အာဖဂန်နစ္စတန်နိုင်ငံ မြောက်ပိုင်း ပူလ်အီခူရှ်မရီမြို့က ရဲဌာနချုပ်တခုကို တာလီဘန် စစ်သွေးကြွတွေ ဝင်စီးနင်းတိုက်ခိုက်ခဲ့လို့ လူ ၁၃ ယောက်ထက်မနည်း သေဆုံးခဲ့တယ်လို့ တာဝန်ရှိသူတွေက မေလ ၅ ရက်နေ့မှာ ပြောပါတယ်။ တာလီဘန်စစ်သွေးကြွ တယောက်ဟာ ရဲဌာနချုပ် အပေါက်ဝမှာ အသေခံ ကားဗုံးခွဲပြီးနောက် သေနတ်သမားရှစ်ယောက်က အဆောက်အအုံထဲကို ဝင်တိုက်ခိုက်ခဲ့တယ်လို့ အာဖဂန်အရာရှိနှစ်ယောက်က ပြောပါတယ်။
အဲဒီရဲဌာနချုပ်ဟာ ပူလ်အီခူရ်ှမရီမြို့ရဲ့ လူနေရပ်ကွက်တွေ စီးပွားရေး အဆောက်အအုံတွေနဲ့ လူစည်ကားတဲ့နေရာမှာ တည်ရှိပါတယ်။ အဲဒီတိုက်ခိုက်မှုနဲ့ ပတ်သက်ပြီး တာလီဘန်အဖွဲ့က သူတို့လက်ချက်လို့ ကြေညာခဲ့ပါတယ်။
အာဖဂန်အခြေစိုက် တာလီဘန်အဖွဲ့ဟာ အစ္စလာမ္မစ် အုပ်ချုပ်ရေး ပြန်လည်အသက်ဝင်ဖို့နဲ့ အာဖဂန်နိုင်ငံကနေ ပြည်ပတပ်ဖွဲ့တွေကို မောင်းထုတ်ဖို့ ကြိုးစားနေကြတာပါ။
တာလီဘန်တွေဟာ ဖောက်ခွဲရေးပစ္စည်းတွေ သယ်ဆောင်ဖို့နဲ့ စစ်တပ်ကို ထိုးဖောက်ဝင်ရောက်ရေး ကားဗုံးဖောက်ခွဲတဲ့ နေရာမှာ သုံးဖို့ အမေရိကန်ထုတ် ဟမ်ဗီး (Humvee) အမျိးအစား မော်တော်ကားတွေကို အာဖဂန်စစ်တပ်ဆီကနေ မကြာခဏ သိမ်းယူလေ့ရှိပါတယ်။
No comments:
Post a Comment