စင်ကာပူနိုင်ငံမှ အိမ်ရှင်အဖြစ် ကျင်းပပြုလုပ်မည့် အာရှ-ပစိဖိတ်ဒေသ၏ နိုင်ငံတကာ ရေကြောင်းကာကွယ်ရေး ပြပွဲနှင့် ကွန်ဖရင့် (International Maritime Defence Exhibition and Conference Asia 2019 - IMDEX Asia 2019)သို့ တက်ရောက်ရန် အတွက် တပ်မတော်(ရေ)မှ ဗိုလ်မှူးကြီး မောင်မောင်သန့် ဦးဆောင်သော ကိုယ်စားလှယ် အဖွဲ့များ ပါဝင်သည့် စစ်ရေယာဉ်(ကျန်စစ်သား)သည် ယနေ့နေ့လယ်ပိုင်းတွင် ရန်ကုန်မြို့၊ အမှတ်(၃)ရေတပ်ဆိပ်ခံ တံတားမှ ထွက်ခွာရာ သန်လျင်တပ်နယ်မှ အရာရှိကြီးများ၊ တပ်မတော်(ရေ)မှ အရာရှိကြီး၊ အရာရှိ၊ စစ်သည်၊ မိသားစုများက ပို့ဆောင်နှုတ်ဆက်ကြသည်။စစ်ရေယာဉ်(ကျန်စစ်သား)နှင့် အတူ စင်ကာပူ နိုင်ငံတွင် IMDEX Asia 2019 သို့ တက်ရောက်မည့် စစ်ရေယာဉ်(ဆင်ဖြူရှင်)သည် တရုတ်ပြည်သူ့သမ္မတနိုင်ငံ၊ ရှန်တုန်းပြည်နယ်၊ ချင်းတောင်မြို့တွင် တရုတ်ပြည်သူ့ လွတ်မြောက်ရေး တပ်မတော် ရေတပ် နှစ်(၇ဝ)ပြည့် အခမ်းအနားနှင့် China-Southeast Asia Maritime Exercise – 2019 တို့သို့ ပါဝင် တက်ရောက်ခဲ့ပြီး ချင်းတောင်ဆိပ်ကမ်းမှ မေ ၅ ရက်နံနက်ပိုင်းတွင် စင်ကာပူနိုင်ငံသို့ ပြန်လည် ထွက်ခွာခဲ့သည်။ အဆိုပါ IMDEX Asia 2019 ကို စင်ကာပူနိုင်ငံ၌ မေ ၁၃ ရက်မှ ၁၆ ရက်အထိ ကျင်းပပြုလုပ် သွားမည်ဖြစ်ပြီး မြန်မာနိုင်ငံ အပါအဝင် နိုင်ငံပေါင်း ၁၄ နိုင်ငံမှ စစ်ရေ ယာဉ် ၂၃ စီး ပါဝင် တက်ရောက်ကြမည်ဖြစ်ကြောင်း သတင်း ရရှိသည်။
No comments:
Post a Comment