ကုလမဟာမင်းကြီး ရခိုင်ပြည်နယ်မှာ ဒုက္ခသည်တွေနဲ့ တွေ့ဆုံ

မြန်မာနိုင်ငံကို ၅ ရက်ကြာ ရောက်ရှိနေတဲ့ ဒုက္ခသည်များဆိုင်ရာ ကုလသမဂ္ဂ မဟာမင်းကြီး Filippo Grandi ဟာ ဒီကနေ့ ရခိုင်ပြည်နယ် မြောက်ပိုင်းကို ရောက်ရှိနေပြီး ဒေသဆိုင်ရာ တာဝန်ရှိသူတွေ၊ စစ်ရှောင်ဒုက္ခသည်တွေနဲ့ တွေ့ဆုံခဲ့ပါတယ်။ ဒုက္ခသည်တွေကြုံတွေ့ရတဲ့ အခက်အခဲတွေနဲ့ မောင်တော၊ ဘူးသီးတောင် ဒေသတွင်း လုပ်ဆောင်နေတဲ့ ဖွံ့ဖြိုးရေး လုပ်ငန်းစဉ်တွေနဲ့ ပတ်သတ်လို့ ဆွေးနွေးခဲ့တယ်လို့ ကိုယ်တိုင်တွေ့ဆုံသူတွေက ပြောပါတယ်။ ဒီသတင်းကို ဗွီအိုအေ သတင်းထောက်မေခက ဆက်သွယ်မေးမြန်းထားပါတယ်။


ဒုက္ခသည်များဆိုင်ရာ ကုလသမဂ္ဂ မဟာမင်းကြီး Mr. Filippo Grandi ဟာ မေလ ၂၀ရက်နေ့က ရခိုင်ပြည်နယ် စစ်တွေမြို့ကို ရောက်ရှိလာ ခဲ့တာဖြစ်ပြီး ဒီကနေ့မှာတော့ မောင်တောမြို့နယ်ရှိ့်တဲ့ ဖားဝပ်ချောင်းကျေးရွာ၊ ပန်းတောပြင်မူဆလင်ကျေးရွာ၊ ရွာမ မူဆလင်ကျေးရွာတွေကို သွားရောက်ခဲ့သလို မကြာသေးခင်က ဖြစ်ပွားခဲ့တဲ့ တိုက်ပွဲတွေကြောင့် စစ်ဘေးဒုက္ခသည်အယောက် ၅၀၀ ကျော်ခိုလှုံနေတဲ့ ဘူးသီးတောင်က ရန်အောင် မြေဘုန်း တော်ကြီးကျောင်းကိုလည်း သွားရောက်ခဲ့ပါတယ်။

ဒုက္ခသည်များဆိုင်ရာ ကုလသမဂ္ဂ မဟာမင်းကြီး Mr. Filippo Grandi တွေ့ဆုံချိန်မှာ ဒုက္ခသည်တွေရဲ့ အခက်အခဲတွေကို တင်ပြခဲ့တယ်လို့ ဒုက္ခသည်တွေကို ကူညီစောင့်ရှောက်ပေးနေတဲ့ ဘူးသီးတောင် ရန်အောင်မြေကျောင်း တိုက်ဆရာတော် ဦးဣ၀ံသက မိန့်ပါတယ်။

“သူတို့ကတော့ ဒုက္ခသည်တွေတင်ပြတဲ့ဟာတွေကို တချိူ့တဝက်ကို အစိုးရနဲ့ တိုင်ပင်ဖြေရှင်းပေးမယ်ပြောတယ်။ နောက်တချို့ကိုတော့သူ့အထက် UN အဖွဲ့ကို တင်ပြမယ်လဲပြောပါတယ်။ ဘုန်းဘုန်းတို့တင်ပြတာကတော့ ရွာသားတွေက ကိုယ့်ရပ်ရွာကိုပြန်ချင် တယ်။ ရွာထဲကျန်တဲ့ ဗုံးသီးတွေကိုရှင်းပေးစေချင်တယ်။ နောက်တခုကတော့ လာရောက်ကုညီကယ်ဆယ်တဲ့သူတွေကို လွတ်လွတ်လပ်လပ်လာခွင့်ရစေချင်တယ်။ ဒါတွေကို တင်ပြတာရှိပါတယ်”

