ဦးဝီရသူအမှု တရားလိုပြသက်သေသုံးဦးကို စတင်စစ်ဆေး

မျက်ကွယ်တွင် စစ်ဆေးနေသော ဦးဝီရသူ၏ အမှုနှင့်ပတ်သက်ပြီး တရားလိုပြသက်သေ သုံးဦးကို ယမန်နေ့က စတင်စစ်ဆေးခဲ့သည်။ ဦးဝီရသူအမှုတွင် တရားလိုပြသက်သေ ကိုးဦးတင်သွင်းထားပြီး သုံးဦးကို စတင်စစ်ဆေးခြင်း ဖြစ်သည်။  တရားလိုပြသက်သေအဖြစ် ကျောက်တံတားမြို့နယ် ရဲတပ်ဖွဲ့မှ ရဲအုပ် သီဟလှိုင်၊ မြို့တော်ခန်းမရှိ စည်ပင်ရဲတပ်ဖွဲ့မှ ရဲအုပ်ဇော်နိုင်အောင်နှင့် ကျောက်တံတားမြို့ နယ် အထွေထွေအုပ်ချုပ်ရေး ဦးစီးဌာန အကြီးတန်းစာရေး ဦးဝေမင်းဖြိုးတို့ကို စစ်ဆေးခဲ့ကြောင်း အနောက်ပိုင်းခရိုင် တရားရုံးပြောရေးဆိုခွင့်ရှိသူ ဒုခရိုင်တရားသူ ကြီး (၃) ဦးမင်းသန့်ကပြောသည်။

လာမည့် ရုံးချိန်းကို ဇူလိုင် ၂ ရက်သို့ ပြန်လည်ချိန်းဆိုထားပြီး ယင်းနေ့တွင် နောက်ထပ် တရားလိုပြသက်သေ သုံးဦးကို စစ်ဆေးရန် ဆင့်ခေါ်ထားသည်။
 ထို့ကြောင့်​ ရုံးချိန်းတစ်ချိန်း တွင် တရားလိုပြသက်သေ သုံးဦးထိ ဆင့်ခေါ်စစ်ဆေးပါက စုစုပေါင်း ရုံးချိန်း နှစ်ချိန်းသာ စစ်ဆေးရမည် ဖြစ်သည်။

ဇွန်လ ၁၈ ရက်တွင် တရားလိုဖြစ်သူ အနောက်ပိုင်းခရိုင် ဒုအထွေထွေ အုပ်ချုပ်ရေးမှူး ဦးစန်းမင်းကို စစ်ဆေးခဲ့သည်။ အဆိုပါရုံးချိန်းတွင် ဦးဝီရသူကို တရားစွဲဆိုရန် နိုင်ငံတော်သမ္မတရုံး၏ တာဝန်ပေးချက်အရ တိုင်တန်းတရား စွဲဆိုခြင်းဖြစ်ကြောင်း ဦးစန်းမင်း က တရားခွင်၌ ထွက်ဆိုထားသည်။

ဦးဝီရသူသည် နိုင်ငံတော်အကြီး အကဲများအပေါ် မဖွယ်မရာစကားလုံးများ သုံးနှုန်းပြောဆိုခြင်း နှင့် နိုင်ငံတော်တရားရေးနှင့် အုပ်ချုပ်ရေးစသည့်ကဏ္ဍများမှ တာဝန်ရှိသူများအပေါ် အကြည်ညိုပျက်အောင် ပြောဆိုမှုကြောင့် ဦးစန်းမင်းက တရားလိုပြုလုပ်၍ နိုင်ငံတော်အကြည် ညိုပျက်စေမှု ပုဒ်မ၁၂၄-က ဖြင့် တရားစွဲဆိုရန် မေလ ၂၈ ရက်တွင် တိုင်တန်းထား