ဧရာဝတီတိုင်းဒေသကြီး၊ ပန်းတနော်မြို့နယ်၊ အင်းတကော်ကျေးရွာအုပ်စုမှယက်လုပ်သည့် ကွမ်းရွက်ထည့် ခြင်းများ ယခုနှစ်တွင် ရောင်းအားကောင်းနေကြောင်း သတင်းရရှိသည်။ မြို့နယ်အသီးသီးသို့ ကွမ်းရွက်များတင်ပို့ရာတွင် ဝါးဖြင့်ယက်လုပ်သည့် ကွမ်းခြင်းတောင်းများကို အသုံးပြုမှု တွင်ကျယ်လာသည့်အတွက် ရောင်းအားကောင်းနေခြင်းဖြစ်ကြောင်း ဒေသခံများထံမှ သိရသည်။
"အရွယ်ဆိုက် ၂ မျိုးရှိတဲ့ ဝါးဖြင့်ယက်လုပ်တဲ့ ကွမ်းခြင်းတွေကို မြို့နယ်အသီးသီးမှာ ကွမ်းရွက်တင်ပို့ရောင်းချတဲ့နေရာမှာ အများဆုံးအသုံးပြုကြတယ်။ ပန်းတနော်၊ ဒေါင့်ကြီးရွာ၊ ပစ်မကုန်းရွာတွေက ၁၀ ရက်တစ်ပတ်ကို ကွမ်းထည့်အသုံးပြုရန်အ တွက် ခြင်း ၅၀ ပုံမှန်လာရောက်ဝယ်ယူနေတာကြောင့် အဆက်မပြတ်ရောင်းရတယ်"ဟု ဒေသခံ ကွမ်းခြင်းယက်လုပ်သူ ဦးစိန်ထွေးက ဧရာဝတီတိုင်းမ်ကို ပြောသည်။ ကွမ်းရွက်ခြင်း ယက်လုပ်သူများသည် ကွမ်းရွက်ထည့်သည့် ခြင်းများအား ကုန်ချိန် ၂၈ ပိသာထည့်နိုင်သည့်ခြင်း၊ ကုန်ချိန် ၃၅ ပိသာထည့်နိုင်သည့် ခြင်းဟူ၍ ဆိုဒ် ၂ မျိုး ယက်လုပ်ကြကြောင်းသိရသည်။
No comments:
Post a Comment