တောင်ကြီး - ကျိုင်းတုံသွားလမ်းပေါ် မိုင်းပျဉ်းမြို့အထွက် (၃)မိုင်ဝန်းကျင်အကွာ မိုင်တိုင် (၅၃၃) နှင့် မိုင်တိုင် (၅၃၄)အကြားတွင် ယာဉ်တစ်စီးအရှိန်မထိန်းနိုင်ဘဲ ချောင်းအတွင်းသို့ တိမ်းမှောက်သွားမှု ၂၀၁၉ခုနှစ် ဇွန်လ(၉)ရက်နေ့ နံနက်(၇)နာရီဝန်းကျင်က ဖြစ်ပွား၍ ယာဉ်မောင်းမှာ ထိခိုက်ဒဏ်ရာရရှိသွားကြောင်း သိရသည်။
ယာဉ်တိမ်းမှောက်မှုဖြစ်ပွားရာနေရာသို့ မိုင်းပျဉ်းမြို့မရဲစခန်းမှ စခန်းမှူး ဒုရဲမှူးမြင့်သောင်းနှင့် ပူးပေါင်းအဖွဲ့မှ သွားရောက် စစ်ဆေးရာတွင် တောင်ကြီး မှ ကျိုင်းတုံသို့ အသက်(၃၅)နှစ်ဝန်းကျင်ရှိ မင်းရန်အောင် မောင်းလာသော Suzuki Carry အမျိုးအစား မော်တော်ယာဉ်သည် မိုင်းပျဉ်းမြို့အထွက် (၃)မိုင်ဝန်းကျင်အကွာ မိုင်တိုင် (၅၃၃) နှင့် မိုင်တိုင် (၅၃၄)အကြားလမ်း၏ ယာဘက်ပေ(၃၀)ခန့်နက်သည့် ချောင်းအတွင်းသို့ တိမ်းမှောက်ခဲ့ရာမှ ယာဉ်မောင်းဖြစ်သူမှာ ၀ဲပါးရိုးဖူးရောင်ဒဏ်ရာ(၁)ချက်၊ ၀ဲဦးခေါင်းဂျိုစောင်းဖူးရောင်ဒဏ်ရာ၊ ၀ဲနားထင်အောက်ပွန်းခြစ်ဒဏ်ရာ၊ ယာလက်ပွန်းခြစ်ဒဏ်ရာ(၁)ချက်တို့ရရှိထားသော်လည်း မစိုးရိမ်ရကြောင်း သိရသည်။
ယာဉ်တိမ်းမှောက်မှုကြောင့် မော်တော်ယာဉ်၏ ရှေ့လေကာမှန်ကွဲကာ ရှေ့ယာဘက်ဦးခေါင်းပိန်ချိုင့်မှုသာဖြစ်ပေါ်ခဲ့ကြောင်းနှင့် အဆိုပါ ဖြစ်စဉ်နှင့် ပတ်သက်၍ ယာဉ်မောင်းအား မိုင်းပျဉ်းမြို့မရဲစခန်းတွင် ယာဉ်(ပ)၈/၂၀၁၉၊ ရာဇသတ်ကြီးပုဒ်မ ၂၇၉/၃၃၇ဖြင့် အမှုဖွင့်ထားရှိကြောင်းနှင့် ဒဏ်ရာရ ယာဉ်မောင်းအား မိုင်းပျဉ်းဆေးရုံမှ တဆင့် ကျိုင်းတုံပြည်သူ့ဆေးရုံသို့ ပို့ဆောင်ပေးထားကြောင်း သိရသည်။
No comments:
Post a Comment