Wednesday, May 22, 2019

မန္တလေး အောင်မြေသာစံမြို့နယ်တွင် လူနေအိမ် ၅ လုံး မီးလောင်ပျက်စီး

မန္တလေးမြို့၊ အောင်မြေသာစံမြို့နယ်၊ ညောင်ကွဲရပ်ကွက်မှာ ဒီကနေ့မနက်ပိုင်းက မီးလောင်မှု ဖြစ်ပွားပြီး လူနေအိမ်ခြေ ၅ လုံး မီးလောင်ပျက်စီးသွားပါတယ်။ ဒီမနက် ၁၁ နာရီခွဲလောက်က မီးစတင်လောင်ကျွမ်းခဲ့တာဖြစ်ပြီး အိမ်ခြေစိတ်တဲ့အတွက် Level 3 အဆင့်နဲ့ မီးငြှိမ်းသတ်ဖို့ ဆောင်ရွက်ခဲ့ရကာ မိနစ် ၂၀ လောက်အကြာမှာ မီးထိန်းနိုင်ခဲ့ပါတယ်။ အဲဒီမီးလောင်ကျွမ်းမှုကြောင့် ထရံကာသွပ်မိုး နှစ်ထပ်အိမ်နှစ်လုံး၊ နံကပ် ထရံကာအိမ် တလုံး မီးလောင်ကျွမ်းခဲ့ပြီး အနီးက အိမ်နှစ်လုံး တခြမ်းစီ မီးကူးစက်လောင်ကျွမ်းခဲ့တယ်လို့ မန္တလေးခရိုင် မီးသတ်တပ်ဖွဲ့ ဦးစီးမှူး ဦးထက်အောင်က ပြောပါတယ်။ “စလောင်တာကတော့ အပေါ်ထပ်ပေါ့နော်။ သူ့ရဲ့ အိမ်အပေါ်ထပ် နှစ်ထပ်ပျဉ်ထောင်၊ အောက်က ထရံကပ်၊ အပေါ်ကပျဉ်ထောင်ပေါ့၊ အဲဒီအိမ်မှာ မြို့နယ်မှူးက စစ်ဆေးနေပါတယ်။” မီးလောင်ကျွမ်းမှုကြောင့် ဆုံးရှုံးမှုတန်ဖိုး ကျပ် ၂၄ သိန်းကျော် ရှိကြောင်းနဲ့ မီးလောင်ကျွမ်းမှု ဖြစ်ပွားရတဲ့ အကြောင်းရင်းကိုတော့ စုံစမ်းနေဆဲ ဖြစ်ပါတယ်။
at

No comments:

Post a Comment

Subscribe to: Post Comments (Atom)