မီးပွိုင့်များတွင် တောင်းရမ်းနေသောကလေးငယ်များ၏ဘ၀ရှေ့ရေးကို လူတိုင်းစဉ်းစားပေးသင့်ကြောင်း သရုပ်ဆောင်ချစ်ချစ်ဇော်က ပြောသည်။ ရန်ကုန်မြို့ရှိစိန်ရတုခန်းမတွင် မေလ ၁၉ ရက်ကကျင်းပသော ရန်ကုန်တိုင်းဒေသကြီးအတွင်းရှိ ရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရှောက်ရေးအသင်းအဆင့်ဆင့်ဖွဲ့စည်းရေး အစည်းအဝေးတွင် အကုန်သိသတင်းဌာနထံ ဖြေကြားပေးခြင်းဖြစ်သည်။
“ တစ်ခါတစ်လေမီးပွိုင့်မှာလည်းကလေးတွေ တွေ့တွေ့နေရတယ်။ အဲဒါမျိုးတွေ့ရင် အစ်မဆိုလည်း စိတ်ထဲမကောင်းဘူး။ ကားမှန်ချပြီးဘယ်မှာနေလဲ။ ဘာဖြစ်လို့ဒီလိုတောင်းနေတာလဲ။ မိဘရောရှိလား။ အမြဲတမ်းမေးမေးဖြစ်တယ်။ စိတ်မချမ်းသာစရာပေါ့။ အဲဒီတော့ ဒီကလေးတွေကိုထိန်းထိန်းသိမ်းသိမ်းနဲ့ ဒီကလေးတွေဘ၀ရှေ့ရေးအတွက်ဘယ်လိုကောင်းအောင်လုပ်ကြမလဲ။ အဲလိုမျိုးလေး စဉ်းစားသင့်တယ်’’ ဟု ချစ်ချစ်ဇော်က ပြောသည်။
မြန်မာနိုင်ငံအတွင်း ၂၀၁၂ ခုနှစ်မှ စတင်ဆောင်ရွက်ခဲ့သည့် ဘက်စုံလွှမ်းခြုံနိုင်သောပညာရေးကဏ္ဍ လေ့လာသုံးသပ်ရေးလုပ်ငန်း (Comprehe nsive Education Secotor Review-CESR) အစီအရင်ခံစာအရ ကျောင်းလုံးဝမနေဖူးသူနှင့် အခြေခံပညာပြီးဆုံးအောင်သင်ကြားခွင့်မရသူဦးရေ ၂ ဒဿမ ၇ သန်း ရှိကြောင်း သိရသည်။
ထို့အပြင် မြန်မာနိုင်ငံရှိ ကလေးငယ်ပေါင်း ၂ ဒသမ ၅ သန်းသည် အာဟာချို့တဲ့မှုကို တစ်နည်းမဟုတ် တစ်နည်းဖြင့်ခံစားနေရကြောင်း ကျန်းမာရေးနှင့်အားကစားဝန်ကြီးဌာန၏ လွန်ခဲ့သောနှစ်များက ထုတ်ပြန်ထားချက်အရ သိရသည်။
No comments:
Post a Comment