ဘူးသီးတောင်မြို့နယ်တွင် စက်လှေမောင်းသူတစ်ဦးကို AA အဖွဲ့မှ သေနတ်ဖြင့်ပစ်ကာ ဓားဖြင့်ထိုးသဖြင့် သေဆုံးသွားကြောင်း သိရသည်။ ရခိုင်ပြည်နယ်၊ ဘူးသီးတောင်မြို့နယ်၊ ကြာညိုပြင်ကျေးရွာနေ စိုးဝင်းနိုင်၊ (၃၈)နှစ်(ရခိုင်/ဗုဒ္ဓ) (စက်လှေလုပ်ငန်း)သည် မေလ ၂၀ ရက်၊ ည ၇ နာရီခန့်က နေအိမ်၌ရှိနေစဉ် AA အဖွဲ့ဝင် ၄ ဦးသည် ဆိုင်ကယ် ၂ စီးဖြင့် ရောက်ရှိလာကာ ၎င်းတို့အား စက်လှေဖြင့် ဘူးသီးတောင်မြို့သို့ ပို့ဆောင်ပေးရန် ပြောကြားရာ စိုးဝင်းနိုင်က မိုးချုပ်နေသောကြောင့် ပို့ဆောင်မပေးနိုင်ကြောင်း ပြန်လည်ပြောဆိုခဲ့ရာမှ စကားများခဲ့ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။
ထိုသို့စကားများရာမှ AA အဖွဲ့ဝင် ၄ ဦးက သေနတ်ဖြင့် ၁ ချက်ပစ်ခတ်၍ ဓားဖြင့် ဝိုင်းဝန်းထိုးခဲ့သောကြောင့် စိုးဝင်းနိုင်တွင် ဝဲ/ယာ ရင်ဘတ် ထိုးသွင်းဒဏ်ရာများရရှိကာ အခင်းဖြစ်နေရာတွင် သေဆုံးသွားခဲ့ကြောင်း သိရသည်။
ထို့နောက် AA အဖွဲ့ဝင်များသည် ဆိုင်ကယ်များဖြင့် ဘူးသီးတောင်-ရသေ့တောင်ကားလမ်းအတိုင်း ဖုံညိုလိပ်ကျေးရွာဘက်သို့ ထွက်ပြေးသွားခဲ့ကြောင်း သိရသည်။
ယင်းဖြစ်စဉ်နှင့်ပတ်သက်၍ အခင်းဖြစ်ညတွင်းချင်း ကြာညိုပြင်ကျေးရွာသို့ တပ်မတော်နှင့် အမှတ်(၃)နယ်ခြားစောင့်ရဲတပ်ဖွဲ့ခွဲမှ တပ်ဖွဲ့ဝင်များ ပူးပေါင်းသွားရောက်ကာ နယ်မြေရှင်းလင်းစိုးမိုးခဲ့ပြီး ဝန်းကျင်နယ်မြေလုံခြုံရေး ဆောင်ရွက်လျက်ရှိကြောင်းနှင့် စိုးဝင်းနိုင် သေဆုံးမှုအား အမှုဖွင့် အရေးယူဆောင်ရွက်လျက်နေကြောင်း သိရသည်။
No comments:
Post a Comment