လှိုင်သာယာဆေးရုံမှာ လူနာအမျိုးသားက ကတ်ကြေးနဲ့ထိုးလို့ လူခြောက်ဦး ဒဏ်ရာရသွားပါတယ်။ ဒီကနေ့မနက်အစောပိုင်း သုံးနာရီလောက်က ဖြစ်ခဲ့တာပါ။ လမ်းမှာလဲနေတဲ့အမျိုးသားတစ်ဦးရဲ့ ခေါင်းနဲ့ကျော မှာ ဒဏ်ရာတွေရနေတာကိုရဲက တွေ့လို့ ဆေးရုံကို ခေါ်လာခဲ့တာဖြစ်ပါတယ်။ ဆေးရုံရောက်တဲ့အချိန် သူနာပြုအမျိုးသားက ဒဏ်ရာတွေကို ဆေးကြောပေးနေချိန်မှာ အဲဒီလူနာအ မျိုးသားဟာ ကုတင်ပေါ်ကနေ ရုတ်တရက်ထထိုင်ကာ ဆေးဗန်းထဲမှာရှိတဲ့ ကတ်ကြေးကိုယူပြီး အနားမှာရှိတဲ့သူတွေကို လိုက်ထိုးခဲ့တာလို့ လှိုင်သာယာဆေး ရုံအုပ်ကြီးကပြောပါတယ်
။ ဒါကြောင့် သူနာပြု အမျိုးသားအပါအဝင် ရဲတပ်ဖွဲ့တစ်ဦးနဲ့ စုစုပေါင်း ခြောက်ဦး ထိခိုက်ဒဏ်ရာ ရခဲ့ တယ်လို့သိရပါတယ်။ ဒဏ်ရာရသွားတဲ့သူတွေထဲမှာ အခြားလူနာစောင့်တွေလည်းပါတယ်လို့ဆိုပါတယ်။ ကတ်ကြေးနဲ့ထိုးပြီးဆေးရုံအပြင်ဘက်ကို ထွက်ပြေးချိန်မှာတော့ ပိတ်ဆို့ဖမ်းဆီးနိုင်ခဲ့ပါတယ် ။ လတ်တလောမှာတော့ ရဲက စစ်ဆေးနေပြီး အခင်းဖြစ်တဲ့အချိန်က ကတ်ကြေးနဲ့ထိုးတဲ့အမျိုးသားဟာ အရက်သေစာသောက်စားထားတယ်လို့ လှိုင်သာယာဆေးရုံအုပ်ကြီးကဆိုပါတယ်။ ကတ်ကြေးနဲ့ထိုးခံရလို့ ဒဏ်ရာရသွားတဲ့သူတွေကတော့ မစိုးရိမ်ရဘူးလို့သိရပါတယ်။
No comments:
Post a Comment