လတ်တလော စစ်ဘေးရှောင် ဒုက္ခသည်တွေမှာ မိုးကာလ ရောက်တော့မှာဖြစ်လို့ နေရေးထိုင်ရေးနဲ့ ကျန်းမာရေး စောင့်ရှောက်မှုတွေ အရေးတ ကြီးလိုအပ်နေတယ်လို့ ဆရာတော်က မိန့်ပါတယ်။

လုံခြုံရေးအရ သွားလာရ အဆင်ပြေတဲ့ နေရာတွေဆီကို ဒုက္ခသည်များဆိုင်ရာ ကုလသမဂ္ဂ မဟာမင်းကြီး Mr. Filippo Grandi လွတ်လပ်စွာ သွားလာနိုင်ဖို့ စီစဉ် ဆောင်ရွက်ပေးနေသလို နိုင်ငံတကာအဖွဲ့တွေနဲ့ ဒေသဖွံ့ဖြိုးရေးတွေ ဆက်လက်လုပ်ဆောင်မယ်လို့ ဆိုလာသူကတော့ မောင်တောခရိုင် အုပ် ချုပ်ရေးမှုးဦးစိုးအောင်ပါ။ ဒီခရီးစဉ်က ကုလသမဂ္ဂအဖွဲ့တွေနဲ့ အစိုးရကြား နားလည်မှုစာချွန်လွှာ ရေးထိုးထားတဲ့ ဒေသဖွံဖြိုးရေးဆိုင်ရာ ပရောဂျက်တွေနဲ့ ပတ်သတ်လို့ လာရောက် လေ့လာဆွေးနွေးတာ ဖြစ်တယ်လို့ ဦးစိုးအောင်က ဆိုပါတယ်။

“မနေ့ကတွေ့တော့ သူတို့လုပ်နေတဲ့ ပရောဂျက်တွေကိုခွင့်ပြုပေးလို့ကျေးဇူးတင် တယ်ပြောတယ်။ သူတို့အမြန်ဆုံးပြီးအောင်လုပ်မယ်ပေါ့ဒါပါဘဲ။ ကျန်တာသိပ်ထွေထွေထူးထူးမရှိပါဘူး။ ကျေးရွာတွင်းဒေသဖွံ့ဖြိုးရေးလုပ်တာတွေပါ။ ရေတွင်းရေကန်ကောင်း အောင်လုပ်တာတို့၊ ရေမြောင်းတွေ၊ စာသင်ကျောင်းတွေဆောက်ပေးတာတို့ အဲဒီလုပ်ငန်းတွေပါ”

Mr. Filippo Grandi ဦးဆောင်သောအဖွဲ့ဟာ ပြီးခဲ့တဲ့ ၂၀၁၇ ခုနှစ်ဇွန်လက မြန်မာနိုင်ငံကို ပထမဆုံးအကြိမ် ရောက်ရှိလာခဲ့တာဖြစ် ပြီး အခုခရီးစဉ်က သူရဲ့ဒုတိယမြောက်ခရီးစဉ်ဖြစ်ပါတယ်။ အခုခရီးစဉ်အတွင်းမှာတော့ မြန်မာအစိုးရ၊ ကုလသမဂ္ဂဖွံ့ဖြိုးရေးအစီအစဉ် UNDP UNHCR တို့ လက်မှတ်ရေးထိုးထားတဲ့ နားလည်မှုစာချွန်လွှာနဲ့အညီ အကောင်အထည်ဖော်ဆောင်မှုလုပ်ငန်းတွေ၊ MOU သက်တမ်းတိုးရေးကိစ္စ၊ ပြည်နယ်အစိုးရနဲ့ ကုလသမဂ အဖွဲ့တွေကြား ပူးပေါင်းဆောင်ရွက်မှုဆိုင်ရာကိစ္စတွေ၊ နေရပ်စွန့်ခွာသူတွေ ပြန်လည် လက်ခံရေးကိစ္စတွေကို ဆွေးနွေးခဲ့တဲ့အကြောင်း မြန်မာနိုင်ငံခြားရေးဌာနက သတင်းထုတ်ပြန်ထားပါတယ်။