အဆိုပါ ညီလာခံတွင် မြန်မာတစ်နိုင်ငံလုံး၌ သစ်ပင်စိုက်ပျိုးနေသည့် အဖွဲ့အစည်းများ တက်ရောက်မည်ဖြစ်ရာ သစ်ပင်စိုက်ပျိုးရာတွင် ကြုံတွေ့နေရသည့် အခက်အခဲများ၊ သစ်ပင်စိုက်ပျိုး မှုနှင့်ပတ်သက်၍ လေ့လာနေသည့်ပညာရှင်များ၊ ပတ်ဝန်းကျင်ထိန်းသိမ်းရေး ဆောင်ရွက်သူများ ၏ ဟောပြောမှုများပါဝင်မည် ဖြစ်သည်။
ညီလာခံသို့ တစ်နိုင်ငံလုံးသစ်ပင်စိုက်ပျိုးနေသည့် အဖွဲ့အစည်းများ တက်ရောက်မည်ဖြစ် ပြီး လက်ရှိတွင် အဖွဲ့ ၆၀ ခန့်က တက်ရောက်ရန် စာရင်းပေးထားပြီး ဖြစ်သည်။
ထို့အပြင် ဇွန်လ ၁၉ ရက်တွင် ကျရောက်မည့် နိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ မွေးနေ့အထိမ်း အမှတ်အဖြစ် ပဲခူးတိုင်း ပန်းပျိုးလက် ဘုန်းကြီးကျောင်း၌ ပန်းပျိုးလက် ဆရာတော်ဦးဆောင်၍ သစ်ပင်ချစ်သူများဖိုရမ် ကျင်းပ ရေးအဖွဲ့ဝင်များ ပူးပေါင်းကာ သစ်ပင်စိုက်ပျိုးမည် ဖြစ်သည်။ မြန်မာတစ်နိုင်ငံလုံး သစ်ပင်ချစ်သူများ ညီလာခံဖြစ်မြောက် ရေးကော်မတီကို ၂၀၁၉ မေလတွင် သစ်ပင်ချစ်မြတ်နိုးသူများနှင့် ဖွဲ့စည်းခဲ့သည်။
No comments:
Post a Comment