ဗီဇာစည်းကမ်းချိုးဖောက်ကာ သွားလာခဲ့သော တရုတ်နိုင်ငံသား ၅ ဦးအား ဖမ်းဆီး

နယ်မြေခံတပ်မှ တပ်မတော်သားများပါဝင်သည့်ပူးပေါင်းအဖွဲ့သည် ဇွန်လ၂၄ ရက်နေ့ နံနက် ၇ နာရီအချိန်က တာချီလိတ်ခရိုင်၊ ကျိုင်းလပ်မြို့၊ ဝမ်မီးကောင်(အာခါ)ကျေးရွာ၏ အရှေ့ဘက် ၅ မိုင်ခန့်အကွာ နိုင်ရတနာရွှေတြိဂံသတ္တုရှာဖွေရေး ကုမ္ပဏီ၏ ရွှေတူးဖော်ရေးလုပ်ကွက်အတွင်းသို့ ဝင်ရောက်ရှာဖွေရာ ကန့်သတ်နယ်မြေအတွင်း တရားမဝင်ရောက်ရှိနေသော ဟူနန်ပြည်နယ်၊ အီယမ်မြို့နေ Mr.Chen Yuejin (၄၈) နှစ်ပါ တရုတ်နိုင်ငံသား ၅ ဦးအား ဖမ်းဆီးရမိခဲ့ကြောင်း၊ စစ်ဆေးချက်အရ ၎င်းတို့သည်မေလ ၈ ရက်နေ့တွင် နှစ်နိုင်ငံနယ်စပ်အမှတ် (၁) ချစ်ကြည်ရေးတံတားမှ တာချီလိတ်မြို့သို့ တရားဝင် ဝင်ရောက်ခဲ့သော်လည်း နိုင်ငံခြားသားများ မသွားရနယ်မြေဖြစ်သည့် ဝမ်မီးကောင် (အာခါ) ကျေးရွာအနီးသို့ ခွင့်ပြုချက်မရှိဘဲ သွားလာခဲ့ပြီး ဗီဇာစည်းကမ်းချိုးဖောက်ခဲ့ကြောင်းသိရှိရသောကြောင့် Mr.Chen Yuejin ပါ ၅ ဦးအား ဥပဒေနှင့်အညီ အရေးယူဆောင်ရွက်လျက်ရှိကြောင်း သတင်းရရှိသည်။