြည်နှင့် ကျန်းမာရေး နှင့် အားကစားဝန်ကြီးဌာန ပြည် ထောင်စုဝန်ကြီး ဒေါက်တာမြင့်ထွေး ထံသို့ မေလ ၂၄ ရက်တွင် ထပ်မံ ရေးသားပေးပို့ တင်ပြခဲ့ကြကြောင်း သိရသည်။
.
တင်ပြစာများတွင် ပါဝင်လက် မှတ်ရေးထိုးခဲ့သည့် သူနာပြု ဆရာမ ဒေါ်ဂျွန်လင်းနာက ''ကျွန်မတို့ ဖြေဆိုရတဲ့ ရာထူးဝင် စာမေးပွဲမှာ ရေးဖြေပါတယ်ဆိုတာ ကြိုတင်အသိ ပေး ကြေညာထားခြင်း မရှိဘဲနောက် နေ့ ဖြေမယ့်ရက်မတိုင်ခင်မှကပ်ပြီး အသိပေးလို့ ဘာမှ ကြိုတင်လေ့လာ ကျက်မှတ်ချိန် မရလိုက်ပါဘူး။ နယ် ဆင်း၊ အမှတ်၊ သူနာပြုတက္ကသိုလ် ပေါင်းကူး အထူးသင်တန်းတက်အ မှတ်၊ အလုပ်ကျွမ်းကျင်အမှတ်တွေနဲ့ ယှဉ်လိုက်ရင် အမှတ်ပေးစည်းမျဉ်းအ ရ ရသင့်သူတွေ ကျန်နေခဲ့ပါတယ်။ စာမေးပွဲမှာ ဖြေဆိုထားတဲ့ အဖြေလွှာ ရမှတ်တွေကို ပြန်လည် စစ်ဆေး ကြည့်မယ်ဆိုရင် ရိုးသားမှုရှိ/မရှိ ဆိုတာ သိနိုင်မှာ ဖြစ်ပါတယ်''ဟု ကမ္ဘောဇတိုင်းသို့ ပြောသည်။
.
အဆိုပါ ကိစ္စနှင့် ပတ်သက်၍ ကျိုင်းတုံမြို့ရှိ ပြည်နယ်ကုသရေး ဦး စီးဌာန လက်ထောက်ညွှန်ကြားရေးမှူး ဒေါ်သက်နွယ်ဦးက ''၂ဝ၁၈ ခုနှစ်စာ မေးပွဲမှာတော့ ရေးဖြေစာမေးပွဲ ဆိုတာ ရှိပေမယ့် ကြိုတင်အသိပေးအကြောင်း ကြားတာကို စာမေးပွဲဖြေဖို့ တစ်ရက် အလိုမှပဲ လုပ်နိုင်ခဲ့ပါတယ်''ဟု ပြော ဆိုခဲ့သည်။
.
ထို့အတူ ပြည်နယ်ကုသရေးဦးစီး ဌာနမှူး ဒေါက်တာမြင့်ကျော်ကလည်း ''သင်္ကြန်အကြိုနေ့က ရာထူးဝင်စာ မေးပွဲ တန်းစီဇယားအရ အထက်တန်း သူနာပြု ရာထူးခန့်အပ်ပေးခံရသူထဲ မှာ မပါတဲ့ သူနာပြုဆရာ/ဆရာမ ၄၁ ဦး ကျွန်တော့်အိမ်ကို ရောက်လာ ခဲ့ပါတယ်။ ပြည်နယ်ကျန်းမာရေး စီ မံခန့်ခွဲမှု ကော်မတီ ဘုတ်အဖွဲ့ရဲ့ နိုင် ငံ့ဝန်ထမ်းနည်းဥပဒေအတိုင်း ဆောင် ရွက်ခဲ့တာဖြစ်တယ်လို့ ရှင်းလင်းပြော ကြားထားခဲ့ပြီး ဖြစ်ပါတယ်။ ၂ဝ၁၈ ခုနှစ် ရာထူးဝင် စာမေးပွဲကျင်းပချိန် မှာတော့ ကျွန်တော်ဒီကို တာဝန်မကျ သေးပါဘူး''ဟု ပြောဆိုခဲ့သည်။
.
ကျန်းမာရေးနှင့် အားကစားဝန် ကြီးဌာန၊ ကုသရေးဦးစီးဌာန လက် အောက်ရှိ ပြည်သူ့ဆေးရုံများတွင်တာ ဝန်ထမ်းဆောင်နေသည့် သူနာပြု အ နီဝတ်နှင့် အထက်တန်းသူနာပြု အ ပြာဝတ်တို့၏ လစာမှာ ကွာခြားမှု မရှိ သော်လည်း လုပ်သက်အနည်း/အ များနှင့် အတွေ့အကြုံ ရင့်ကျက်မှု သည် သူနာပြုကျင့်ဝတ်အရ အထက် အောက် တာဝန်များအား လေးစားရို သေစွာ ဆက်ဆံရသဖြင့် ရှမ်းပြည်နယ် အရှေ့ပိုင်းရှိ ဆေးရုံအချို့တွင် လုပ် သက်နည်းသူများကို ရာထူးတိုးမြှင့် ခန့်ထားပေးခြင်းကြောင့် လုပ်သက် ရင့် သူနာပြု ဆရာ/ဆရာမများမှ မကျေနပ်မှုများ ဖြစ်ပေါ်နေကြောင်း သိရသည်။
No comments:
Post a Comment