ရှမ်းပြည်နယ်(မြောက်ပိုင်း) သီပေါမြို့နယ် သမိုင်းဝင်ပေါ်ကြိုဘုရားကြီး ပရိဝုဏ်အတွင်းရှိ ရှေးဟောင်းလျောင်းတော်မူ ရုပ်ပွားတော်အဆောင်ထက်တွင် တည်ထားကိုးကွယ်မည့် ရွှေတိဂုံပုံတူစေတီတော်မြတ်ကြီးအား ဗုဒ္ဓါဘိသေက အနေကဇာတင်ခြင်း၊ စိန်ဖူးတော်၊ ငှက်မြတ်နားတော်နှင့် ထီးတော်တင်လှူပွဲ မင်္ဂလာအခမ်းအနားကို မေ ၁၈ ရက် (ကဆုန်လပြည့်နေ့) က အဆိုပါဘုရားကြီးဝင်း၌ ကျင်းပခဲ့သည်။ရှေးဦးစွာစေတီတော်ကြီး၏ ရင်ပြင်တော်ပေါ်၌ နမောတဿသုံးကြိမ်ရွတ်ဆို၍ အခမ်းအနားဖွင့်လှစ်ခဲ့ပြီး ဆရာတော်၊ သံဃာတော်များက မေတ္တသုတ်နှင့် ၂၄ ပစ္စည်းမဟာပဋ္ဌာန်း တော်မြတ်များ ရွတ်ဖတ်သရဇ္ဈာယ်ကြကာ ပေါ်ကြိုဘုရားကြီးကျောင်းတိုက် ပဓာနနာယက ဆရာတော်ဓမ္မကထိက ဗဟုဇနဟိတဓရဘွဲ့တံဆိပ်တော်ရ ဘဒ္ဒန္တဒေဝိန္ဒ အရှင်သူမြတ်ထံမှ အနုမောဒနာတရားနှင့် ငါးပါးသီလခံယူဆောက်တည်ကြသည်။
ဆက်လက်၍ စေတီတော်အထွတ်သို့တင်လှူမည့်ထီးတော်နှင့်စိန်ဖူးတော်များအား ပေါ် ကြိုဘုရားကြီးတွင် လက်ယာရစ်သုံးကြိမ်လှည့်လည်ကြပြီး နံနက် ၉ နာရီမှစတင်ပင့်ဆောင်ကြရာ အရှေ့မြောက်တိုင်းစစ်ဌာနချုပ်တိုင်းမှူး ဗိုလ်ချုပ်အောင်ဇော်အေး၊ ဒုပြည်နယ်အုပ် ချုပ်ရေးမှူး ဦးကျော်သူဇော်၊ ဂေါပကအဖွဲ့ဝင်များနှင့် အလှူရှင်များက ထီးတော်နှင့် စိန်ဖူးတော်များကို အမွှေးနံ့သာရည်များပက်ဖျန်း၍ ပူဇော်ကန်တော့ကြသည်။
No comments:
Post a Comment