အမေရိကန်က တရုတ်အပေါ် ကုန်သွယ်ရေးဒဏ်ခတ်တဲ့ အနေနဲ့ နာမည်ကျော် ဂူဂဲလ်ကုမ္ပဏီက တရုတ်ထုတ် ဟွာဝေးဖုန်းတွေကို ပေးနေတဲ့ နည်းပညာဝန်ဆောင်မှုတွေကို ဆက်ပေးတော့မှာ မဟုတ်ဘူးလို့ ထုတ်ပြန်လိုက်ပါတယ်။ ခုလို ပိတ်ပင်လိုက်တဲ့အတွက် ဟွာဝေးရဲ့ နောက်ထပ်ထုတ်လုပ်ရောင်းချမယ့် မိုဘိုင်းလ်ဖုန်း မော်ဒယ်အသစ်တွေမှာ ဂူဂဲလ်နည်းပညာတွေနဲ့ အပလီကေးရှင်းတွေ အသုံးပြုနိုင်တော့မှာ မဟုတ်ပါဘူး။
ဒီအတွက် သုံးစွဲသူတွေအပေါ် ဘယ်လိုထိခိုက်မှုတွေ၊ အကျိုးသက်ရောက်မှုတွေ ရှိလာနိုင်မလဲဆိုတာ စိတ်ဝင်စားစရာ ကောင်းပါတယ်။
မြန်မာနိုင်ငံ အပါအဝင် အာရှဒေသတွေ အတော်များများမှာ ဈေးကွက်အသာစီးရထားတဲ့ ဟွာဝေးဖုန်းတွေမှာ ထိခိုက်လာနိုင်ခြေရှိတဲ့ အချက်အလက်တချို့ကို ဖော်ပြပေးလိုက်ပါတယ်။
(၁) ဟွာဝေးဖုန်းကို လက်ရှိအသုံးပြုနေသူတွေအနေနဲ့ အပလီကေးရှင်းတွေကို အဆင့်မြှင့်တင်တာတွေနဲ့ ဂူဂယ်လ် ပလေးစတိုးရဲ့ ဝန်ဆောင်မှုတွေကို လတ်တလောမှာတော့ ဆက်ပြီး အဆင့်မြှင့်တင် အသုံးပြုလို့ ရနေဦးမှာ ဖြစ်ပါတယ်။
(၂) ဒါပေမယ့် ဂူဂဲလ်ကနေ အခုနှစ်နောက်ပိုင်းမှာ အသစ်ထပ်မံထုတ်မယ့် အန်းဒရွိုက်စနစ်ကိုတော့ ဟွာဝေးနဲ့ ဆက်စပ်ပစ္စည်းတွေမှာ သုံးလို့ရတော့မှာ မဟုတ်ပါဘူး။
(၃) နောက်တချက်ကတော့ ဟွာဝေးကနေ နောက်ထပ်ထုတ်လုပ်မယ့် စမတ်ဖုန်းတွေ၊ တက်ဘလက်တွေမှာ ယူကျု (YouTube) တို့၊ ဂူဂယ်လ်မြေပုံစနစ် စတာတွေ ပါလာမှာ မဟုတ်တော့ပါဘူး။
(၄) လတ်တလောမှာတော့ ဟွာဝေးစမတ်ဖုန်းက သုံးထားတဲ့ အန်းဒရွိုက်စနစ်ကတော့ လိုင်စင်အရ ဆက်သုံးလို့ရနေဦးမှာ ဖြစ်ပါတယ်။
ဟွာဝေးကတော့ လတ်တလော နိုင်ငံတကာမှာ သူတို့ရဲ့ စမတ်ဖုန်းနဲ့ တက်ဘလက် အသုံးပြုနေသူတွေကို လုံခြုံရေး အဆင့်မြှင့်တင်မှုတွေနဲ့ ရောင်းချပြီး ဝန်ဆောင်မှုတွေကို ဆက်ပေးသွားမယ်လို့ ထုတ်ပြန်ထားပါတယ်။
No comments:
Post a Comment