ထိုင်းနိုင်ငံ၊ ဘန်ကောက်တွင်အခြေစိုက်ပြီး တရားမဝင်သည့် အွန်လိုင်းလောင်းကစားလုပ်ငန်းကို လုပ်ကိုင်နေသည့် တရုတ်နိုင်ငံသား (၉)ဦးကို ဖမ်းဆီးရမိထားကြောင်း သိရသည်။ ဘန်ကောက်ရှိ လူနေအဆောက်အဦနှစ်ခုတွင် အခန်း(၂)ခန်းတွင် ငှားရမ်းနေထိုင်သည့် တရုတ်နိုင်ငံသားများကို သံသယဖြစ်ဖွယ်တွေ့ကြောင်း သတင်းပေးပို့ချက်အရ သွားရောက်စစ်ဆေးရာမှ ဖမ်းဆီးရမိခြင်းဖြစ်ကြောင်း သိရသည်။
ရဲတပ်ဖွဲ့က ဝင်ရောက်စစ်ဆေးရာ ပထမအခန်းတွင် ကွန်ပျူတာ(၅)လုံးနှင့် ဒုတိယအခန်းတွင် ကွန်ပျူတာ(၂)လုံးတို့၌ အွန်လိုင်းလောင်းကစားလုပ်ငန်းများ လုပ်ဆောင်နေသည်ကို စစ်ဆေးတွေ့ရှိရခြင်းဖြစ်ကြောင်း သိရသည်။
အဆိုပါ တရုတ်နိုင်ငံသားများသည် တရုတ်နိုင်ငံမှ စီးပွားရေးသမားတစ်ဦးအတွက် ထိုင်းနိုင်ငံတွင် အခြေစိုက်လုပ်ကိုင်ပေးနေကြခြင်းဖြစ်ပြီး ၎င်းတို့အား တစ်လလျှင် ဘတ်တစ်သိန်းခွဲဖြင့် ငှားရမ်းထားခြင်းဖြစ်ကြောင်း သိရသည်။
အဆိုပါ အွန်လိုင်းလောင်းကစားများက ဒစ်ဂျစ်တယ်ငွေကြေးဖြင့်သာ ပေးချေမှုပြုလုပ်ကြခြင်းဖြစ်ကြောင်း သိရသည်။
အဆိုပါ တရုတ်နိုင်ငံသားများကို အမည်ပျက်စာရင်းသွင်းပြီး တရုတ်နိုင်ငံသို့ ပြန်လည်လွှဲပြောင်းမည်ဖြစ်ကြောင်း သိရသည်။
No comments:
Post a Comment