ရှမ်းပြည်နည် (အရှေ့ပိုင်း) မိုင်းဆတ်မြို့နယ် လွယ်ဆမ်ဆုံတောင်အဆင်း မိုင်းဆတ်-တာချီလိတ်လမ်း အမှတ် (၅၅၃) ခြေမြန်တပ်ရင်းအနီးတွင် မေလ (၄) ရက်နေ့ ညနေ ၆ နာရီခန့်က Vigo ယာဉ်တစ်စီး တိမ်းမှောက်၍ အမျိုးသမီးနှစ်ဦးသေဆုံးပြီး အမျိုးသားတစ်ဦး ဒဏ်ရာရရှိခဲ့ကြောင်း မိုင်းဆတ်မြို့နယ် ရဲတပ်ဖွဲ့မှူးရုံးထံမှ သိရသည်။ “တောင်အဆင်းမှာ အရှိန်လွန်ပြီး မြေသားနံရံကိုတိုက်မိပြီး တိမ်းမှောက်သွားတာပါ။ ကားပေါ်မှာလိုက်စီးလာတဲ့ ၇ ဦးမှာ ၂ ဦးသေဆုံးပြီး တစ်ဦးဒဏ်ရာရတယ်”ဟု ကျိုင်းတုံမြို့ ပြည်နယ်ဒုတိယ ရဲတပ်ဖွဲ့မှူးရုံးမှ ရဲအရာရှိတစ်ဦးက ပြောကြားသည်။အဆိုပါဖြစ်စဉ်တွင် ယာဉ်ပေါ်၌လိုက်ပါစီးနင်းလာသည့် အမျိုးသား ၂ ဦးနှင့် အမျိုးသမီး ၅ ဦးအနက် အမှတ် (၅၅၃) ခြေမြန်တပ်ရင်းနေ ဒေါ်ဇာနည်ဝင်း (၄၁) နှစ်နှင့် ဒေါ်တင်တင်စန်း (၅၁) နှစ်တို့ သေဆုံးပြီး လျှပ်စစ်ဝန်ထမ်း ဦးထွန်းမင်းလတ် (ခ) အာကြီး (၃၈) နှစ်မှာ ဒဏ်ရာရရှိခဲ့၍ ယာဉ်မောင်း ဦးစိန်ဝင်း (၆၃) နှစ်ကို ယာဉ် (ပ) ၁/၂၀၁၉၊ ရာဇသတ်ကြီး ပုဒ်မ-၃၃၇/၃၃၈/၃၀၄-က ဖြင့် အရေးယူထားကြောင်း မိုင်းတွမ်းနယ်မြေရဲစခန်းထံမှ သိရသည်။
No comments:
Post a Comment