မြန်မာ - ထိုင်းနယ်စပ်ဒေသ၊ တာချီလိတ်မြို့လယ် ဗိုလ်ချုပ်အောင်ဆန်းလမ်းမကြီးနှင့် အားကစားရုံလမ်းထောင့်(ရှမ်းရိုးမကွင်းရှေ့)ရှိ မီးပွိုင့်ထိန်းယာဉ်ထိန်းရဲကင်းရုံကို အရှိန်မထိန်းနိုင်သည့် မော်တော်ယာဉ်တစ်စီးက ၂၀၁၉ ခုနှစ် မေလ (၂၈) ရက်နေ့ နံနက် (၆) နာရီခွဲဝန်းကျင်က ဝင်တိုက်သွားကြောင်း သိရသည်။ ပုံလို့လမ်းဆုံဘက်မှ ဗိုလ်ချုပ်အောင်ဆန်းလမ်းမကြီးအတိုင်း မောင်းနှင်လာသည့် မော်တော်ယာဉ်သည် အားကစားရုံသွားလမ်းဆုံ မီးပွိုင့်အနီးတွင် အရှိန်မထိန်းနိုင်ဘဲ လက်ဝဲဘက်ရှိ ပလက်ဖောင်းပေါ်ကျော်တက်ကာ မီးပွိုင်ထိန်းယာဉ်ထိန်းရဲရုံကို ဝင်တိုက်မိခြင်းဖြစ်ကြောင်း သိရသည်။ယာဉ်တိုက်မှုကြောင့် ထိခိုက်ဒဏ်ရာရသူမရှိကြောင်း နှင့် မီးပွိုင့်မှာ နေ့လည်ပိုင်းအချိန်ထိ အချက်မပြနိုင်သေးကြောင်း သိရသည်။
အဆိုပါယာဉ်တိုက်မှုနှင့်ပတ်သက်၍ ယာဉ်မောင်း ကျော်ဆန်းကို တာချီလိတ်မြို့မရဲစခန်းတွင် ယာဉ်(ပ)၁၈/၂၀၁၉၊ ရာဇသတ်ကြီးဥပဒေပုဒ်မ ၂၇၉ အရ အမှုဖွင့်အရေးယူဆောင်ရွက်ထားကြောင်း သိရသည်။
No comments:
Post a Comment