တိုင်းဒေသကြီး ရဲတပ်ဖွဲ့မှ လောင်းကစားဝိုင်းများကို ဖော်ထုတ်ဖမ်းဆီးရမိပါက အပိုင်ရဲစခန်းမှူး၊ နယ်ထိန်းခေါင်းဆောင်နှင့် အပိုင်နယ်ထိန်းတို့အား ရဲစည်းကမ်းထိန်းသိမ်းရေး ဥပဒေဖြင့် အရေးယူသွားမည်ဖြစ်ကြောင်း ပဲခူးတိုင်းဒေသကြီး အစိုးရအဖွဲ့ လုံခြုံရေး နှင့် နယ်စပ်ရေးရာဝန်ကြီး ဗိုလ်မှူးကြီးလှမျိုးရွှေက ပြောကြားလိုက်သည်။
မေလ ၂၀ ရက်နေ့တွင် ကျင်းပပြုလုပ်သော ဒုတိယအကြိမ် ပဲခူးတိုင်းဒေသကြီးလွှတ်တော် (၁၂) ကြိမ်မြောက် ပုံမှန်အစည်းအဝေး (ပထမနေ့) ၌ ရွှေတောင်မြို့နယ် မဲဆန္ဒနယ်အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးအုန်းသွင်မှ လောင်း ကစားဝိုင်းများပြုလုပ်သော ရပ်ကွက်/ကျေးရွာအုပ်စုများမှ ရပ်/ကျေးအုပ်ချုပ်ရေးမှူးများ၊ သက်ဆိုင်ရာနယ်မြေခံရဲစခန်းများမှ နယ်ထိန်းများကို မည်သို့အရေးယူ ဆောင်ရွက်သ လဲဟု မေးခွန်းကို ပြန်လည်ဖြေကြားရာတွင် ထည့်သွင်းပြောကြားလိုက်သည်။
“ပဲခူးတိုင်းဒေသကြီး ရဲတပ်ဖွဲ့အနေနဲ့မြို့နယ်၊ ရဲစခန်းများအလိုက် လစဉ်လောင်းကစားမှုများ ဖမ်းဆီးမှုမရှိတဲ့မြို့နယ် ရဲတပ်ဖွဲ့ မှူး၊ ရဲစခန်းမှူး၊ နယ်ထိန်းခေါင်းဆောင်များအား ခရိုင်ရဲတပ်ဖွဲ့မှူးမှ ခေါ်ယူ၍ မှတ်တမ်းတင် သတိပေး လတ်မှတ်ရေးထိုးစေခြင်းများ ဆောင်ရွက်လျက်ရှိပြီး မိမိအပိုင်နယ်မြေများအတွင်း အထက်ဌာနမှ သတင်းအရ ဖြစ်စေ၊ တိုင်ကြားချက်အရဖြစ်စေ ဝင်ရောက် ဖမ်းဆီးရမိခဲ့ပါက သက်ဆိုင်ရာ အပိုင်ရဲစခန်းမှူး၊ နယ်ထိန်းခေါင်းဆောင်နဲ့ အပိုင်နယ်ထိန်းတို့ကို ရဲစည်းကမ်းထိန်းသိမ်း ရေး ဥပဒေအရ အရေးယူဆောင်ရွက်လျက်ရှိပါတယ်” ဟု ဗိုလ်မှူးကြီး လှမျိုးရွှေက ပြောသည်။
ထို့ပြင် ရပ်ကျေးအုပ်ချုပ်ရေးမှူးများအနေဖြင့်လည်း ရပ်ကွက်/ကျေးရွာအုပ်စု အုပ်ချုပ်ရေး ဥပဒေ၊ နည်းဥပဒေ၊ လုပ်ထုံးလုပ်နည်း၊ ညွှန် ကြားချက်များနှင့်အညီ တာဝန်များကို လိုက်နာဆောင်ရွက်ရမည်ဖြစ်ပြီး ရပ်ကွက် /ကျေးရွာအုပ်စု အုပ်ချုပ်ရေး ဥပဒေအခန်း (၇)၊ ပုဒ်မ ၁၃၊ ပုဒ်မခွဲ (ဋ)အရ အများပြည်သူဆိုင်ရာနေရာတွင် လောင်းကစားလုပ်ခြင်းကို ဖမ်းဆီးခြင်း၊ အရေးယူနိုင်ရန် အကြောင်းကြားခြင်းမရှိပါက စုံစမ်းစိစစ်၍အရေးယူ ဆောင်ရွက်သွားမည်ဖြစ်ကြောင်း ၎င်းကပြောသည်။
၂၀၁၈ ခုနှစ်အတွင်း မိမိရဲစခန်းအပိုင်နယ်မြေအတွင်း အထက်ဌာနများမှ လောင်းကစားမှု ဖမ်းဆီးရမိခဲ့သဖြင့် သက်ဆိုင်ရာအပိုင် စခန်းများမှ ရဲတပ်ဖွဲ့ဝင်များအား အရေးယူခြင်းများ ဆောင်ရွက်ခဲ့ရာ အရာရှိ(၄)ဦး၊ အခြားအဆင့် (၂)ဦးတို့အား ရဲတရားရုံးဖြင့် အရေးယူခြင်း၊ အရာရှိ(၃)ဦး အား မှတ်တမ်းဝင်သတိပေး ရေးထိုးခြင်း များ ဆောင်ရွက်ခဲ့ပြီး၂၀၁၉ ခုနှစ် ဇန်န ဝါရီလမှ ဧပြီလအထိ မိမိရဲစခန်းအပိုင်နယ်မြေအတွင်း အထက်ဌာနများမှ လောင်းကစားမှု ဖမ်းဆီးရမိခဲ့သဖြင့် သက်ဆိုင်ရာအပိုင်စခန်းများမှ ရဲတပ် ဖွဲ့ဝင်များအား အရေးယူခြင်းများ ဆောင်ရွက်ခဲ့ရာ အရာရှိ (၂) ဦး၊ အခြားအဆင့်(၁)ဦးတို့အား ရဲတရားရုံးဖြင့်အရေးယူခြင်း၊ အရာ ရှိ(၄)ဦးအား သတိပေးရေးထိုးခြင်းများ ဆောင်ရွက်ခဲ့ကြောင်း ဗိုလ်မှူးကြီး လှမျိုးရွှေကပြောသည်။
မြန်မာနိုင်ငံရဲတပ်ဖွဲ့မှ တိုင်း/ ပြည်နယ်အလိုက် လောင်းကစားမှု ပပျောက်ရေးစီမံချက်အား အကောင်အထည်ဖော် ဆောင်ရွက်ရာ တွင် တစ်နိုင်ငံလုံးအနေဖြင့် ပဲခူးတိုင်းဒေသကြီးရဲတပ်ဖွဲ့သည် ဇန်နဝါရီလတွင်(၃၄) မှုဖြင့် တတိယ၊ ဖေဖော်ဝါရီလတွင် (၅၀)မှုဖြင့် ဒုတိယ၊ မတ်လတွင် (၂၈)မှုဖြင့် စတုတ္တအများဆုံး ဖမ်းဆီးအရေးယူနိုင်ခဲ့ကြောင်း သိရသည်။
No comments:
Post a Comment