တရုတ်မှ ၀ယ်လိုအားကျဆင်းလာသော ပြည်တွင်းဆန်ဈေးကွက်တွင် စပါးများ မကြိတ်နိုင်တော့ဘဲ ပုံထားလာရကြောင်း ဆန်ရောင်းဝ ယ်နေသူများထံမှ သိရသည်။ သင်္ကြန်မတိုင်မီ ဧပြီလပထမအပတ်တွင် ၂၅ ရာခိုင်နှုန်းဆန်အမျိုးအစားတစ်တင်းခွဲပါ ဆန်တစ်အိတ်လျှင် ကျပ် ၁၈၀၀၀ မှ ကျပ် ၁၉ ၅၀၀ အထိဈေးရရှိခဲ့သော်လည်းလက်ရှိမေလဆန်းတွင် ကျပ် ၁၇၀ ၀၀ မှ ကျပ် ၁၇၅၀၀ ဝန်းကျင်သာဈေးနှုန်းရရှိကြောင်း သိရသည်။
“တရုတ်ကမဝယ်တာမဟုတ်ဘူး။ ဝယ်တော့ဝယ်တယ်။ ရက် ၉၀ က နီးစပ်ရာပဲပို့နေကြတော့ ဒီအထိလာမဝယ်တော့ဘူး။ မူဆယ်မှာတင်ပိတ်မိနေတဲ့ ဆန်ဆိုလည်းမနည်းဘူးလေ။ ဒီဘက်မှာကအခွန်လွတ်တဲ့ ငစိန်တို့၊ ထွန်းပုတို့လောက်ပဲတရုတ်ကဆွဲတော့တာ။ ရက် ၉၀ တွေဘာတွေကဒီကလာမဝယ်တော့ဘူး။ ဒါတွေကတရုတ်ဝယ်မှပဲရောင်းရတာကိုး။ ဆန်တင်မဟုတ်ဘူး။ အောက်မှာစပါးတွေပါ ပုံနေတယ်။ မကြိတ်ကြတော့ဘူး”ဟု ညောင်တုန်းမြို့နယ်မှ ဆန်ကုန်သည် ဦးမျိုးနိုင်က အကုန်သိသတင်းဌာနသို့ ပြောသည်။
လက်ရှိ မြန်မာနိုင်ငံမှ တရုတ်နိုင်ငံသို့ ဆန့်တင်ပို့ရာတွင် မြန်မာနိုင်ငံဘက်မှ တရားဝင်ခွင့်ပြုထားသော်လည်း တရုတ်နိုင်ငံမှ တရားဝင်ခွင့်ပြုထားခြင်းမရှိသည့်အတွက် နယ်စပ်ကုန်သွယ်ရေးလမ်းကြောင်းမှ တစ်ဆင့် တင်ပို့နေရကြောင်း သိရသည်။
မြန်မာနိုင်ငံမှ ပြည်ပဆန်တင်ပို့မှုအနေဖြင့် ပြီးခဲ့သည့် ၂၀၁၇-၁၈ ဘဏ္ဍာနှစ်တွင် မတ်ထရစ်တန်ချိန် ၃ ဒဿမ ၈ သန်းနီးပါးအထိစံချိန်တင်တင်ပို့နိုင်ခဲ့ပြီး ၂၀၁၈-၁၉ ဘဏ္ဍာနှစ်(ဧပြီလ ၁ ရက်မှမတ်လ ၃၁ ရက်အထိ)တွင် မတ်ထရစ် တန်ချိန် ၂၃,၈၁,၀၅၅ တင်ပို့နိုင်ခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။
No comments:
Post a Comment