အိန္ဒိယမှာ Islamic States အစွန်းရောက်အဖွဲ့အား ထောက်ခံအားပေးသူတွေကို အကြမ်းဖက် တိုက်ဖျက်ရေး ရဲတွေက ရှာဖွေဖော်ထုတ်ပြီး ဇွန်လ ၁၂ ရက်နေ့ နိုင်ငံတောင်ပိုင်း နေရာ ၇ နေရာမှာ စီးနင်းဖမ်းဆီးခဲ့ကြပါတယ်။ အဆိုပါဖမ်းဆီးပွဲတွေအနက် အများစုကို မဒရပ်ပြည်နယ် ကိုအင်ဘတောမြို့မှာ ပြုလုပ်ခဲ့ကြပြီး ၄င်းဟာ သီရိလင်္ကာမှာ ဖြစ်ပွားခဲ့တဲ့ အီစတာနေ့ အကြမ်းဖက်တိုက်ခိုက်မှုနဲ့ ဆက်နွယ်နေပါတယ်။
ကိုအင်ဘတောမှာ ဖမ်းမိခဲ့သူတွေအနက် အဓိကစွပ်စွဲခံ မိုဟာမက်အဇာရူဒင် ဟာ အီစတာနေ့ဗုံးခွဲမှုရဲ့ အဓိကလက်သည် ဇာရန်းဟာရှင်နဲ့ Facebook Friend တွေ ဖြစ်နေကြကြောင်း အမျိုးသား စုံစမ်းစစ်ဆေးရေးအေဂျင်စီ (NIA) ထုတ်ပြန်ထားပါတယ်။ ၄င်းမြို့မှာအပြင် အခြားဒေသမှ နေရာအချို့ကိုလည်း စီးနင်းရှာဖွေခဲ့ရာ ၅ ဦး ဖမ်းဆီးရမိခဲ့ပါတယ်။
ဖမ်းမိသူတွေဟာ ISIS အကြမ်းဖက်အဖွဲ့ကို ထောက်ခံ၊ ဝါဒဖြန့်ပေးနေသူတွေ ဖြစ်ကြပြီး လူငယ် တွေကို အစွန်းရောက်ဝါဒမှိုင်းတိုက် စည်းရုံးပြီး အိန္ဒိယတောင်ပိုင်းမှာ အကြမ်းဖက်တိုက်ခိုက်ကြရန် ရည်ရွယ်ထားကြကြောင်း ရဲတပ်ဖွဲ့က ဆိုပါတယ်။
အဓိကစွပ်စွဲခံ အာဇာရူဒင်ဟာလည်း IS ဝါဒကို Facebook page တစ်ခုမှတစ်ဆင့် ဖြန့်ဝေနေပြီး အခြားဖမ်းမိသူတွေကတော့ ဇာရန်းဟာရှင်နဲ့ပတ်သက်တဲ့ အစွန်းရောက်ပို့စ်တွေကို Share နေခဲ့ကြပါတယ်။
၎င်းတို့အားလုံးရဲ့ ဖုန်း၊ ဆင်းမ်ကဒ်၊ ကွန်ပြူတာနဲ့ စာရွက်စာတမ်းတွေ အားလုံးကို သိမ်းဆည်းခဲ့ပြီး လူကိုလည်း စစ်ကြောမေးမြန်းနေကြောင်း NIA က ပြောကြားခဲ့ပါတယ်။ ဒါပေမဲ့ စွဲချက်တင်ထားခြင်း ရှိမရှိကိုတော့ ထုတ်ဖော်ပြောကြားခြင်း မပြုခဲ့ပါဘူး။
No comments:
Post a Comment